هل المساعدين البايظة تهبط العربية؟؟؟

**EGYPTIANDR** · 07-03-2014 02:32 PM

السلام عليكم يا وحوش الاوبل
عندى العربية واطية جدا من الامام ومايلة شويه شمال ( يعنى المسافة بين الكاوتش والرفرف أضيق من اليمين) وبسمع خبطة فى المطبات والعفشجى قالى المقصات والميزان تمام بس مشافش المساعدين....هلى المشكله منهم؟؟

شكراااااااا

**haisam ali** · 07-03-2014 02:37 PM

المساعدين لازم يفكهم ويبص عليهم يادكتور .... عشان يتأكد منهم بس الأعراض اللى انت بتقولها دى ٨٥٪ مساعدين بايظين

**فادى محمد** · 07-03-2014 02:55 PM

حط راحتين ايدك فوق بعض واضغط بيهم علي الرفرف فوق المساعد ..
- المساعد السليم هينزل ويطلع بسهوله في الاول وتدريجيا الحركه تقل ( لغايه مايحضر)
- المساعد البايظ هيفضل يطلع وينزل وتحسه طري والاهم ان في اخر النزله او الانضغاط
بتسمع صوت خبطه ..

**monamize4** · 07-03-2014 03:18 PM

السوست هى المسئوله ف الاساس عن ارتفاع العربية مش المساعدين
لكن لو المساعدين ضايعين خالص هيخلوا العربية توطى لان جسم العربية
هيبقى محمل على السوست فقط

اختبار المساعدين بيكون بالضغط ع العربية كذا مرة من ناحية المساعد
المفروض تحس بمقاومة ف كل مرة تضغط ع العربية و يا سلام كمان لو سمعت صوت
خروج هوا مضغوط و بعد كدة ,, حط ايديك ع المساعد نفسه و اتاكد انه مش بيجيب زيت

**RareSpeed** · 08-03-2014 10:41 AM

انا كان عندى صوت خبط ناحية اليمين و كل عفشجى يدوس على الحنب اليمين يلاقى المساعد زى الفل و صوت انضغاط الهواء و مقاومه و كل ده و اخر ما زهقت فكينا المساعد خالص على المنجله و.طلعت المشكله فيه فعلا لاقيناه لما تسيبو خالص كدا بيقفل لوحده للاخر من غير اى حمل عليه و اتغير المساعد و الموضوع اتظبط

**MaaM** · 09-03-2014 11:58 PM

لـ RareSpeed
جديد الكلام ده ، انت بلغتنا اخر مرة ان كان فيه كسر في القاعدة اليمين عندك وهي سبب الخبطة ، حتى تفتكر لما قولتلك يبقى صوت الخبطة اللي عندك مش زي اللي عندي