اقتباس المشاركة الأصلية كتبت بواسطة samehafez مشاهدة المشاركة
اكيد الفلتر بيأثر علي اداء التكييف ... لو متنضفش .. الغبار بيسد المسام و بيقلل من كمية الهوا اللي داخلة و لازم يتغير بعد فترة ..ده عن تجربة شخصية
بالنسبة ان العربية مش متقفلة كويس .. اعتقد انها هتأثر علي اداء التكييف ..
كلام سليم ١٠٠ ٪ .. فلتر التكييف مع الوقت بتسد من الغبار ولازم يتنظف زى فلتر الهوا بالظبط .. والغبار لما بيزيد بيسد المسام بتاعته وبيبقى عاوز يتغير لانه ساعتها مش بيدخل كميه الهواء الكافيه وبتضعف من كفاءه التكييف
وطبعا العربيه لما بتكون مش متقفله كويس بتأثر على التبريد لأن فى هوا بيدخل جوه العربيه كأنك فاتح سنه من الشباك وانت مشغل التكييف



اقتباس المشاركة الأصلية كتبت بواسطة احمد الصعيدي مشاهدة المشاركة
طيب هل الفلتر لو بايظ هيبوظ السربنتينه وسعر الفلتر كام
طبعا فلتر التكييف مالوش علاقه بسربنتينه التكييف اللى هى موجوده فى صدر العربيه أمام الرياداتير .. أما لو حضرتك تقصد ثلاجه التكييف اللى فى التابلوه فأكيد هاينحصر تأثيره عليها لو بايظ أنه يدخل تراب وغبار عليها وده مع الوقت مش صح طبعا

سعر فلتر التكييف من ٦٠ الى ٨٠ جنيه حسب النوع .. انا لسه مغيره نوع تركى ب ٧٠ جنيه
تحياتى