جزاك الله خيرا أخي الكريم , وبارك الله فيك
بسم الله ولحمد لله والصلاة والسلام على رسول الله
السلام عليكم ورحمة الله وبركاته
الإخوة الزملاء أعضاء أحلى منتدى في الدنيا , بعد عناء يومين مع البيروقراطية الكئيبة
بدايةً من قسم البساتين عند عمل مذكرات فقد رخصتي القيادة والتسيير والتي رفض المسؤل بها عمل مذكرة الفقد
وعايزني أجيب له شهاة بيانات من المرور إن العربية بتاعتي حيث أنه ليس معي أصل الرخصة ومعي صورة فقط ّّّّ!!!!!
قلت له الرخصة اتسرقت , قالي روح المرور هاتلي شهادة البيانات ,
وبعد معاناة ودخولي لنائب المأمور أكثر من 3 مرات , عملوا لي مذكرة الفقد
وانتهاءً بوحدات المرور في المعادي وحلوان
اتصلت بي زوجتي بالأمس وأنا في مرور حلوان أعاني الأمرين لاستخراج بدل فاقد لرخصة التسيير , بعد محاولات مستميتة لاستخراج بدل فاقد لرخصة القيادة
والتي أفادني المسؤلون بمرور المعادي أن المرور احترق في 2011 ,
وأن عليّ أن أقوم بعمل رخصة جديدة واستخراج شهادات طبية باطنة ونظر وأصل المؤهل الدراسي و4 صور شخصية
اتصلت بي زوجتي وقالت لي البواب طالع بيقول فيه واحد عايز يطلع بيقول أنا لقيت الرخص والبطاقة بتوع الشيخ مرميين عند أكادمية الشرطة
نزل عبد الرحمن وقابله وخذ منه البطاقة والرخص
وقال الرجل له والله ما لقيتش معاهم أي فلوس , وكل اللي معايا صرفته في المواصلات من التجمع لحلوان وأنا جعان وما كلتش من امبارح
راح عبد الرحمن خذه وجابله فطار واداله 100 ج وشكره
والحمد لله الذي بنعمته تتم الصالحات
يا رب لك الحمد عدد خلقك ورضاء نفسك وزنة عرشك ومداد كلماتك
عدد ما أحاط به علمك وخط به قلمك وأحصاه كتابك ووسعته رحمتك
عدد ما خلقت في الأرض وعدد ما خلقت في السماء وعدد ما خلقت بين ذلك وعدد ما أنت خالق
كما ينبغي لجلال وجهك وعظيم سلطانك
وصلّ اللهم وسلم على الحبيب محمد
الحمد لله على روجعهم.. و الحمد لله على سلامتك
حصل معايا نفس الموضوع تقريبا و واحد ابن حلال كلم الوالد و رحنا استلمنا الرخصة و البطاقة و كروت الائتمان.. و مرضيش ياخد ولا مليم..
المهم الحمد لله .. ويخلف الله عليك خيرا
الحمد لله رب العالمين
الله أكبر ولله الحمد
ألف مبروك يا شيخنا الجليل وخبر جميل والله أسعدنى جدا .
السر فى الرضا بقضاء الله والتسليم بقضاؤه وقدره
والصبر على البلاء والأخذ بالأسباب
حضرتك صبرت وإحتسبت وشرعت فى إستخراج
بدل فاقد لما فقد منك وتحملت سخافات وبيروقراطيه
النموذج السلبى للمواطن المصرى خاصه فى المصالح الحكوميه
وكانت جائزه السماء الفوريه والعادله والسريعه
وكان الجانب المضئ فى الواقعه دى
الراجل الطيب البسيط الفقير
اللى مفكرش وعمل ما يمليه عليه دينه وضميره
وقطع مشوار كبير علشان يسلمك حاجتك واللى عرف أكيد
إنها مهمه بالنسبه لك لأنها اوراق رسميه ومهمه لك ولغيرك
وكان ايجابى 100% وقام بالعمل على اكمل وجه .
يعنى مفكرش إنه يبعت الحاجات
دى لحضرتك بالبريد العادى
او بالبريد المسجل بعلم الوصول
او حتى عن طريق شركات البريد الخاص .
