ان شاء الله و من غير مقاطعة المفروض هروح استلم العربية النهاردة من توكيل صلاح سالم, اتمنى اخد شوية نصائح للناس الخبرة في مرحلة الأستلام حتى مرحلة الترخيص
عرض للطباعة
ان شاء الله و من غير مقاطعة المفروض هروح استلم العربية النهاردة من توكيل صلاح سالم, اتمنى اخد شوية نصائح للناس الخبرة في مرحلة الأستلام حتى مرحلة الترخيص
ممكن ياباشا تقلي التوكيل كلمك امتي علشان يقلك ان الاستلام النهارده
اصلي المفروض كنت استلم امبارح بس الورق كان ليه مخلصش
فقالولي حنحاول نسلمك النهارده برضه
والف الف مبروك مقدماً
الف الف الف مبروك .. ربنا يكفيك شرها ويديك خيرها يارب .. بس بعد اذنك عاوز اعرف انت ليه اخترت ال 301 بالذات .. اصل انا ناوى اشترى الفترة اللى جايه ومحتار لسه ..
بالتوفيق إن شاء الله
ولكن خد معاك واحد ميكانيكي ويكون صديق جداً لك علشان اصحاب التوكيلات أو أصحاب المعارض يوجد بهم شوية نصابين ممكن يعطوك سيارة عامله حادثة قبل كدة
واشتريها في الصباح وحذاري ان تشتريها في الليل ولو حتى تحت الاضواء الكاشفة في استاد القاهرة
وبالتوفيق ان شاء الله
بالتوفيق ان شاء الله مفيش مشكلة طالما هتستلم من التوكيل بس هتلف حوالين العربية تتأكد ان مفيش خدوش او خبطات وبعدين هتجرب كل حاجة جوه العربية الكاسيت والفلاشة السماعات الكراسى البارك سينسور الأنوار الولاعة التكييف وبعد الأستلام تروح على اول بنزينة تفول لأن العربية بينزلوها فاضية واول بتاع كاوتش تضبط الهوا على 31 و الف مبروك
شكل حضرتك روحت
عموما ربنا يوفقك ومبروك مقدما
اولاً الف مبروك على العربية, و هى عربية جميلة و مليئة بالمميزات, ربنا يباركلك فيها و يديلك خيرها و يكفيك شرها.
هاضيف نصيحة مهمة جداً بالإضافة لنصائح الأعضاء الكرام, لما تيجى ترخصها, نبه على فنى المرور لما يجى ياخد نمرة الماتور مايحشرش خرطوم مية الردياتير عند مروحة الردياتير, لإن ده هايتسبب فى قطع خرطوم مية الردياتير, و للأسف الموضوع ده حصل مع العديد من ملاك السيارة و انا كنت منهم.
خد صورة اول ما تفتح الكبوت, وقارن بيها بعد الفنى ما ياخد البصمة, وخليك واقف عينك عليه و إنه مايزحش حاجة من مكانها.
للأسف روحت امبارح عشان اكمل الفلوس و استلم العربية الراجل قالي العربية مش موجودة في صلاح سالم دلوقتي لكنها في ابو رواش و هنخلص ورقها و تستلمها بعد يومين!! على العموم شكرا لكل النصائح القيمة و يا ريت لو حد يعرف شركة تأمين كويسة يقولي عليها