بسم الله الرحمن الرحيم
السلام عليكم ورحمه الله وبركاته
انا من زمان متابع المنتدى ومن كتر كلامكم عن الفليشيا حبيتها اوى
وربنا كرمنى بواحده موديل 96 glx وانا خبرتى في السواقه مش اد كدا
وعندى استفسار من الاخوه الكرام اصحاب الخبرات
لانى خايف من فتى الصناعيه وهل يفتى وانتم في المنتدى
اولا:يوجد تسريب في الجزء التحتانى من الموتور روحت لمكانيكى غسله بجاز
وبعد يومين وجدت تسريب بسيط في نفس المكان
ثانيا:الدبرياج تقيل معايا شويه يعنى بضغط عليه جامد برجلى للاخر
وكمان لما بدوس فرامل الفرامل بتكبس لتحت ومبترجعش تانى لوضعها بسهوله
فروحت لميكانيكى وفرغلى الهوا ولسه المشكله هيا هيا وكمان بسمع صوت وانا بدوس الفرامل
تسسسسسسسسسسس صوت هوا بيتضغط
ثالثا:مؤشر البنزين مش بينزل على الماكس واحد قالى ده عوامه وواحد تانى قالى دا فيوز
ايه الحل افيدونى افادكم الله
ومنتظر ردودكم واشكركم بشده وعنف
والسلام عليكم ورحمه الله وبركاته