السلام عليكم يا وحوش الاوبل
عندى العربية واطية جدا من الامام ومايلة شويه شمال ( يعنى المسافة بين الكاوتش والرفرف أضيق من اليمين) وبسمع خبطة فى المطبات والعفشجى قالى المقصات والميزان تمام بس مشافش المساعدين....هلى المشكله منهم؟؟
شكراااااااا
عرض للطباعة
السلام عليكم يا وحوش الاوبل
عندى العربية واطية جدا من الامام ومايلة شويه شمال ( يعنى المسافة بين الكاوتش والرفرف أضيق من اليمين) وبسمع خبطة فى المطبات والعفشجى قالى المقصات والميزان تمام بس مشافش المساعدين....هلى المشكله منهم؟؟
شكراااااااا
المساعدين لازم يفكهم ويبص عليهم يادكتور .... عشان يتأكد منهم بس الأعراض اللى انت بتقولها دى ٨٥٪ مساعدين بايظين
شكرا استاذ هيثم على الرد
وافهم من كلامك ان اختبار المساعدين بالضغط على جانب السيارة لا يظهر عيوبهم ولازم يتفكوا..
حط راحتين ايدك فوق بعض واضغط بيهم علي الرفرف فوق المساعد ..
- المساعد السليم هينزل ويطلع بسهوله في الاول وتدريجيا الحركه تقل ( لغايه مايحضر)
- المساعد البايظ هيفضل يطلع وينزل وتحسه طري والاهم ان في اخر النزله او الانضغاط
بتسمع صوت خبطه ..
السوست هى المسئوله ف الاساس عن ارتفاع العربية مش المساعدين
لكن لو المساعدين ضايعين خالص هيخلوا العربية توطى لان جسم العربية
هيبقى محمل على السوست فقط
اختبار المساعدين بيكون بالضغط ع العربية كذا مرة من ناحية المساعد
المفروض تحس بمقاومة ف كل مرة تضغط ع العربية و يا سلام كمان لو سمعت صوت
خروج هوا مضغوط و بعد كدة ,, حط ايديك ع المساعد نفسه و اتاكد انه مش بيجيب زيت
المساعد السليم (الهواء) بيطلع لفوق وبيرفع العربيه شويه معاه والسوست بتساعد برضو. ولو بايظ العربيه بتنزل شويه لانها معتمده على السوست بس.
لو العربيه واطيه وكمان مايله يبقى لازم تفك السوست وتشدها او تغيرها علشان ما تبوظش المساعدين الجداد ...
لان المساعد ما يقدرش يتحمل وزن العربيه ولا يرفعها ..
يعنى لازم تصلح السوست لو ينفع وفى انواع لازم تتغير !!
والله اعلى واعلم
انا كان عندى صوت خبط ناحية اليمين و كل عفشجى يدوس على الحنب اليمين يلاقى المساعد زى الفل و صوت انضغاط الهواء و مقاومه و كل ده و اخر ما زهقت فكينا المساعد خالص على المنجله و.طلعت المشكله فيه فعلا لاقيناه لما تسيبو خالص كدا بيقفل لوحده للاخر من غير اى حمل عليه و اتغير المساعد و الموضوع اتظبط
لـ RareSpeed
جديد الكلام ده ، انت بلغتنا اخر مرة ان كان فيه كسر في القاعدة اليمين عندك وهي سبب الخبطة ، حتى تفتكر لما قولتلك يبقى صوت الخبطة اللي عندك مش زي اللي عندي