ممكن حد يشرحلى الموضوع
بشكل مبسبط عشان سمعت عنه كتير بشكل مبسبط
عرض للطباعة
ممكن حد يشرحلى الموضوع
بشكل مبسبط عشان سمعت عنه كتير بشكل مبسبط
لازم اولا يكون فيه شهادات او و دائع فى البنك ...
القرض بيبقى شخصى و مع البنك مباشره ... يعنى المعرض بياخد كل فلوسه كاش ...
بترخص العربيه عادى بأسمك لانك شاريها كاش ... مفيش حظر و لا تأمين اجبارى يعنى ...
البنك بيحجز الشهادات طول فتره التقسيط و ليس من حقك فكها ...
البنك بيعطيك حوالى ٩٠ ٪ من قيمه الشهاده كقرض ...
الفائده الى يأخذها البنك بتبقى اعلى من فائده الشهاده الطبيعيه ب ٢٪ ... يعنى لو الشهاده بتعطى فائده ١٠ ٪ ... فبالتالى فائده البنك ١٢٪ سنوى ...
و حساب فائده البنك بيبقى على الرصيدالمتبقى اول بأول ...
و البنك مش بيلزمك انك تدفع مبلغ شهرى معين ... كل الى بيحصل انه بيفتح حساب مدين عليك بقيمه القرض و يقعد يحسب الفوائد ... و حضرتك ممكن تحط اى مبلغ و فى اى وقت حسب نظامك ... الموضوع عامل زى كارت الفيزا كدا ... حضرتك بتشترى و بعدين بتدفع براحتك و كل ما يكون فيع مبلغ متبقى البنك بياخد فوائد عليه ...
تحياتى ...
باشا النظام دة انت قولتة في القرض العادي مش بضمان سيارة القرض بضمان سيارة بيبئا اقل حدود 3 او 2 في مية مش عارف نظام بنوك معوق حتي مندوب المعرض كنت بسألة قالي رقم فايدة قلتلة طب بتتحسب ازاي قالي انا حافظ جدول البنك كدة
اظن حضرتك محتاج تراجع حكم الشرع فى القرض لشراء السيارة من البنك
شكرا لك ...اقتباس:
المشاركة الأصلية كتبت بواسطة mohamed hussei
ما هو صاحب الموضوع عايز يعرف يعنى ايه بضمان الشهادات او الودائع ... فهو ده القرض الشخصى من البنك بضمان الودائع ... يعنى تشترى بيه الى انت عايزه ... و ده افضل و اوفر و اريح فى حاله وجود و دائع ...
انما التقسيط الى حضرتك تقصده ده العادى مع البنك بضمان العربيه نفسها و مش محتاج شهادات و لا ودائع لان البنك بيعملك حظر بيع على السياره لصالحه و تأمين اجبارى حتى انتهاء التقسيط و فى حاله التأخير يوجد فوائد و غرامات و فى حاله عدم السداد المتكرر يتم مصادره العربيه ... و الفائده بتبقى حوالى ٦ الى ٨ ٪ سنويا على كامل المبلغ المتبقى مقسمه على شهور القسط ...
تحياتى ...
دلوقتى لو الشهاده مثلا فيها 100 و انا هحتاج اخد منها 50 بس و هيتبقى 50 هل الخميس دول هاخد فوائدهم عادى ولا ايه
دلوقتى مثلا شهاده فيها 100 و انا محتاج 50 و هيتبقى 50 فى الشهاده هل هاخد فوايدهم عادى ولا ايه نظامهم
فى مثل هذه الحاله حتقسم الشهاده ...اقتباس:
المشاركة الأصلية كتبت بواسطة OmarEzzat93
يعنى علشان ناخد 50 محتاج شهاده ب 55 كضمان ... فحتقسم ال 100 الى 55 و 45 ...
ال 55 هما الى حيتم عليهم القرض و حيتحجزو block حتى انتهاء القرض ..
و ايضا حينزل فوائدها فى حسابك عادى جدا ...
تحياتى ...
فعلا الفرق بين فائده الشهاده والقرض حوالي 2%
بص انا هقولك اللي حصل معايا بالظبط وبالارقام (بنك فيصل) ويا رب اقدر افيدك:
- اولا لازم تحط وديعة تغطي قيمة العربية بالكامل... في حالتي العربية كانت بـ167 واحنا حطينا 170 في البنك... وانا زودت كمان وقمت دافع مقدم 40 علشان ارتاح نسبيا في الاقساط (وعموما لك الحرية في دفع اي مقدم تحبه او بدون مقدم خالص طالما الوديعة مغطية)...
- بنك فيصل بيدي عائد حوالي 9% سنويا على الوديعة (شهادة الاستثمار) والارباح بتصرف كل 3 شهور (حوالي 1275 شهريا في حالتي)... وطبعا كانت بنوك تانية ارباحها السنوية فوق الـ12% بس الوالد بقى صمم على بنك فيصل مش فاهم ليه!!
- طبعا مفيش حظر بيع ولا تأمين اجباري والعربية بتطلع باسمك لأنهم بيدفعوا تمنها كاملا للمعرض...
- انا قسطت على 5 سنين وكانت الفائدة 5.7% سنويا (القسط كان 2700 شهريا)... وطبعا بيفتحولك حساب جاري عندهم علشان تنزل فيه ارباح الشهادة + انك بتحط القسط الشهري فيه... وفي حالتي كنت بعتبر نفسي بدفع 2700-1275=1425 شهريا...
- لما جيت من شهرين (وبعد 10 شهور بالنظام ده) والوالد ربنا يكرمه قرر يفك الوديعة ويخلص العربية لأني تعبت من الاقساط مع ظروف السياحة المنيلة، فوجئت بالبنك بيقوللي انهم بياخدوا 60% من الفوايد في اول سنتين من الخمس سنين!!! وطبعا محدش كان فهمنا الحكاية دي في الاول!!!
- في النهاية عملوا حسبة كده واخدوا مننا حوالي 115 واخدت منهم مخالصة بالعربية والحمد لله...
- بحسبة بسيطة: انا دفعت مقدم 40، ودفعت 10 اقساط في 2700، ثم دفعت 115 في النهاية، يبقى الاجمالي المدفوع= 182... طبعا انا صرفت ارباح طول العشر شهور بما يعادل حوالي 1275 شهريا يعني قول تقريبا 13 ألف... يبقى في النهاية انا دفعت فعليا في العربية 169 ألف... ومش مستعد اكرر التجربة تاني (اقصد التقسيط) لأن العشر شهور اللي فاتوا كانوا صعبين عليا ودلوقتي مرتاح نفسيا جدا ومستمتع بالعربية اكتر... بقولك كده علشان لو معاك تمن العربية ملهوش لازمة تعمل شهادات استثمار وحوارات، خلص العربية كاش اريح وصدقني كلهم نصابين وبيبقوا حاسبينها بالسحتوت واوعى تفتكر انك هتاخد منهم مليم زيادة... انا في الاول قلت استحمل القسط واستفيد 5 سنين من الارباح، بس لو حسبتها في الاخر هتلاقيها هي هي بالمللي... لأ انا ادفع كاش وفي الخمس سنين الجايين دول ان شاء الله اقدر احوش اكتر من الارباح اللي كنت هاخدها وخصوصا اني دلوقتي مش ورايا اقساط ولا حاجة... هي هي والله!!
اتمنى اكون افدتك واللي في الاخر ده نصيحة اخوية بجد ولك حرية الاختيار...