لمبة الحرارة بيجو 301

**rompo10** · 11-03-2014 04:47 AM

مش مستاهله ياباشا لا قدر الله ودرجه حراره الموتور ارتفعت العربيه هاتديك انذار اول ماتبتدي ترفع والمفروض ان الكمبيوتر هايكتبلك stop مافيش أي ضرر

**TryToB** · 11-03-2014 09:25 AM

ال OBDII دى وصلة او فيشة بتركب فى مكان اتصال بكمبيوتر العربية غالبا بيكون تحت الدركسيون و فى منها بكابل USB و فى منها Bluetooth و دى وظيفتها تمكين الاتصال بكمبيوتر العربية و فى الحالة دى يمكن قرائة جميع المؤشرات الموجودة بالعربية. الميزة ان سعرها على النت حوالى ١٥ دولار و يمكن لاى موبايل اندرويد او سمارت فون ينزل عليه برنامج اسمه Torque و عن طريق ربطه بالسيارة Bluetooth تقدر تقرا كل شىء على الموبايل و منهم حرارة العربية.

**mhkorayem** · 12-03-2014 02:59 AM

كان في حد من مالكي التويوتا الياريس الجديده بيقول أنها مفيهاش مؤشر حراره بس فيها لمبه الحراره لما الحرارة بتزيد عن الطبيعي بتبدأ تنور وتطفي ولو وصلت الحراره لمرحله الخطوره على الماتور اللمبه بتثبت وتفضل منوره عشان تعرف ان انت لازم تقف فوراً واللمبه دي بتبقى لونها أحمر
ده غير ان في لمبه تانيه زرقا بتنور او ما تدور العربيه وهي بارده وتفضل منوره لحد ما العربيه تسخن وبعدين تفصل ودي عشان الناس اللي بتحب تسخن العربيه قبل ما تتحرك
أنا شايف ان النظام ده كويس لحد كبير وممكن يساعد الواحد يستغني عن المؤشر في الحاله دي

للاسف الموضوع ده مش موجود في السيراتو الشكل القديم (طبعا بتكلم عن الفئات اللي مفيهاش مؤشر حراره)

بس حضرتك ممكن تكون البيجو 301 فيها حاجه زي الياريس فلو ممكن تحاول تقرا الموضوع ده في الكتالوج وتعرفنا لان بصراحه الموضوع ده أكتر حاجه مضايقاني في الـ 301 بصراحه واتمنى تطلع فيها حاجه زي الياريس