لأ ده راح بنفسه لمكان يمكن يكون
بعيد عن محل سكنه
يمكن يكون أساسا
ميعرفش المكان ده
إتصرف بايجابيه كامله ونادره
بالرغم من ظروف بلدنا وعدم الأمان
اللى عايشين فيه كلنا دلوقتى
بالرغم من بساطه الراجل ده إلا إنه
أعطانا درس فى كيفيه
إنك تكون إيجابى ومسئول
كان ممكن يقول أنا مالى
كان ممكن يقول عادى
ما صاحب الحاجات ده هيطلع غيرهم
كان ممكن يخاف إنه يجى بنفسه
كان ممكن يعمل حاجات تانيه
سلبيه بخلاف إنه يكون إيجابى 1000%
تحيه تقدير وإعزاز لهذا الرجل
البسيط الكبير فى أخلاقه
اللى قالى وقال لحضرتك ولنا جميعا
إن الخير موجود بينا بالرغم مما نعانيه
أسأل الله العظيم رب العرش العظيم
أن يرزق هذا الرجل الخير كله
وان يكفيه ويغنيه ويرحمه
ويسخر له من يساعده
وأن يعينه على ظروفه
ويزيد من صبره وقوته
وان يرزقنا وإياه الإيجابيه والمسؤليه
اللهم إرزقنا الصدق فى القول والفعل والعمل
اللهم إرزقنا نقاء القلب وصفاء العقل وحلاوه اللسان
اللهم إجعل قلوبنا وأعمالنا خالصه لوجهك الكريم . اللهم امين
جزاك الله خيرا اخى الحبيب وصديقى العزيز أبا عبد الرحمن
وحفظك وأهلك من كل مكروه وسوء .......
حبيبي وأخي وصديقي أبو عمر , جزاك الله خيراً أخي الكريم , والله مشاركة حضرتك احتاج أن أقرأها أكثر من مرة
جزاك الله خيرا حبيبي في الله , على اهتمامك واتصالك الدائم للسؤال عليّ , والله نعم الأخ والصديق
حفظك الله وأهلك من كل مكروه وسوء وفرحك بالأنجال الأعزاء وأقرّ عينك بهم
وجمعنا وإياكم في مستقر رحمته مع النبيين والصديقين والشهداء والصالحين وحسن أولئك رفيقاً
وصلّ اللهم وسلم على سيدنا محمد
الله يبارك في حضرتك أخي الكريم الفاضل , بشمهندس كريم
وأنا عنيا ليك حبيبي في الله , عايز حلاوة طحينية ولّا حلاوة شمسنا ولّا حلاوة الروح ههههههه
أسأل الله العلي العظيم رب العرش العظيم أن يغفر ذنبك ويهدِ قلبك وييسر أمرك ويشرح صدرك وينور قلبك بنور الإيمان
اللهم ءامين يا رب العالمين , وصلّ اللهم وسلم على الحبيب المصطفى
قدر الله وما شاء فعل
الحمد لله يا شيخنا انك بخير والعائله بخير وربنا يعوضك بافضل من الفلوس ال اتسرقت ومنك ويجعل مجهودك فى استخراج الورق ال اتسرق منك فى ميزان حسناتك ان شاء الله
ارض بحكم الله في خلقه كل قضاء الله محمود
وهون على نفسك من سعيها فليس ما قدر مردود
حمد الله على سلامة المفقودات يا شيخنا العزيز
والله ما دار بداخلي هذا الحوار
أنك سوف تجدهم بإذن الله تخفيفاً عليك من البيروقراطية العظيمة
بس عندي ومازال عندي كثير من التساؤلات عن السرقة
أين الأمن ؟
كنا من فترة وما بعد ثورة 25 يناير
قلنا الشرطة تعبانة نفسياً من الشعب وبيعاقبهم بعدم تواجدهم ومنها عدم تواجد الأمن وزيادة الحرامية والبلطجية والمسروقات
طيب دلوقتي فين الأمن ، فين الشرطة ، طيب فين الجيش اللي عامل أنه مسؤل عن كل حاجة في مصر حتى عن الطرق والكباري ؟!
ومن بعد ما تم رد أعتبارهم في ثورة 30 يونيو بيعقبوا مين ؟
وبعدين إزاي الأمن والأمن العسكري والشرطة متواجدين في كل حتة
لمحاولة القضاء على الأرهاب
هما الحرامية دول مش إرهاب للمواطنين ؟!
ولا تواجدهم اللي بكثرة دول خيال ميأتة للإخافة فقط ( تهويش يعني )
لكن اللي عايز يعمل حاجة يعملها براحته !!
حسبي الله ونعم الوكيل في كل واحد مش شايف شغله
وحسبي الله ونعم الوكيل في كل أيد تتمد على حاجة متخصهاش
وحسبي الله ونعم الوكيل في الأمن اللي مش آمن
وحسبي الله ونعم الوكيل في الموظف اللي بيماطل في إستكمال أوراق مواطنين بدون وجه حق
وحسبي الله ونعم الوكيل في كل من يقبل رشوة لعمل واجبهم الوظيفي
ألف مبروك وربنا يعوض عليك فيما فقدته من مال أتسرق