الموضوع: استفسارات من خبراء فليوانس 2014

المشاركة الأصلية كتبت بواسطة khaloud71

انا الحمدلله اشتريت فليوانس أعلى فئة من اسبوع العربية جميله جدا ماشاءالله و فيها اوبشنز عمال بكتشف فيها كل يوم ... اكتر حاجة بقى غايظانى موضوع عدم وجود زرار الأوك فى دراع البلوتوث ...
فى الكتالوج فى 3 زراير بيقوموا بالموضوع ده الزرار اللى فى البكرة بتاعه الكاسيت و زرار فى ذراع البلوتوث من تحت و زرار البكرة اللى فى الذراع لما بتضغط عليها .. طبعا كدة لازم الواحد عشان يختار اى حاجة يقلب ببكرة الذراع و بعد كدة يمد ايده يدوس اوك فى الكاسيت حاجة مش عمليه خالص , المهم كلمت التوكيل و حولونى على مهندس الصيانه و وصفتله المشكله طبعا ما عندوش اى فكرة عن الموضوع و قاللى اه زرار الاوك موجود فى الكاسيت بس و لو فى الكتالوج موجود فى الذراع تبقى فئه مختلفه طبعا كلام غير مقنع .. هل فى اى حد اكتشف اى حل للموضوع ده ؟ تانى حاجة انا سألته اذا كانت العربية متلينه و لا لأ و اذا كنت اقدر افتح التكييف عادى قبل ال 500 كيلو و أقصى سرعه و كان رده ان العربية متلينه و انى استخدمها عادى جدا فى كل حاجة هل الكلام ده مظبوط بردو ؟ تالت حاجة معلش تاعبكم معايا لسا مستجد مع العربية بقى هاها انا قريت فى كذا بوست ان تحت فتحه التكييف الشمال مفروض فى بكرة بتعلى و توطى اتجاه الفوانيس و واحده تانيه بتعلى و توطى نور التابلوه انا عندى واحده بس بتاعه نور التابلوه مش لاقى بتاعه اتجاه الفوانيس دى هل كل العربيات الفليوانس 2014 كدة ؟؟

أولا ألف مبروك عليك الفلوانس الجميلة و ربنا يباركلك فيها يا رب و أسف أنى مردتش عليك فى مشاركتك قبل كده...

فعلاً كنترول أو ريموت الكاسيت نازل منه 3 موديلات و دول واضحين فى كتالوج العربية و للأسف الموديل اللى معانا فعلياً مفهوش ال ok فى البكرة و لكن جارى البحث و أن شاء الله لو وصلت لأى جديد هشارك بيه هنا فى المنتدى....

بالنسبة للتليين العربية فعلاً متلينة و لكن و حسب كلام الصانع يراعى فى أول 1000 كم عدم زيادة السرعة عن 130 كم/ساعة و عدم زيادة عدد لفات الموتور عن 3500 لفة فى الدقيقة و يفضل أن أمكن عدم تشغيل التكييف فى هذه الفترة و لكن غير أساسى زى السرعة و اللفات

حضرتك معاك الهاى لاين اللى ب 188 ألف و دى مفهاش بكرة ضبط يدوى و بيكون ضبط الفوانيس فيها أتوماتيكى عن طريق 4 حساسات على الأربع عجلات فى حالة قياس دائم لميل الطريق و مدى تحميل العربية بحيث تفضل دائماً الكشافات متوجهة للأمام و كاشفه الطريق.....بالأضافة أن حضرتك عندك بخاخات لغسيل الفوانيس الأمامية تعمل عن طريق إضاءة الكشافات الصغيرة ثم شد دراع غسيل الزجاج الأمامى ناحيتك و لكن مع التثبيت لمدة 3 ثوانى....سوف ترتفع بخاخات من الأكصدام لغسيل الفوانيس الأمامية....

مبروك مرة أخرى و تحت أمرك فى أى إستفسار......