<<< اللهم اجرنا في مصيبتنا واخلف لنا خيرا منها - إنا لله وإنا إليه راجعون >>>

**Khaled Seif** · 10-03-2014 05:14 PM

بسم الله والحمد لله والصلاة والسلام على رسول الله

السلام عليكم ورحمة الله وبركاته

الزملاء الأفاضل - قدر الله وما شاء فعل

اللهم اجرنا في مصيبتنا واخلف لنا خيرا منها - إنا لله وإنا إليه راجعون

اليوم صليت العصر في المسجد اللي جنب كارفور اللي على الدائري بتاع المعادي

طلعت لقيت الهواية بتاعة العربية مكسورة

والشنطة اتسرقت وفيها كل الكروت بتاعتي ( رخصة القيادة - رخصة السيارة - الرقم القومي - كارت ال atm - ) وكان فيها مبلغ لسه ساحبة لوالدتي اليوم ( 9000 ج )

وبقدر الله كل ما أنزل اصلي في الطريق آخذ الشنطة معايا المسجد إلا النهاردة - قدر الله وما شاء فعل

أنا اتصلت بالبنك ووقفت الكارت

أفيدوني أعمل إية - وما هي الخطوات لاستخراج رخص السيارة والقيادة وبطاقة الرقم القومي - وهل لازم أعمل محضر

ولو عملته أعمله فين , في مكان السرقة ولا محل الإقامة ( حدائق حلوان )

آسف على الإزعاج - وجزاكم الله خيرا

وخلوا بالكوا وما تطلعوش مغفلين زي حالاتي - ولا حول ولا قوة إلا بالله العلي العظيم

وصل اللهم وسلم على الحبيب محمد

**gade2** · 10-03-2014 05:39 PM

ربنا يخلف عليك بالخير
صدبقى الشيخ خالد لازم تعمل محضر ممكن فى محل اقامتك وان كان محل الواقعه هو الافضل
بس هو حدايق حلوا والمعادى نفس دائرة القسم تقريبا؟؟؟؟

**S O P H O S** · 10-03-2014 05:49 PM

ربنا يعوضك خير معلش
والله زعلت جدا

**mohamed_selim** · 10-03-2014 05:56 PM

ان شاء الله خير
مش هتفرق المذكره تتعمل فين لان ملهاش لازمه غير اثبات ان حاجتك ضاعت ... محدش هيهتم ضاعت فين ولا هيدور يجيبهالك .... عشان كده بتتعمل مذكره بفقد الحاجات مش محضر