الموضوع: التوكيل : الياريس عايزة علبة دركسيون وطقم مساعدين !!

السلام عليكم

انا من مدة كان عندي مشكلة في العربية ان ثباتها مش زي الاول وبتحدف يمين وسعات الدركسيون بيبقى تقيل شوية بس موضوع التقل ده قليل مش بيحصل علطول يعني

لفيت على كل العفشجية وعملت زوايا مليون الف مرة في كل محلات ضبط الزوايا حتى بيرجيسدون وكلو بياكد ان العربية مافيش فيها مشاكل لا فزاويا ولا في عفشة

جربت احط العجل اليمين مكان الشمال برضوا لسه بتحدف يمين ,, موضوع الحدفة اليمين من زمان وانا ماكنتش حاطط في دماغي لانه ماكنش ماثر والعربية كان ثباتها زي الفل

بس مؤخرا بدا الثبات مايبقاش زي الاول

وانا وبعمل الصيانة في توكيل ابو رواش

قالولي العربية محتاجة تغير شداد ميزان يمين

قلت بس هو ده اكيد اللى مبوظ الدنيا واكيد لما اغيره الدنيا كلها هتظبط

بعدها بشهرين تقريبا رحت التوكيل عشان اغيره وقلتلهم يكشفو على العفشة بقى بالمرة كشف كامل ويتعمل زوايا وكل حاجة

بعد ماخلصو وجيت استلم العربية لقيت المهندس بيقول ان العربية علبة الدركسيون بايظة ودي ب 8 الاف

والمساعدين الاتنين الامامي (يمين وشمال) بايظين برضوا

انا حاسس ان فيه حاجة غلط !! خصوصا اني لما بصيت على تقرير الزوايا بتاع التوكيل لقيت الزوايا كلها مظبوطة 10/10 !!

واول ماستلمت العربية لقيت الدركسيون اتقل من الاول بفرق ملحوظ !!! بس لما جربت العربية على الطريق الثبات يعتبر اتظبط

لسه مش متاكد اذا كان زي الاول ولا لاء بس فيه تحسن ,,

انا ماعنديش مشكلة اغير المساعدين بس علبة الدركسيون غالية اوي

وكمان سمعت انها لما بتبوظ بتعمل خبط مع الطرق المكسرة وانا ماعنديش الخبط ده خالص

ومش بسمع اي اصوات ولا اي حاجة مع لف الدركسيون يمين وشمال حتى للاخر

العربية عاملة 69 الاف كم

افيدوني يا شباب ؟ 8 الاف جنيه كتير اوي ولو هغير معاهم طقم مساعدين يبقى بنتكلم في 12 / 13 الاف بالميت