لاحظت ان في عدد من الزملاء بيسألوا عن الاوبترا او بيقارنوا بينها وبين سيارات اخري ...فحبيت اكتب عن تجربه سبعه اشهر و نصف و 10الالاف كيلو و نصف مع الاوبترا
اولا انا قمت بقياده سيارات كتير ...مرسيدس 84 ...افيو ...128 ...نيسان قديم وجديد ...ايميجراند ...اوكتافيا...فلوانس...اوبترا فاقدر احكم علي السياره من حيث القياده جيدا
هأبدأ بالعيوب ..صاج السقف و الكبوت ضعيف جدا ...مفيش عوامل امان من ايرباج و اي بي اس ...مفيش ايموبيلايزر...مفيش كمبيوتر رحلات لحساب استهلاك البنزين و المتبقي من المسافه ......
المميزات...من اهم المميزات الثبات و المناوره علي السرعات العاليه انا كسرت بيها ال 170 اكتر من مره و بوصل ل 150 بسهوله جدا و المناوره لحد 120 او 130 لا تشعرك بالخطر او فقدان التوازن
الصالون ...واسع و متقفل ممتاز ..تقفيلها يتفوق علي الريو و الار بي من حيث دقته و الاهتمام بالتفاصيل واماكن التخزين التابلوه كلاسيكي و هادئ و اضائته ليلا جميله ...الكاسيت صوته حلو جدا
الاداء ...اجمل شئ بالعربيه ...موتورها قوي جدا ..و بتجري بسهوله و طلعتها تتفوق علي معظم السيارات اللي في رنجها او اكتر شويه و الفتيس ممتاز و استجابته حلوه و بيطلع قوه الموتور و اداؤه بسهوله...الموتور صوته عالي شويه بس تحس انه عالي عشان يظهر قوته مش عشان يستغيث ....زرار الهولد بقي بيجنن العربيه لو عايز تشد مابين 80 و 120 وتنسي كل اللي حواليك و طبعا صوت الماتور بيكون رهيب ساعتها
استهلاك البنزين اللتر تقريبا من 10 الي 12.5 حسب نوعيه السواقه
الصيانه ...جربت صيانتين 5 الالاف و 10 الالاف ...اتكلفوا علي الترتيب 340 ( بالزيت ) و 166 .....مفيش ملاحظات يعني مهماش و حشين ولا مميزين اوي يس احسن حاجه ان المواعيد متوفره بسهوله
ملاحظات ..اولا رعشه للموتور علي السلانسيه و بتقل مع التسخين و المهندس زميلي ..شغال في منصور ..قالي عادي هو معاه اوبترا برضه
ثانيا ...اداء العربيه بيتحسن جدا لما تسخنها الصبح لحد لما الار بي ام ينزل ل 900 تقريبا من 3رالي 4 دقائق و بيتحسن كمان بعد استخدام زرار الهولد و العلو بالار بي ام فوق ال5
ثالثا ...دهان العربيه كويس و لونه ماتغيرش ولا بهت رغم استخدام الفوطه الزفره
يارب اكون افدتكوا و ساعدتكوا في الاختيار زي ما زمايلنا اللي في المنتدي ساعدونا