الموضوع: كل يوم للاسف في طريقة جديدة للحرامية للسرقة والتثبيت

كل يوم للاسف في طريقة جديدة للحرامية للسرقة والتثبيت
ودي حادثة حصلت مع حد قرر انه يشاركها معانا ويحذر الناس منها :

"ياجماعه خلي بالكوا انا كنت هتثبت انا واسرتى يوم الجمعه بالليل وانا راجع من مول العرب فى اكتوبر للمعادى وفى طريق رئيسى كمان بتاع مدينه الانتاج الموضوع باختصار لقيت دبش كتير على الارض علشان المقصود انك تهدى ولما هديت شويه لقيت اتحدف على العربيه من الجزيره الى فى النص الى كانت فيها شجر كثيف ما يبينشى اللى جواها مش فاكر دبشتين او تلاته وطبعا كان المقصود انها تيجى فى البرابرز او فيه من الجنب علشان تقف وطبعا الله اعلم ايه يحصل بعد كده لكن ربنا سترها معايا الحمد لله والهمنى انى اطير واولادى بيعيطوا ويسرخوا من صوت الدبش الى بيخبط فى العربيه والازاز الى اتكسر عليهم والحمد لله ربنا سترها معايا ومع اولادى وزوجتى حاصه ان ابنى دماغه كنت جنب االازاز الى اتكسر . الحمد لله. خلى بالكوا.............."

للاسف كل يوم في طريقة جديدة للسرقة ..ركزوا فالطريق وخلوا بالكم دايما ..ولو حصلت معاك حادثة مشابهة بلغنا وحذر الناس منها ..
ربنا يحفظكم فالطريق وتوصلوا بالسلامة



منقول

المشاركة الأصلية كتبت بواسطة raedegypt

انا اقولك فى دول الخليج فى حاجه اسمها شرطه الطرق ودة سيارات دفع رباعى مسلحين بتسليح عالى وسيارات بتكون ضد الرصاص بيكونوا سعاتك مقسمين كل الطرق بدوريات كل كام كيلو ولهم نقاط تفتيش متحركه ومعموله باحتراف بحيث لو فكرت تهرب لن تستطيع عاملك مطبات صناعى بالمطاط قبل وبعد ومفتوحه بشكل زجزاج بتلاقى ساعتك سياره بعدها بشويه او اتنين قفلوا عليك دة غير هناك سياره ثالثه مدرعه ومافيش هزار اوامر اطلاق النار مافيش انتظار اوامر هما جاهزين اى هروب اضرب بالنار واسلحتهم تخوف مش رشاش عادى وموزعين على الطرق لتجميع كل من يتم القبض عليهم ودة متحركه 24 ساعه بالطرق . فالموضوع سهل السيطره عليه

الافكار موجوده واثبتت نجاحها بس اللى يطبق