للناس اللى بتتكلم عن العيوب.. طيب إيه رأيكم فى ده؟؟!!!

**mr.elegant** · 06-03-2014 08:24 PM

أعلن أعلى جهاز لمراقبة الجودة في الصين عن حملة استدعاء لشركة “بي أم دبليو” تشمل 10234 سيارة من طرازات الفئة السابعة من السوق الصينية والتي تم تثبيتها بنظام يسمح بدخولها وتشغيلها بدون مفتاح، وذلك بسبب إكتشاف خلل في “نظام الدخول المريح” ما يؤثر على السلامة .

وفقا لما قالت الإدارة العامة للرقابة على الجودة والتفتيش والحجر الصحي فى الصين خلال بيان قدمته شركة “بي أم دبليو”، فإن حملة الاستدعاء التي تبدأ من 24 مارس الجاري تشمل على 8676 سيارة منتجة بين 10 مارس 2014 و31 يوليو 2008، ومن الممكن لهذه السيارات أن تعاني من عيوب عندما يبدأ تشغيلها بنظام تشغيل السيارة وفتح الأبواب، بحسب ما ذكرته وكالة أنباء الشرق الأوسط.

علاوة عن ذلك، قال البيان الصادر عن الشركة ومقدم للسلطات الصينية أنه سيتم سحب 1558 سيارة أخرى أنتجت ما بين أول مارس 2004 و8 يوليو 2008، بسبب خلل في قفل الأبواب والتي قد تبدو وكأنها مقفلة ولكن في الواقع لم تكن كذلك، مما يعني أن الأبواب قد تفتح بشكل غير متوقع على الطرق الوعرة.

**engherc** · 06-03-2014 10:29 PM

باشا انت بتقارن إيه ب إيه ؟ طيب يا ترا غبور معملش استدعاء هو كمان يا راجل دول نزلوا عربية من غير عوامة البنزين

**د.عماد صلاح** · 06-03-2014 10:46 PM

حضرتك عرفت ان في ناس ظهر عندهم صدأ في شنطه العربيه و غبور عايز يعمل نفس نظام السنفره و العك بتاع الابواب ....لو مش مصدقني خش علي جروب الفايس ....احنا عايزين الناس تاخد حقها و عايزين العربيه دي تنزل بنفس جودتها في الخليج ..لاعايزين نضايق حد او نقلل من العربيه الجميله دي .....وشكرا

**mr.elegant** · 07-03-2014 07:26 AM

المشاركة الأصلية كتبت بواسطة د.عماد صلاح

حضرتك عرفت ان في ناس ظهر عندهم صدأ في شنطه العربيه و غبور عايز يعمل نفس نظام السنفره و العك بتاع الابواب ....لو مش مصدقني خش علي جروب الفايس ....احنا عايزين الناس تاخد حقها و عايزين العربيه دي تنزل بنفس جودتها في الخليج ..لاعايزين نضايق حد او نقلل من العربيه الجميله دي .....وشكرا

أنا مصدق حضرتك طبعاً بس أنا هدفى نتفق على المواجهة بدل ما نفضل نندم بدون توجهات إيجابية تفيدنا و تفيد غيرنا و كمان علشان ماننساش إننا جايبين عربيات جديدة و لسة عاوزين نستمتع بيها.. صح و لا لإيه؟؟

**shiko85** · 07-03-2014 08:22 AM

دى عيوب و دى عيوب و مش غلط ان تظهر عيوب لان الكمال لله وحده الغلط ان الوكيل يتجاهل العيوب و يحاول يظهرها انها مشكله فرديه او يتعمل مع الموضوع ان ده العادى
المواطن مش المفروض تكون غلطة حياته انه اشترى عربيه و مش المفروض التوكيل يكون كل هدفه المكسب على حساب الناس لانه كده كده كسبان فا ايه المانع انه يحافظ على حقوق المشترى !!!

