عرض للطباعة
امبارح الموبايل بتاع زوجتي وقع و شاشته اتكسرت , الشاشه الخارجيه و غالبا الداخليه كمان لأنه ضلم ومبقاش شغال
الموبايل نوعه سامسونج جلاكسي ميجا الكبير اللي شاشته 6.3 بوصه
حد يعرف فني صيانه كويس ممكن يصلحه بسعر معقول و بضمير ؟؟
وهو تقريبا هايتكلف كام ؟ لأني عارف اني لو وديته التوكيل هادفع نص تمنه ده أقل واجب
ياريت لوحد جرب فني معين و ارتاح معاه يقولي عنوانه فين و تليفونه ان أمكن , وشكراً
انا نفس المشكلة بس تلفوني ال جي و مش لاقي الشاشة في اي مكان
أنا صلحت شاشة موبيل سامسونج ديوز عند محل فى مدينة نصر ب 130 جنية و المحل كويس و أمين
المحل أسمه جوبا عند فى الشارع اللى على نصيته مستشفى التيسير المتفرع من شارع النادى الأهلى (حسن المؤمون)
شكرا على المشاركه , بس أكيد ده كان سعر الشاشه الخارجيه بس مش التاتش كماناقتباس:
المشاركة الأصلية كتبت بواسطة smartchoice
انا امبارح رحت محل جنب بيتي و سألته قاللي انا عندي الأصلي بضمان شهر ب 850 جنيه , والصيني ب 650 جنيه من غير ضمان خالص يعني لو خدتها و طلعت بره المحل معرفكش ( هو قالي كده بالنص !)
طبعا انا عارف ان اللي بيقول عليها اصلي دي ولا هي اصلي و لا بتاع بس اهو شغل فهلوه و السلام
بصراحه انا محتار و مش عارف اعمل ايه
الراجل اللي قالي 850 جنيه وقت الجد رجع في كلامه و قالي 1500 جنيه !!
سألت عند اتنين تانيين واحد قالي 1250 والتاني قالي 1300 جنيه
شكلها كده هاشتري موبايل تاني و اسيب ده زي ماهو كده او ابيعه على حالته
النقطه المهمه دلوقتي , حد يعرف ازاي اطلع الداتا اللي على الموبايل و الصور من غير ماضطر اصلح الشاشه ؟؟
علما بأن الموبايل عليه كود حمايه مش هاقدر ادخله و الشاشه مكسوره , والصور اللي عليه مهمه بالنسبالي و محتاجها , هل فيه طريقه لنقلها على لابتوب بدون ماشتري شاشه جديده ب 1500 جنيه !!
هى فعلا معدية ألف جنيه مستريح ..
أنا عندى s4 قتيل بسبب الموضوع ده ، تكلفة اصلاحه كانت 1800 جنيه ، ركنته وجبت بيهم موبايل تانى.
أنا وصلته بالكمبيوتر وأخدت اللى أنا عايزه من عليه
مش عارف موضوع الكود ده يمنع النقل للكمبيوتر واللا ايه.
