تقرير مبدئى عن رينو فلوانس فيس ليفت بعد 2000 كم: المميزات و العيوب

كملت امبارح 2000 كم بالفلوانس فيس ليفت و ده انطباع مبدئى عنها ....مفيش عربية كاملة لأن الكمال لله وحده و مبحبش الناس اللى بتدافع بإستماتة عن عربياتها و بيتغنوا بمميزاتها و ينسوا العيوب....انا هنا ببتدى بالعيوب علشان اى حد بيشترى يبقى فاهم هو بيجيب ايه.....
اولا العيوب من وجهة نظرى:
١- صوت مروحة التكييف واضح جداً داخل الكابينة و بتسمعه/بتحس بيه و هو بيفصل و يشتغل و خصوصاً لو العربية واقفة
٢- عداد البنزين الشرط اللى فيه مش بتبين المستوى المظبوط فى التنك....يعنى لما الشرط تبقى النص مش معنى كده ان التنك فى نصه لأ بيبقى فيه اكتر من نصه بكتير....انا هعمل قريب موضوع منفصل عن عداد البنزين
٣- الموتور فى الكبس صوته عالى و ده نتيجة الفتيس ال CVT و سير الكاتينه المعدن.....أول ما بتدوس و لو حاجة بسيطة ال RPM بينطلق لفوق و يعلى معاه صوت الموتور جامد و بعد الوصول للسرعة المطلوبة يرجع يهدى تانى

أشياء غيرتها أو لسه هغيرها تحت الضمان:
١- اول ما استلمت كان عندى مسطرة ال LED الشمال فيها لمبة مطفية و غيرت المسطرة كاملة تحت الضمان
٢- شاكك ان عندى اعراض اير باج كويل Airbag coil و هاروح اكشف بكره علشان يطلبوهالى

مميزات:
طبعاً اتكلمنا كتير فى الموضوع ده و لكن دول نقط للتأكيد بعد التجربة:
١- التكييف ممتاز و بيسقع فى ثوانى و أفضل بمراحل من الميجان سواء فى سرعة التسقيع او مستوى التسقيع نفسه....التجربة تمت عند حرارة خارجية 33 مئوية
٢- اتزان جيد جداً و الدريكسيون الكهربا بيبقى زى الحديد على السرعات
٣- استهلاك بنزين ممتاز....بعمل 750 كم منهم 550 كم على الصحراوى و 200 كم داخل القاهرة و الاسكندرية بمتوسط استهلاك 14.5 كم لكل لتر
٤- كراسى العربية جيدة جداً فى السفر و مريحة

طبعاً الكلام ده هيتغير بعد ال 3000 كم و لكن ده انطباع مبدئى عن السيارة بعد 2000 كم

شكرا يا باشا علي التقرير

انا عندي تفس الملاحظات برضه ..بس كان فية اقتراح تغيير لزيت كاسترول عشان الصوت ؟؟ صح كدة و لا ايه

ربنا يباركلك فيها و يكفيك شرها التقرير جيد جدا تسلم ايدك

مبروك وربنا يباركلك فيها وعقبال 300 الف كيلو

صح كلامك يامستر هاني
المروحة صوتها عالي وبتاخد بالك منها لو قللتها من التكييف من المفتاح
موضوع علو صوت الموتور فهو ملحوظ وعلى أمل أن يختلف مع إختلاف الزيت ومع التليين الكافي للموتور
عداد البنزين ليه قياس واعتقد ان كل شرطة ليها قيمة معينه وليست متساوية
وأشك أيضا في كمبيوتر الرحلات انه لايعطي القيمة المستهلكة فعليااااا

أحب أضيف كمان شوية عيوب من وجهه نظري المتواضعه
فتحة الكونوسول التي بجوار السواق مربوطة بسوسته ولا تتمكن من إخراج شىء بألاسفل الا باستخدام إيدك إلاثنين
او يمكن اني اتعودت عليها فالصني وكنت بشيل النظارة فيها وبطلعها بإيد وحده
أماكن التخزين ليست كافية وكنت بفضل ان يكون في مكان للموبيل مثلا

