هغير الانسر لهوندا سيفك ومحتاج مساعدة ضرووورى

**sherif309** · 11-03-2014 09:57 AM

اولا السلام عليكم
انا سعيد انى هحط اول موضوع فى قسم الهوندا ودة عشان انا من عشاق الهوندا.

المهم معروض عليا هوندا سيفك 2007 عامله 112 الف كيلو معمولها صيانه ال100 فى التوكيل بالفواتير وراشه جمبين نضافه بردو فى التوكيل وفيها رخصه سنتين باسم صاحبها من الزيرو وبيتكلم معايا فى 100 اولا هل السعر مناسب ولا ايه؟ ثانيا انا عايز اكشف على العربيه فى مكان يكون كويس ومش غالى ويفضل لو قريب من المهندسين.
ثالتا لو اى حد عندة تجربه سابقه او معلومه للافادة يا ريت يقولهالى عشان انا بخاف من التغيير جدا لانى لبست فى ماذدا 3 قبل كدة وخسرت 10000 فى يومين. فمن ساعتها وانا حلفت على التغيير

ارجو الرد سريعا عشان انا نازل اتفرج الساعه 5

وشكرا لجروب هوندا

**sherif309** · 11-03-2014 11:13 AM

يعنى 12 مشاهدة ومحدش رد لحد دلوئتى.... شكرا رجاله هونداااا

**ahmedabeed** · 11-03-2014 11:33 AM

بص يا مان فى اختلاف ما بين الانسر والهوندا بالذات فى مصر عشان ان الانسر منتشر وقطع الغيار كتيرة جدا والصنايعية اللى فاهمين فيها على عكس الهوندا - السعر المفروض ينزل شوية عشان رشه جنبين بس انا عارف انا الاسعار فى السوق كلها نار بالنسبة لمكان الكشف مقدرشى افيدك لازم حد ساكن فى المهندسين او الدقى

**gosefshafik** · 11-03-2014 11:50 AM

ربنا يوفق حضرتك من قبل و من بعد ارجو ان حضرتك تتعب و تروح تكشف فى التوكيل هوندا اللى فى القاهرة الجديدة الفطيم معلش انا عارف انه بعيد عن حضرتك بس انا انصح حضرتك بضرورة الكشف هنا و هيدو لحضرتك تقرير مكتوب بالحالة العامة للعربية خلى بالك انا سمعت على المويدل دة انة فى مشكلة فى قاعدة الموتور و الله اعلم و مشكلة ان العربيه واتية على الارض و بتحك فى المطبات و دى بصراحة مش مشكلة العربية اد ما هى مشكلة شوارعنا المليانة مطبات عالية وواتية و على كل شكل ولكن العربية ممتازة وياريت تسال و تسمع من بقية اعضاء المنتدى الكرام و سوف تستفيد من خبراتهم جدا وربنا يوفق حضرتك

**sherif309** · 11-03-2014 12:40 PM

شكرا للاهتمام. هوا الراجل بيقولى انها مغيرة قاعدة الموتور فى التوكيل وكل الصيانه بتاعت ال100 عملها فى التوكيل بالفواتير وقالى كمان اسال فى التوكيل برقم العربيه هيدولك تقرير كامل عن حاله العربيه وكل الصيانات التى اتعملت فيها وكمان هوا المالك الاول وكمان عندة قابليه للتفاوض والتوكيل ب500 جنيه الكشف فكنت عايز اعرف لو فى مكان تانى ارخص شويه وعلى العموم هوا الراجل معندهوش مشاكل يكشف فى التوكيل.

**hosammoner** · 11-03-2014 01:32 PM

بص يا سيدى على كلامك كدا العربية دى حلوة سعرا ومضمونا عايز تكشف صح روح لمحمد سعيد فالحرفيين او محمد على بيكشف حلو اوى لانه بيفصص العربية اهم حاجة فالعربية دى انها متكونش فاتحة ايرباج غير كده توكل على الله ولا اى حاجة تعيبها تانى مشكلة قاعدة الموتور بتتغير بالاصلية والعربية مش واطية العربية قاعدة عجلاتها كبيرة وبعدين اسمع كلام واحد بقاله 5 سنين راكب العربية دى حك فى مطبات واعمل اللى انت عايزه ولما تيجى تبيع انزل بص تحت العربية وحاول تطلع حاجة من اللى حكيت او خبط فيه العربية دى رائعة وممتعة واعتمادية جدا جدا جدا عيبها الوحيد فى رائى انا الاكصدامات ضعيفة جدا جدا اقل خبطة الكلبسات بتخرج من مكانها ربنا يوفقك ولو احتجت اى حاجة انا فالخدمة

**sherif309** · 11-03-2014 01:54 PM

رينا يخليك يا hosammoner هوا صاحبها فعلا قالى انها عايزة شغل اكصدامات وعتب عشان دة عيب الهوندا اما باقى العربيه الحمد لله على كلامه جامدة جدا يعنى
يا ريت تبعتلى ارقام الناس بتاعت الحرفيين لو معاك عشان التوكيل المعاد الى عندة بعيد جدا

والله المستعان

**hosammoner** · 11-03-2014 02:02 PM

بعتلك رسالة

**sherif309** · 11-03-2014 02:14 PM

وصلتنى يا باشا وشكرا على ذوئك واهتمامك

**hany63** · 12-03-2014 08:57 AM

انا رائيي لو انطباعك الاول عن العربيه كويس اكشف في التوكيل بالمره و ضحي بال ٥٠٠ جنيه و اعتبرهم من تمن العربيه

الموضوع: هغير الانسر لهوندا سيفك ومحتاج مساعدة ضرووورى

LinkBack

أدوات الموضوع

عرض

-

-

المواضيع المتشابهه

كاوتش لهوندا سيفك

هغير لنيتروجين ومحتاج نصيحتكم

عاوز اجيب عدة صوت لهوندا سيفك 2008

تصميم ثوري لهوندا سيفك الجديدة (صور وفيديو)

مساعدة ضرووورى جدا..؟؟ذ

الكلمات الدلالية لهذا الموضوع

المفضلات

المفضلات

ضوابط المشاركة