الموضوع: سعر تويوتا كورولا الفئة الثانية

المشاركة الأصلية كتبت بواسطة nazar muharram

والله دى حاجه ممتازه للى بيقول الحجز 5 او 10الاف و الاستلام بعد شهر او اقل كمان لا دا انتا ممكن تستلم وانتا واقف كمان فعلا العربيه كتيييييييره جدا فى التوكيل و المعارض
ايه الى حضراتكم بتقولوه ده ربنا يكرمكم الى ميعرفش حاجه ميتكلمش فيها علشان فى ناس بتاخد بكلمكو الغلط ده انا حجزت ومستنى وفترت الحجز ثلاثة شهور انا لسه متصل بشركة تويوتا علشان ****** الكلام الى حضراتكم بتقولوه ده وقالى مفيش الكلام ده خالص والسعر لو نزل هنتصل بحضرتك ونقولك بس مفيش الكلاااااااااام ده خااااااااااالص

الاستلام بيتراوح من شهر إلى أربعة شهور وبيختلف حسب الفئة.
أقلهم الفئة الأولي من شهر إلى شهرين.
وأعلاهم الفئة الثانية من 3 إلى 4 شهور.

المشاركة الأصلية كتبت بواسطة medo2_0

يا باشا انا مش جاى من توكيل ام زعبل انا جاى من توكيل تويوتا اللى بعمل فيه الصيانه بتاعت العربيه والتوكيل الوحيد اللى في الاسكندريه بيعمل صيانة وبيبيع والكلام اللى اتقالى من واحد شغال هناك اسمه شريف السيد وده رقم تليفونه لو حابب تسأله لانى اخدت الكارت بتاعه عشان منفعش احجز النهارده


0100195512 واسأل على موضوع الحجز ده لان انا والله سألتهم ان انا سمعت ان الحجز من 3 الى 4 شهور قالى مبقاش فيه الكلام ده !!! والحجز 5 الاف او 10 الاف جنيه!!!!!
انا مش هدخل انشر اشاعة او اقول كلام الناس تصدقه انا بقول اللى سمعته واللى انا بقوله ده من التوكيل الرسم لتويوتا فرع محرم بك
فياريت حضرتك متكدبنيش لمجرد انك مش مقتنع بالكلام ده

وأنا بحجز في التوكيل ، فيه بعض المندوبين بيقولك مدة قليلة عشان تحجز معاه وياخد هو الكومنش وبعد المدة اللي قالك عليها يقعد يماطل فيك..

المشاركة الأصلية كتبت بواسطة my3fox

الرزق ده اللي لطعني 5 شهور و كان بيقولي أصل مفيش عربيات بتيجي من التوكيل..... و دلوقتي بيقول فيه إستلامي فوري بأوفر بريس.....
يبقي فعلاً كان بيضحك علي و بياخد دوري في الحجز و بيبيعه بأوفر بريس.....
موزع غير محترم..... و أنصح أي شخص لو حيحجز يروح يحجز في التوكيل مباشرة

أنا برضوا الرزق قعد يماطل فيها عشان أحجز أصلا وبعد مدة روحت حجزت في التوكيل..

المشاركة الأصلية كتبت بواسطة medo2_0

عموما ان شاء الله بدون تهكم على كلامك تستلم عربيتك فى اقل من شهر...

بجد صفحة تويوتا ممتازة عشان الأعضاء فيها مش بيتهكم على حد ودايما ردودهم كويسة بس هو ممكن سوء تفاهم. أنا كنت في مكان nazar muharram وكنت متنرفز خالص عشان الفلوس معايا ومش عارف ألاقي العربية.

ويا رب الكل يستلم على خير..

امبارح كنت عند الكموني موزع تويوتا ولاقيت عنده عربيتين وحدة سودا والتانية بيضا وبـ195 تسليم فوري واللون الابيض 196 زيادة الف جنيه