بس مع المزايا الجميلة فالسيارة كل هذه العيوب لا تذكر
تحياتي العطرة

اقتباس:

---

المشاركة الأصلية كتبت بواسطة Meggieboy

كملت امبارح 2000 كم بالفلوانس فيس ليفت و ده انطباع مبدئى عنها ....مفيش عربية كاملة لأن الكمال لله وحده و مبحبش الناس اللى بتدافع بإستماتة عن عربياتها و بيتغنوا بمميزاتها و ينسوا العيوب....انا هنا ببتدى بالعيوب علشان اى حد بيشترى يبقى فاهم هو بيجيب ايه.....
اولا العيوب من وجهة نظرى:
١- صوت مروحة التكييف واضح جداً داخل الكابينة و بتسمعه/بتحس بيه و هو بيفصل و يشتغل و خصوصاً لو العربية واقفة
٢- عداد البنزين الشرط اللى فيه مش بتبين المستوى المظبوط فى التنك....يعنى لما الشرط تبقى النص مش معنى كده ان التنك فى نصه لأ بيبقى فيه اكتر من نصه بكتير....انا هعمل قريب موضوع منفصل عن عداد البنزين
٣- الموتور فى الكبس صوته عالى و ده نتيجة الفتيس ال CVT و سير الكاتينه المعدن.....أول ما بتدوس و لو حاجة بسيطة ال RPM بينطلق لفوق و يعلى معاه صوت الموتور جامد و بعد الوصول للسرعة المطلوبة يرجع يهدى تانى

أشياء غيرتها أو لسه هغيرها تحت الضمان:
١- اول ما استلمت كان عندى مسطرة ال LED الشمال فيها لمبة مطفية و غيرت المسطرة كاملة تحت الضمان
٢- شاكك ان عندى اعراض اير باج كويل Airbag coil و هاروح اكشف بكره علشان يطلبوهالى

مميزات:
طبعاً اتكلمنا كتير فى الموضوع ده و لكن دول نقط للتأكيد بعد التجربة:
١- التكييف ممتاز و بيسقع فى ثوانى و أفضل بمراحل من الميجان سواء فى سرعة التسقيع او مستوى التسقيع نفسه....التجربة تمت عند حرارة خارجية 33 مئوية
٢- اتزان جيد جداً و الدريكسيون الكهربا بيبقى زى الحديد على السرعات
٣- استهلاك بنزين ممتاز....بعمل 750 كم منهم 550 كم على الصحراوى و 200 كم داخل القاهرة و الاسكندرية بمتوسط استهلاك 14.5 كم لكل لتر
٤- كراسى العربية جيدة جداً فى السفر و مريحة

طبعاً الكلام ده هيتغير بعد ال 3000 كم و لكن ده انطباع مبدئى عن السيارة بعد 2000 كم

---

متفق مع كلامك، بس عايز اعرف ايه هوairbag oil

اقتباس:

---

المشاركة الأصلية كتبت بواسطة Ahmad Bayomi

متفق مع كلامك، بس عايز اعرف ايه هوairbag oil

---

ال airbag coil او ملف ال ايرباج ده خاص بالايرباج اللى تحت الدريكسيون و هو عبارة عن شريط أسلاك طويل ملفوف و بيلف و يتفرد مع دوران الدريكسيون فى الاتجاهين و متصل بالايرباج
أعراض عطله هو سماع صوت تكه من الدريكسيون و انت بتلف عامله زى التكه اللى بتحصل لو ضارب اشارة و بتلف الدريكسيون فى نفس اتجاه الاشارة...صوت تكه واحدة و انت بتلف الدريكسيون جامد خصوصاً وقت الركن...طبعاً لو سبته الصوت بيزيد و بعدين بيتقطع السلك و يفصل الايرباج و الكروزكنترول و ينور لمبة الايرباج فى التابلوه و لكن دى اعراض متأخرة جداً لو ملحقتوش

طبعاً مشكلته عندى اعتقد انه كان مكلكع فى حته و هما بيلفوه عند المورد و مع الاستخدام ظهرت المشكلة

تغييرة سهل جداً لانه بيجى جزء واحد كبير و هو الجزء الخاص بالدراعات فى الدريكسيون...يعنى مجموعة الدراعات اللى تحت الدريكسيون بتتغير كجزء واحد و هو معاها

بكره ان شاء الله هروح اكشف و اشوف ايه الأخبار...اعتقد ممكن ميكونش موجود حاضر فى التوكيل و لكن هخليهم يطلبوهولى

انا كده بدأت اشك ان عندي مشكلة انا مع استهلاك البنزين ! كل الناس بتشكر في استهلاكها الا انا مش شايف كده!

