توضيح صغير فى فرق بين anti reflection العادى و بين العدسات العاكسه للضوء اللى انا قصدى عليها حضرتك اسالى فى مغربى و هما هيوضحولك
و بالنسبه لموضوع حفظ النظر ده و المقاسات اكيد فى مراكز مغربى عندهم حل للموضوع ده
الغرييه ان فى اوروبا لازم تستعمل النور العالى اول درجة باليل وفى النمسا لازم تستعملو بالنهار كمان
ياجماعه في اكتر من حل منهم دول
لما تكون ماشي وواحد وراك مديلك النور العالي اديله اشاره يمين واشاره شمال هتلاقيه طفى النور
او اديله كيكات فرامل خفيفه
او نورله الشبوره واطفيه
او لو مافهمش هدي وعديه منك
اما لو من امامك بقه اديله العالي واطفيه
لو فضل مصمم اديله العالي وسيبه وخلي تركيزك كله على اليمين من الطريق بمعنى ماتبصيش في النور عنده
تجاهليه يعني
اتمنى اكون افدتكم وكل عام وانتم بخير
بالمناسبه فوجات الجين 2 مصيبه في نورها
انا معايا جين 2 وعارف نورها كويس
لو حد ماشى وراكى و مشغل النور العالى ممكن تنزلى مرايه الصالون لتحت " الزرار الى نازل فى نص المرايه " بيعكس المرايا لتحت و النور مش بيضايقك .
لو حد جاى فى وشك حاولى انك ماتبصيش لمصدر الضوء و تركزى على العربيه الى قدامك .
انا بعمل كده معظم الوقت و سعات بكبر دماغى و امشى و النور ضارب فيا , لانى بكون زهقت من كتر التعديل فى المرايا .
المشكله مش فى الناس دى المشكله ان الشوارع عندنا مافيهاش اضاءه لو اضاءه الشوارع كويسه ماحدش هايستخدم النور
انا مش بتكلم على الصحرواي على فكرة انا بتكلم علي شوارع داخلية واضائتها كويسة وفيها محلات وكل محل حاطط قدامه اضاءة برده ، طيب في الحالة دي الناس تتنيل تشغل العالي ليه ايه المبرر يعني اني اشغل النور العالي في شارع منور ، انا عن نفسي بشغل النور بس العادي (النور الواطي) وده بيوفرلي اضاءة كويسة اشوف بيها المطبات.
بالنسبة للي بيضرب نور في مرايتي ففعلا بحاول مركزش معاه وابص في اي ناحية تاني عشان عيني متزغللش لكن اللي جاي في وشي ده بقي فعلا بيشتت تركيزي لان ضوءه بيبقي مشتت في كل اتجاه وياسلام بقي لو اكتر من واحد منورين العالي في وشي الله بحس اني داخلة فرح العمدة بجد :cool(1): وصعب جدا اشوف اي حاجة مبيبقاش قدامي اي حل غير اني اقول حسبي الله ونعم الوكيل وامشي واقول ربنا يستر ومحدش يقف او يعدي قدام عربيتي عشان مخبطوش :angelsad2:
الحل هو ان مافيش حل و لازم الواحد يكبر دماغه علشان يعرف يعيش
بس انا عن نفسى لو النور العالى ده جاى فى المقابل انا كمان بعلى النور و اللى يحصل يحصل حتى لو النتيجة راس فى راس بالنسبة للنور اللى جاى من الخلف فمراية الصالون دايما مقلوبة و مرايات الجنب مش متنشنة على عينى بالظبط و لما باحب ابص فيها باعدل نفسى و ابص و ارجع للوضع العادى اللى كنت فيه
انا قرات كل الردود بس ولا واحد منهم ينفع يتنفذ و المشكلة ان الواحد مش عايز يسبب اى نوع من الاذى للسائق الاخر كل اللى انا محتاجه ان اعرف اشوف كويس بدون ضرر للعين خاصة ان نظرى 6/6 حاد كمان و مش معقولة البس نظارة مخصوص علشان اسوق العربية مساء .
احسن حل نلزق مرايات حنب النمره اللى ورا علشان تعكس النور عليه اما اللى من قدام نركب احنا كمان زنيون :stuart: