مبروك يا باشا علي عربيتك وربنا يباركلك فيها ... معاك حق العربية دي فيها قوة خفيه بتحسسك
إنك وحش علي الطريق .. علي الرغم إنها مش جرايه بس صوت الموتور وقوته وتحكمك في العربيه
تحس إنك متميز علي الطريق ... علي الرغم إني ركبت عربيات كتير مع ناس أصحابي بس فعلا
الواحد مش بيحس إنه وحش غير وهو راكب الإبيزا .. دا أنا يا راجل ساعات بخلي حد من أصحابي يسوقها وأمشي وراه عشان أشوفها من كل الزوايا .. شكلها وحش ماشي حتي لو ماشي علي سرعة ٦٠ وهميه ... هههههههههه مجنون بقي هتعمل إيه ..
ولما بيقي إبيزا معدية جمبي بحب أتفرج عليها وهي ماشية ،، لو قعدت أقوللك شعر في العربيه للصبح مش هخلص
المهم أنا ساعت ما جبتها كان ممكن أجيب عربيات تانيه أحسن بالتمن ده زي ما الناس بتقول
لكن في رأي مفيش أحلي من الإبيزا
وعلي فكره أصحابي بيتريقوا عليا ويقولوا إني مجنون وإن العربيه دي جابتلي الهسس
بس اللي هيفهم كلامي أنتوا يا عشاق الإبيزا ..
ربنا يخليلنا عربياتنا ويكفينا شرها