متوسط استهلاكي بين جوا البلد و بين على محور التعمير مكتوب 11l و لما كنت مسافر القاهرة السرعة تقريبا 160 كان بيبقى 10.6l !

عمري ما شفت حتى رقم 12 .. ازاي بتجيب 14 طيب :d

اقتباس:

---

المشاركة الأصلية كتبت بواسطة sofiman

انا كده بدأت اشك ان عندي مشكلة انا مع استهلاك البنزين ! كل الناس بتشكر في استهلاكها الا انا مش شايف كده!

متوسط استهلاكي بين جوا البلد و بين على محور التعمير مكتوب 11l و لما كنت مسافر القاهرة السرعة تقريبا 160 كان بيبقى 10.6l !

عمري ما شفت حتى رقم 12 .. ازاي بتجيب 14 طيب :d

---

فيه فرق سرعات سيدى الرئيس.....:)
يا باشا انا بمشى على سرعة 100 اغلب الوقت و انت ماشى على 160....
انا على الصحراوى بيكون المتوسط 15.5 كم لكل لتر
العربية دى سرعتها المثلى لتوفير البنزين هى 110 كم/ساعة

ربنا يديمها عليك ويحفظك ويحفظها من كل سوء ويديك خيرها ويكفيك شرها
تقرير متوازن ومش متحيز وفعلا الكمال لله وحده

اقتباس:

---

المشاركة الأصلية كتبت بواسطة meggieboy

ال airbag coil او ملف ال ايرباج ده خاص بالايرباج اللى تحت الدريكسيون و هو عبارة عن شريط أسلاك طويل ملفوف و بيلف و يتفرد مع دوران الدريكسيون فى الاتجاهين و متصل بالايرباج
أعراض عطله هو سماع صوت تكه من الدريكسيون و انت بتلف عامله زى التكه اللى بتحصل لو ضارب اشارة و بتلف الدريكسيون فى نفس اتجاه الاشارة...صوت تكه واحدة و انت بتلف الدريكسيون جامد خصوصاً وقت الركن...طبعاً لو سبته الصوت بيزيد و بعدين بيتقطع السلك و يفصل الايرباج و الكروزكنترول و ينور لمبة الايرباج فى التابلوه و لكن دى اعراض متأخرة جداً لو ملحقتوش

طبعاً مشكلته عندى اعتقد انه كان مكلكع فى حته و هما بيلفوه عند المورد و مع الاستخدام ظهرت المشكلة

تغييرة سهل جداً لانه بيجى جزء واحد كبير و هو الجزء الخاص بالدراعات فى الدريكسيون...يعنى مجموعة الدراعات اللى تحت الدريكسيون بتتغير كجزء واحد و هو معاها

بكره ان شاء الله هروح اكشف و اشوف ايه الأخبار...اعتقد ممكن ميكونش موجود حاضر فى التوكيل و لكن هخليهم يطلبوهولى

---

هو انا عندي ساعات قليله جدا بسمع صوت الدريكسيون وانا بلفوا كان بيحك في البلاستيك اللي تحتوا بس بمزاجوا دا ممكن يكون المشكله اللي بتقول عليها ؟ وبالنسبه لاستهلاك البنزين انا عامل 880 كيلو وعلي الطريق لاكتوبر مثلا بمشي علي 80-100 والمتوشط بيبقي 11 مثلا ده طبيعي ؟؟

اقتباس:

