الموضوع: بخصوص الشائعات حول فرض ضريبه علي المغتربين

--------------
* بيدفعوا ضريبه على الدخل من رواتب بيقبضوها بره مصر ومش حكومية .

* بيدفعوا جمارك على ممتلكاتهم اللي بيرجعوا بيها لبلدهم ( عربيات ، اجهزة كهربائية ، واحياناً الملابس كمان )

* بيبعتوا تحويلات وبيقدموا مليارات بالعملة الصعبة لدعم الإقتصاد المصري بشكل سنوي

* ملهمش وظايف في مصر ، ولا مستقبل ، ولا راتب تقاعدي !!

* سفاراتهم في الخارج لا تقدم لهم اي خدمات انسانية او حماية او رعاية او لجوء ودا سبب رئيسي في إن حق المغترب بيضيع ، يعني ماهي إلا صناديق تحصيل اموال منهم فقط .

* مهمشين في كل امور الدولة وكل مميزاتها ، ولو قالوا رأيهم في حاجة بيتقالهم مانتوا برة مصر ومش حاسين بحاجة .

* يتم تسميتهم خارج مصر بالأجانب والأغراب وعند عودتهم لبلادهم يتم تسميتهم بالوافدين ؟؟ حتى اسم المصريين او العائدين بيستكتروه عليهم .

* لا يستفيدون من خدمات الدولة بأي شيئ خدمات صحية خدمات تعليمية خدمات اسكانية خدمات امنية خدمات وظيفية .

* سايبين البلد باللي فيها للي عايش فيها وبينزلوا على بلادهم مجرد ضيوف يصرفوا الألوفات بالعملة الصعبة لتنشيط الإقتصاد المصري ، ويرحلون سريعاً .

* محرومين من بلدهم ومن اهلهم ومن حق المواطنة عايشين في الذل والمهانه في الخارج عشان لقمة العيش .

وبعد ده كله الحكومة تطلب منهم تبرع براتب شهر لدعم الإقتصاد؟؟؟ ، طب انتوا دعمتوا المغتربين بإيه!! ، ادوا المغتربين وظيفة محترمة في البلد وهتلاقيهم كلهم رجعوا لبلدهم ؟؟؟

* ياما شوفنا برامج وتبرعات على الهواء بالملايين ومعرفناش راحت فين ولا مين استخدمها وإستخدمها في إيه .

** كتير من المغتربين بيخصصوا مبالغ بيتبرعوا بيها شهرياً او سنوياً لما بينزلوا مصر للفقراء والغلابة في المدن والقرى بتاعتهم ومش مستنيين الحكومة تقولهم تبرعوا

وبعد دا كله بردوا ، معندناش مشكلة من التبرع بشهر وإتنين وتلاتة ، بس قولولنا هتعملوا إيه بالتبرعات دي ، هتستغلوها إزاي ؟
إيه الضامن إنها متتسرقش زي ما كل حاجة بتتسرق ؟ إيه المشاريع إللي هنشوف فيها ثمرة تبرعاتنا وتكون نتائجها سريعة ومضمونة وهيستفيد منها المواطن الغلبان مش الكبار و الحيتان ؟

لو لقيتوا المشاريع دي ، قولولنا وإحنا جاهزين ، دا إحنا مش عارفين نودي الفلوس فين
-- منقول ومُعدل
دي بجد حيتنا ومفهاش مبالغه ويمكن تكون عند بعض الناس امر من كدا بكتير
بس بجد جبنا اخر من مصر ومع اول فرصه هتيجي هنغير الجنسيه فيها لاننا بجد عمرنا ما شوفنا منها حاجه حلوه

انا بافكر جديا بعد القرف ده انى اصفى كل حاجه فى مصر وافضل طول عمرى بره انا وعيالى وحتى الاجازة مش هاقضيها فى مصر

بلدنا بتكرهنا وعايزينا نكرها يلعن ابو العفن الواحد يبقى متغرب وطلعان عين امه وده يقولك ضريبه على المغتربين علشان البلد تقف على رجلها ده يبقى اقتصاد هش اللى قايم على الضرايب وتحويلات العاملين وقناه السويس فين البلد ؟؟؟

وبعدين يقولوا لنا عملوا ايه بالتبرعات اللى لموها بعد 30/06 وفلوس التامينات والمعاشات فين وودائع الامارات والسعودية والكويت اللى بعد 30/06 بلد كلها سرقة وتخلف وغباء بجد حاجه تطهق مفيش ولا حاجه عدله فى البلد لا ميه ولا نور ولا طرق ولا رغيف عيش ولا تعليم ولا صحه بجد احنا بقى مواطنين درجه عاشرة .