الموضوع: زيت محرك byd

ما تختارش الزيت بناء على اللزوجة بس... الكتالوج قايل على كود آخر اسمه API لازم تلتزم بيه.. وده الأهم.

وعلى أرض الواقع.. كل ماركات الزيوت ما فيش فروق محسوسة ما بينهم

لو عايز تعرف معلومات أكتر عن أسس اختيار الزيوت والفروق بين التخليقي المعدني.. ادخل على الموضوع ده
http://www.nilemotors.net/Nile/341680-a.html

الكتالوج بيقوللك sg ؟؟؟؟

طيب دي حاجة حلوة جدا... ده معناه إن أي زيت بتاع مواتير بنزين هيمشي معاك

ده طبعا هيساعدك توفر في المصاريف.. خصوصا إنك بتقول إن مشاويرك كلها قصيرة

فكر كده في فرق الأسعار بين زيت SG ثمنه 60-70 جنيه وزيت تخليقي SN ثمنه 300 جنيه... والاتنين هتخليهم في العربية مدة زمنية قريبة من بعض.



طيب.. خلينا في الوضع الحالي


بالنسبة لموضوع موبيل 1... فمشكلته كلها إن الإضافات اللي محطوطة عليه هدفها التنظيف أساسا.. علشان كده صوت الموتور بيبقى عالي شوية عن المعتاد. .. وطبعا.. لونه بيتغير بسرعة أعلى علشان بيشيل الرواسب أول بأول من الموتور

بالنسبالك.. موتورك لسه جديد.. مش هتحس بالمشكلة بتاعتهم لإن موتورك نظيف من الأول ومفيش حاجة لحقت تترسب .. ومادام نويت تحط تخليقي من الأول خليك عليه

زي ما قلتلك... مفيش فروق محسوسة بين ماركات الزيوت.. خصوصا لما تقارن زيوت لها نفس كود الapi ونفس اللزوجة

خليك مع التوكيل وحط موبيل 1 .. بالذات في أول مرة دي علشان ما تخسرش الضمان.. واسألهم هناك على موضوع الزيت إذا كنت تقدر تغيره بره التوكيل ولا ﻷ



...