---

المشاركة الأصلية كتبت بواسطة noapology

هو انا عندي ساعات قليله جدا بسمع صوت الدريكسيون وانا بلفوا كان بيحك في البلاستيك اللي تحتوا بس بمزاجوا دا ممكن يكون المشكله اللي بتقول عليها ؟ وبالنسبه لاستهلاك البنزين انا عامل 880 كيلو وعلي الطريق لاكتوبر مثلا بمشي علي 80-100 والمتوشط بيبقي 11 مثلا ده طبيعي ؟؟

---

لأ يا فندم الصوت اللى بقول عليه مش هوه ده....الصوت اللى بقول عليه صوت تكة مش حكة....بالظبط زى ما تكون ضارب أشارة و بتلف الدريكسيون ناحيتها....صوت تكة مرة واحدة

أستهلاك البنزين طبعاً عوامل كتير بتأثر فيه و من أهمها:
- دوستك للبنزين....بتكبس و لا بتسيب العربية تجمع براحتها
- ماشى مع الهوا و لا ضده
- طريقك فيه مطالع كتير
- طريقك فيه تهديه كتير لوجود مطبات صناعية مثلاً أو تقاطعات كتير
- فاتح الأزاز و لا مشغل التكييف.....فوق سرعة 60 كم/ساعة تشغيل التكييف أوفر من فتح الزجاج

و هكذا......

الموضوع نسبى جداً

و لكن للأمانة أنا سافرت بيها 3 مرات القاهرة و بيبقى المتوسط على الصحراوى من داخل الأسكندرية و حتى التجمع الخامس عن طريق الدائرى هو 15.50 كم / لتر.....سرعة متوسطة طول الطريق الصحراوى 100 كم/ساعة

اقتباس:

---

المشاركة الأصلية كتبت بواسطة Meggieboy

لأ يا فندم الصوت اللى بقول عليه مش هوه ده....الصوت اللى بقول عليه صوت تكة مش حكة....بالظبط زى ما تكون ضارب أشارة و بتلف الدريكسيون ناحيتها....صوت تكة مرة واحدة

أستهلاك البنزين طبعاً عوامل كتير بتأثر فيه و من أهمها:
- دوستك للبنزين....بتكبس و لا بتسيب العربية تجمع براحتها
- ماشى مع الهوا و لا ضده
- طريقك فيه مطالع كتير
- طريقك فيه تهديه كتير لوجود مطبات صناعية مثلاً أو تقاطعات كتير
- فاتح الأزاز و لا مشغل التكييف.....فوق سرعة 60 كم/ساعة تشغيل التكييف أوفر من فتح الزجاج

و هكذا......

الموضوع نسبى جداً

و لكن للأمانة أنا سافرت بيها 3 مرات القاهرة و بيبقى المتوسط على الصحراوى من داخل الأسكندرية و حتى التجمع الخامس عن طريق الدائرى هو 15.50 كم / لتر.....سرعة متوسطة طول الطريق الصحراوى 100 كم/ساعة

---

صوت التكه الواحده اللى فى نص الدركسيون سمعته فى كل العربيات الباور الكهرباء اللى سوقتها سيفيك سيراتو النترا 2012 -2014 معتقدش ده عيب حاجه

Sent from my GT-S5282 using Forum Runner

اقتباس:

---

المشاركة الأصلية كتبت بواسطة amgomaa

صوت التكه الواحده اللى فى نص الدركسيون سمعته فى كل العربيات الباور الكهرباء اللى سوقتها سيفيك سيراتو النترا 2012 -2014 معتقدش ده عيب حاجه

sent from my gt-s5282 using forum runner

---

هو مش فى النصف....هو بيبان و أنت بتركن و أنت واقف....عند عصر الدريكسيون و فى الربع الأخير من الناحية اليمين بيعمل صوت تكة مكتومة و مش دايماً بس أنا حساس حبتين للأصوات....

هو فعلاً موجود فى عربيات مركات أخرى و فيه ناس مش حاسه بيه أو مش فارق معاها بس ده عيب ....

