ايه الاخبار يا شباب

انا متابع المنتدى هنا من مده طويله و احب قبل اى حاجه اشكر كل واحد بيساعد الناس لوجه الله ... الناس هنا بس الله ما شاء الله متعاونه جدا

نيجى بقى للموضوع

1- انا كنت بفكر فى الشكل الجديد لنيسان زيرو ان شاء الله
فكنت بسال اتوكل على الله ان شاء الله و لا فى بديل احسن (فى رينج ال 110 منغير ما تزود جنيه )
و بلاش البروتون لانى سامع مشاكل بخصوص عدم تواجد قطع الغيار و ده شئ غير مقبول
فكنت بطلب منكو تقييم عام ليها

2- و بالنسبه للتوكيل انا سامع ان قطع الغيار اسعارها فيها استهبال زى التيل الى ب 650 ده و
هل الكلام ده صحيح و لا الاسعار دى عادى زى الموديلات الجديده كلها

انا طبعا معنديش وقت لتصليح و الكلام ده لظروف شغلى
و بعدين ده شقى عمر الواحد لسنين فاتت و سنين جايه (قسط)

3- اخر حاجه انا شايف ان العربيه لسه بقالها سنتين فهل حد جربها اشغال شاقه يقولنا كده مدى الاعتماديه بتعتها ... اكتر من 50 الف كيلو يعنى او اكتر يبقى افضل
طبيعه الاستخدام بتاعى اسبوع بس فى الشهر فحت و ردم و باقى الشهر فى الجراج بس مش ماوى اغير قبل 5 سنين او اكتر على الاقل ان شاء الرحمن

4- انا تقريبا عارف موضوع الصاج الخفيف ده .. مش عارف بقى هل هو سئ للدرجه الناس بتقول عليها دى و لا هو مقبول

5- موضوع انها تقيله فى الطلعات يعنى مقدور عليه و لا بطه بلدى .. خصوصا انى شاب انا طبعا مسقتهاش خالص انا بس شوفتها فى المعرض و عجبنتى بس


اتمنى الناس تفيدنى فى ال 5 نقط دوول

و فى النهايه تحياتى للجميع