الموضوع: تجربة تغيير اويل سيل استرا 2004

عربيتي استرا 2004 1600 اوتو كان فيه ترشيح زيت خفيف كده نويت وقلت اروح اعملها يوم السبت اللي فات وفعلا رحت غيرت اويل سيل كرنك وطبعا الميكانيكي رفع الموتور تماما وهو بيغير الاويل سيل بص على عمود الكرنك لقى فيه بوش نتيجة تاكل وديناه المخرطة عشان نستعوض التاكل عشان ما يضربش الاويل سيل تاني وبالمرة والمكنة مفرفوعة غير جوان وش التاكيهات وغير كمان 2 اويل سيل بالمرة وهو بيقفل لقى المارش مكسور غيرناه بواحد استيراد ب 285 جنيه فضلنا في الشغلانة دي يوم كامل وحطيت بعدها زيت شل الاصفر وتمام حسيت طبعا العربية فرقت وبقت أنعم وما بقاش فيه تسريب زيت زي الاول.
حصل حاجة بعدها لو حد يقدر يقولي سببها وهيا ان وانا ماشي فجأة عداد السرعة راح قالب على 160 وبيعلى مع المشي لكن ما بينزلش يعني انا ماشي على سرعة 80 المفروض وهو على الاخر اوقف يرجع 160 فضلت ماشي شوية عشان يمكن يعقل ما ظبطش غير لما بطلت العربية خالص
حد يقولي لو تكرمتو ممكن يكون ايه ويارب مايكونش فيه حاجة تاني هتتغير لاني تعبت بصراحة.
وشكرا