شكرا علي الموضوع يا هاني بيه .
ادامها الله عليك .. نعمه من عنده

ربنا يبارك ويحفظها ليك

اقتباس:

---

المشاركة الأصلية كتبت بواسطة yasso2008

شكرا يا باشا علي التقرير

انا عندي تفس الملاحظات برضه ..بس كان فية اقتراح تغيير لزيت كاسترول عشان الصوت ؟؟ صح كدة و لا ايه

---

باشا اسف جداً على التأخير فى الرد......مش عارف هل الزيت الكاسترول هيفرق فى الصوت و لا لأ و هل التوكيل هيرضى يستخدموا و لا لأ....على العموم الوحوش اللى سبقونا و عملوا صيانة ال 10 الاف اكيد هيقدروا يفيدونا

استهلاك البنزين ده مرعب من وجهة نظري .. لكن عموما التقرير ممتاز .. جزاك الله خيرا.

اقتباس:

---

المشاركة الأصلية كتبت بواسطة ahmzd

استهلاك البنزين ده مرعب من وجهة نظري .. لكن عموما التقرير ممتاز .. جزاك الله خيرا.

---

مرعب ليه بس يا أحمد باشا.....خدبالك ده 14.5 او 15 كيلومتر فى اللتر يعنى الصفيحة ال 20 لتر تعمل معاك 300 كيلومتر

ممكن يا جماعه حد يقولي درجة لزوجة الزيت المسموح بيها فى موتور الفلوانس كام......كم الكاتالوج طبعا
وياريت برضو نوع زيت الفتيس بيكون sp iii ولا نوع تاني
وزيت الفرامل dot3 ولا dot4

شكرا للتواصل

علي فكرة يا جماعة الفلوانس 2011 كانت معايا وغيرت ل2014 ..
صوت الموتور كان عالي برضو....بس الاداء مختلف تماما.

اقتباس:

---

المشاركة الأصلية كتبت بواسطة meganelover

علي فكرة يا جماعة الفلوانس 2011 كانت معايا وغيرت ل2014 ..
صوت الموتور كان عالي برضو....بس الاداء مختلف تماما.

---

للأحسن و لا للأوحش؟

انا معايا فلوانس 2014 و حاسس kickback في الدريكسيون بتبان في الطرق اللي فيها زلط و نقر ده طبيعي ولا كدة الاسكاترة عايزة طربيت مع العلم الصني كانت فيها نفس العيب بس اكتر بكتير و طلعت في الاخر عيب اسكاترة ومحتاجة تغيير .

اقتباس:

---

المشاركة الأصلية كتبت بواسطة hany saad

مرعب ليه بس يا أحمد باشا.....خدبالك ده 14.5 او 15 كيلومتر فى اللتر يعنى الصفيحة ال 20 لتر تعمل معاك 300 كيلومتر

---

اعتقد اللى اتفهم انه ١٥ لتر/١٠٠ كيلو :)
عشان كده هايون فعلا رقم مرعب

اقتباس:

---

المشاركة الأصلية كتبت بواسطة mwh57

انا معايا فلوانس 2014 و حاسس kickback في الدريكسيون بتبان في الطرق اللي فيها زلط و نقر ده طبيعي ولا كدة الاسكاترة عايزة طربيت مع العلم الصني كانت فيها نفس العيب بس اكتر بكتير و طلعت في الاخر عيب اسكاترة ومحتاجة تغيير .

---

طيب لما بتلف الدركسيون وانت واقف وانت جايب الفتيس على ال p بدون الضغط على الفرامل بتلاقي صوت أيضا ولا لا
لو الصوت موجود هيبقا جاي من علبه الدركسيون
وأنصحك بلاش موضوع الاسكاترا والرجلاش لان اللعب فيهم ايام الصني كان بيزيد الطينة بلة
أنصحك بالذهاب إلى التوكيل
وان شاء الله يكون الموضوع بسيط

اقتباس:

---

المشاركة الأصلية كتبت بواسطة miceg

طيب لما بتلف الدركسيون وانت واقف وانت جايب الفتيس على ال p بدون الضغط على الفرامل بتلاقي صوت أيضا ولا لا
لو الصوت موجود هيبقا جاي من علبه الدركسيون
وأنصحك بلاش موضوع الاسكاترا والرجلاش لان اللعب فيهم ايام الصني كان بيزيد الطينة بلة
أنصحك بالذهاب إلى التوكيل
وان شاء الله يكون الموضوع بسيط

