الموضوع: استفسار

السلام عليكم

العربية بتاعتى " ابيزا 94 " عملت حادثة ولبست فى عمود ومش بس كدة لا العمود على قاعدة خرسان فا انا رشقت فى القاعدة الخرسان ... المهم العربية اتبهدلت الجنب الشمال هو الى فيه الخبطة فا متبهدل

المهم رفعتها وروحت للسمكرى .. فرد الشاسيه بزرجين تقريبا و كان فيه كسرة فى العتب والسقف لان الباب الشمال كان مفتوح ساعت الخبطة السقف اتفرد والعتب مفرود بس فى لحامات

المهم هو طلب طلبات عايز رفرف وكبوت وباب شمال واكصدام بالريش بتاعته والفتيس اتكسر والمتور بردو فى حاجة مش سليم والعفشة الشمال متفرتكة لان الجنط اتكسر والعجلة اتقطعت وفيه حاجة كمان بالعرض قاعدة المتور بتتثبت عليها اتكسرت مش فاكر اسمها ايه والمتور كان خفيف كدة كدة وبياكل زيت وقال عايز ورك شمال !! مش فاهم اوى يعنى ايه ورك شمال وهيركبه ازاى

هو علشان انا مش اوى فى المكانيكا سايب الموضوع لحد ثقة بيديره .... لما لقيت الطلبتا كتير كدة قولت اجيب نص كامل فا هو بيقول انه هيلحم النص الجديد مكان النص القديم وانا عايزة يفضى النص مايحلمهوش

انتوا ايه رايكم او اقتراحتكم ... و لو تعرفوا حد اشترى منه النص بسعر كويس لا الميزانية متبهدلة ..

شكرا وتقديرى ليكم

الحمد الله انها عديت على خير وخرجت انا والى معايا سليم ..

شكرا وتحياتى