**sedmam** · 07-03-2014 08:54 AM

باشا بورش عملت نفس الموضوع من اسبوع بسبب عطل ظهر فى المحرك وهو توقف كامل وايضا حريق بالماتور لسه شايف الخبر ده
انا لسه مشترى ايمى امبارح وبصراحه توكلت على الله فيها لانى شايف ناس متفقه وناس تهاجم عايزين نعرف الحقيقه فين

**shiko85** · 07-03-2014 09:12 AM

المشاركة الأصلية كتبت بواسطة sedmam

انا لسه مشترى ايمى امبارح وبصراحه توكلت على الله فيها لانى شايف ناس متفقه وناس تهاجم عايزين نعرف الحقيقه فين

الف مبروك على العربيه و ربنا يعطيك خيرها و يكفيك شرها
انا العربيه عجبانى جدا
انا كان عندى زمان جيلى فروته و ناس كانت كتير اوى بتهاجم العربيه و اللى يقول البلاستيك بيسيح و اللى يقول عيوب عمرها ما حصلت و اللى و اللى .....
و كان نفسى جيلى يبقلها اسم فالسوق المصرى خصوصا انها مقارنه ببعض العربيات الصينى الموجوده فمصر هى افضل بمراحل و كمان عالميا جيلى بتنافس شركات كتير و تتفوق عليهم
و زى ما عرفت انها منتشره فالمدينه المنوره
مشكله جيلى فمصر الوكيل مره يكون كسلان و مش عايز بيذل اى مجهود لدرجة ان الناس كانت بتقول ان ده غسيل اموال مش اكتر و مره توكيل مش هاين عليه يطور نفسه و لما اتقال ان غبور هياخد توكيل جيلى فمصر انا فرحت قلت غبور اسم كبير و جيلى هتنتشر زى الأسبرانزا و byd و ممكن اكتر خصوصا ان العربيه em7 عربيه ممتازه
لكن للاسف مع بداية الانتشار تبدا العيوب فالظهور
بصراحه حاجه تغيظ يعنى ايه عربيات زيرو مصديه ؟؟!!
حتى لو الموضوع ده فعربيات قليله
انا تفسيرى الوحيد ان العربيات اللى فيها صدا هى العربيات اللى كانت متخزنه عند التوكيل السابق و غبور نزلها على اساس انها موديل السنه بس ده مجرد رأى

**dedi** · 07-03-2014 11:56 AM

بتقارن اية باية ياراجل كم العيوب الذى نزل فى الايمى لم يسمع عنة من قبل او من بعدة تحب افكرك بالعيوب ولا يكفى تقرا المكتوب عنها هنا وماتنساش تويوتا من كام سنة كان عندها مشكلة فى دواسة البنزين و على مستوى العالم بس اى شركة محترمة ماذا كان رد فعلها استدعت السيارات و اصلحت العيوب موش يقول 300 جنية علشان كشف الصدا واقل شئ يعملة غبور استدعاء السيارات على مواعيد او بارقام الشاسية وتغيير الابواب وذيادة الضمان على البودى دة لو شركة تحترم العميل انما لو شركة بتستهبل و مايهمهاش العميل اضرب راسك فى الحيط و يسنفر الابواب ومشى حالك بس صدقنى بعد شوية ممكن يرجع الصدا لانة شغل يدوى و عك
بتتكلم على تجميع مصرى طيب كل الفيات 127 و 128 و الدوجان سمعت عن الصدا بلاش دول طيب الفيرنا او اللانوس معى موديل 2000 والحمد للة لسة فكيت الابواب لشغل فى الزجاج و الحمد للة
وبعدين نفس السيارة بتنزل فى بلاد كتير سمعت عن نفس مشاكل زى تجميع غبور
وبالرغم من كل ذلك لو غبور اعتم بها و اصلح الكوارث التى بها هاتعمل مبيعات حلوة ولو استوردها من برة هاتكسر الدنيا ( ولن يختلف السعر لانة انفى مستوردة و فى نفس الفئة السعرية )