---

علي فكره ياخالد بيه انا بسمع صوت طقطقه خفيفه وانا لافف الدريكسيون لل الاخر (في اخر مشوار الدريكسيون يعني قبل مايجيب اخر اللفه بسيكا كده ) وحاطط الفتيس علي p .....أعتقد انه طبيعي عندي لاني اما بغير الفتيس ل n او d مابسمعش اي حاجه نهائي وانا بكسر الدريكسيون للاخر

لا ياحمد باشا مش قصدي اخر لفة
علبة الدركسيون بتبان لو بتجيب الدركسيون يمين وشمال من غير ماتلفه كله
اللي انت بتقوله ده العادي فعربياتنا كلنا انا فاهم

يا باشمهندس فيه نقطه بس محتاجه توضيح انتم بتكتبوا الاستهلاك 15كم / اللتر انما اللي بيظهر عندي في كمبيوتر الرحلات لتر/ كم يعني عكس ما انتوا بتقولوا فا الاخ اللي بيقول الاستهلاك مرعب ده لانه بيتكلم على لتر/كم ازاي انت بيظهر عندك في كمبيوتر الرحلات كم/ لتر هل فيه امكانيه انها تتغير من ال setting ارجو التوضيح لان بيحصل لبس عند كتير من الناس وخاصة الناس الجديده وشكرا لحضراتكم

اقتباس:

---

المشاركة الأصلية كتبت بواسطة osamasindbad1

يا باشمهندس فيه نقطه بس محتاجه توضيح انتم بتكتبوا الاستهلاك 15كم / اللتر انما اللي بيظهر عندي في كمبيوتر الرحلات لتر/ كم يعني عكس ما انتوا بتقولوا فا الاخ اللي بيقول الاستهلاك مرعب ده لانه بيتكلم على لتر/كم ازاي انت بيظهر عندك في كمبيوتر الرحلات كم/ لتر هل فيه امكانيه انها تتغير من ال setting ارجو التوضيح لان بيحصل لبس عند كتير من الناس وخاصة الناس الجديده وشكرا لحضراتكم

---

أسامة بيه، الفلوانس فيها شاشتين لتوضيح استهلاك البنزين
- الاولى بتوضح الاستهلاك اللحظى (CURRENT) و بتساعدك انك تظبط رجلك لأفضل استهلاك للبنزين و موجوده فى عربيات اخرى تحت مسمى (ECO) و دى القياس فيها بيكون بال KM/L او كام كيلومتر فى اللتر

- الشاشة التانية بتقيس متوسط الاستهلاك بعد فترة من الأستخدام و دى برده بتقيس بالكيلومتر لكل لتر.....

طبعاً لو هنتكلم على وحدات مختلفة عن كده يبقى هتكون كام لتر فى ال 100 كيلومتر.....مش عارف امكانية تعديلها من ال settings او من التوكيل ممكنه و لا لا....

انا شخصياً الشاشتين عندى بيقيسوا بالكيلومتر فى اللتر KM/L

تحياتى

السلام عليكم
انا معايا فلوانس 2013 بسمع صوت في الاربع ابواب(داخل السياره ) كأنو صوت تكتكه في المطبات حد تعرض للعيب ده قبل كده ممكن يفيدني

شكرا علي الرد يا جماعة ؛ افضل توكيل للعفشة فرع المقطم ولا انتم لكم رأي تاني و بالنسبة لتفصيل كسوة جلد (الكراسي عندي نص جلد و نص قماش) حد جرب .
أما بالنسبة لموضوع الاستهلاك زي م.هاني تفضل و شرح بيكون كم/لتر وعلي فكرة عداد كمية الوقود المستهلك دقيق حتي الان بس فعلا مؤشر البنزين fuel level مش دقيق هل ده له علاقة بمشكلة عوامة البنزين اللي كان في ال fluence 1

اقتباس:

---

المشاركة الأصلية كتبت بواسطة mwh57

شكرا علي الرد يا جماعة ؛ افضل توكيل للعفشة فرع المقطم ولا انتم لكم رأي تاني و بالنسبة لتفصيل كسوة جلد (الكراسي عندي نص جلد و نص قماش) حد جرب .
أما بالنسبة لموضوع الاستهلاك زي م.هاني تفضل و شرح بيكون كم/لتر وعلي فكرة عداد كمية الوقود المستهلك دقيق حتي الان بس فعلا مؤشر البنزين fuel level مش دقيق هل ده له علاقة بمشكلة عوامة البنزين اللي كان في ال fluence 1

---

باشا الكبير....بالنسبة لموضوع ال fuel level هو مناطقه مش قد بعضها و لكن الحمد لله مفهوش مشكلة و مفيش مشكلة فى عوامة البنزين اللى كانت فى الفلوانس 1

مشكلة العوامة فى الفلوانس 1 كانت الناس تمون بنزين و المؤشر ما يتحركش من مكانه أو يكون التانك متفول على الأخر و لمبة البنزين منورة.....

تحياتى

شكرا علي الرد يا جماعة ؛ افضل توكيل للعفشة فرع المقطم ولا انتم لكم رأي تاني و بالنسبة لتفصيل كسوة جلد (الكراسي عندي نص جلد و نص قماش) حد جرب .
أما بالنسبة لموضوع الاستهلاك زي م.هاني تفضل و شرح بيكون كم/لتر وعلي فكرة عداد كمية الوقود المستهلك دقيق حتي الان بس فعلا مؤشر البنزين fuel level مش دقيق هل ده له علاقة بمشكلة عوامة البنزين اللي كان في ال fluence 1

شكرا علي الرد يا م. هاني ؛ يتري حد عرف يتعامل مع الفتيس الCVT و يقلل من ال Rubber band effect (سرعة العربية مش مرتبطة مباشرة مع الRPM ) انا قريت كتير عن طريقة عمل الفتيس و ان نيسان (صاحبة الفتيس) عدلت و اتقنت برمجة اsoftware .
جربت اتعامل معاه زي الhydromatic ادوس بنزين وبعدين اخف وارجع ادوس تاني بس النتيجة مش مردية اوي
المفروض نظريا اثبت ال rpm و اسيبه يغيير نسب النقل بس لاقيت ده مزعج شوية من صوت المحرك (مقبول جدا لو فاتح الزجاج )

اقتباس:

---

المشاركة الأصلية كتبت بواسطة mwh57

شكرا علي الرد يا م. هاني ؛ يتري حد عرف يتعامل مع الفتيس الcvt و يقلل من ال rubber band effect (سرعة العربية مش مرتبطة مباشرة مع الrpm ) انا قريت كتير عن طريقة عمل الفتيس و ان نيسان (صاحبة الفتيس) عدلت و اتقنت برمجة اsoftware .
جربت اتعامل معاه زي الhydromatic ادوس بنزين وبعدين اخف وارجع ادوس تاني بس النتيجة مش مردية اوي
المفروض نظريا اثبت ال rpm و اسيبه يغيير نسب النقل بس لاقيت ده مزعج شوية من صوت المحرك (مقبول جدا لو فاتح الزجاج )

---

أفضل طريقة للتعامل معاه هى الكبس و بعدين تسيبه يعدل طاراته داخلياً علشان يظبط نسب التعشيق و بعدين تلحقه بكبسه تانية على طول
بعد اول 3000 كم هتلاقى الفتيس نعم جداً و الموتور ظبط الصوت معاه قوى و حضرتك هتلاقى نفسك بتتعامل بمنتهى السلاسة مع الفتيس و مبقاش فيه اى مشكلة فى فهمه و كمان هتقدر تكبس كبسة المعية لوزعية و تطلع العربية من 0 الى 70 كم/ساعة فى نفس واحد و هتلاقى كل اللى حواليك مذهولين من سرعة تجميع السيارة لانهم فى الوقت ده هيكونوا جابوا اول تانى تالت و يمكن رابع كمان و احسب بقى وقت التاخير فى كل نقله من دول

اوعدك سوفزتستمع جداً بعد فترة قصيرة بقيادة السيارة
خالص تحياتى