هو فعلا مش منطقي اني ادفع مبلغ زي ده لاصلاح شاشه و في الاخر هايبقى الموبايل اسمه مفتوح و معموله صيانه ولو جيت ابيعه مش هايجيب تمن الشاشه اصلا !! استهبال بجداقتباس:
المشاركة الأصلية كتبت بواسطة egyzizo
بالنسبه لموضوع الكود انا جربت اوصل الموبايل باللاب توب فالبرنامج طلب مني افك كود الحمايه من على الموبايل , وهنا المشكله اللي مش لاقيلها حل
المفروض ان الصور والداتا موجودة على الميموري كارد
جربت تطلعه من الموبايل وتحطه فى كارد ريدر وتشوف اللي عليه؟
ملهاش حل غير انك تروح لحد بتاع صيانه يحطلك شاشه تفتح بيها بساقتباس:
هو فعلا مش منطقي اني ادفع مبلغ زي ده لاصلاح شاشه و في الاخر هايبقى الموبايل اسمه مفتوح و معموله صيانه ولو جيت ابيعه مش هايجيب تمن الشاشه اصلا !! استهبال بجد
بالنسبه لموضوع الكود انا جربت اوصل الموبايل باللاب توب فالبرنامج طلب مني افك كود الحمايه من على الموبايل , وهنا المشكله اللي مش لاقيلها حل
وتنقل الداتا وشكرا
انا عملت كده ومن بعدها مبقتش بعمل رمز حمايه للشاشه ابدا تحسبا لموقف زى ده
صعب تلاقي حد بتاع صيانه يعمل الموضوع دا
ويركب لك شاشه تفتح بيها الجهاز
لو اس٣ او نوت٢ ممكن اقولك اه
فيه منها كتير و الباغه مكسوره و شغاله
لكن ميجا صعب
انا بقولك الفايده
ارخص مكان فىه تصليح موبايلات هو شارع العطار جنب شارع عبد العزيز هناك فى واحد بتاع شاشات جمله اسمه اونست ممكن تسأل عنده
للأسف الصور اللي انا محتاجها موجوده على التليفون نفسهاقتباس:
المشاركة الأصلية كتبت بواسطة egyzizo
ياريت فعلا يكون ده الحل , انا هحاول اسأل بتوع الصيانه عن الامكانيه دي وربنا يسهل الاموراقتباس:
المشاركة الأصلية كتبت بواسطة عصام غنايم
بالنسبه لكود الحمايه هو ضروري عشان لاقدر الله لو الموبايل اتسرق متبقاش الداتا كلها في ايد الحرامي بسهوله
طيب هو ماينفعش يركب عليه شاشه من نوع تاني كوضع مؤقت والجهاز مفتوح لغايه ماناخد الداتا و يشيلها تاني ؟ انا مش متخصص و مش عارف الكلام ده ممكن ولا لأ , لكنها مجرد فكره !اقتباس:
المشاركة الأصلية كتبت بواسطة trondo
شكراً جزيلاً ليك على المعلومهاقتباس:
المشاركة الأصلية كتبت بواسطة elgabry1977
لو انت مأكتف عملية المزامنة فى الجهاذ ... وكنت داخل بالايميل بتاع gmail اكيد هاتلاقى الصور والاسماء كمان ... واى حاجة موجودة على زاكرت الجهاذ هاتلاقيها على الايميل ... لو هو gmail
يا ترى عملت ايه فى الاخر؟
انا حصل معايا نفس الموضوع و الشاشة اتكسرت سامسونج e7
الشاشة فى التوكيل ب 1200 و برة التوكيل ب 1000 و مش اصلى
فى حد نصحنى اروح شارع عبد العزيز . فعلا فى فايدة من المشوار ده ولا ايه؟ ارجو الافادة
اقتباس:
المشاركة الأصلية كتبت بواسطة matawfeek
يااه ده الموضوع قديم قوي :))
عايز تعرف عملت ايه , ركنت الموبايل في الدرج و لسه مركون لغاية دلوقتي عشان كل ماسأل على تمن الشاشة يقولولي 1200 جنيه برضه , بس انا لقيتها على امازون بحوالي 500 جنيه بالشحن و الجمارك بس مجبتهاش عشان اشتريت موبايل تاني
اقتباس:
المشاركة الأصلية كتبت بواسطة A_H_M_A_D
هههههه
اولا شكرا جدا على الرد السريع و على اهتمامك
ثانيا بقى بالمرة عشان لو حد فتح الموضوع يستفاد اقولك انا عملت ايه امبارح
انا كنت سألت محل فى السراج و قاللى الشاشة دى فى التوكيل نفس سعرها بره و ساعات ارخص ده غير ان معاها ضمان 3 شهور.
بس انا ماسمعتش الكلام و روحت امبارح شارع العطار اللى جنب شارع عبد العزيز و الشارع كله فعلا فيه كل حاجة بالذات الممرات الضيقة اللى فيه و حارة فيه اسمها حارة الزهرية.
المهم هو زى ما قولتلك فى توكيل راية ب 1200 هناك لقيته من اول 850 لحد 1150 + 50 جنيه تركيب.
و كل محل اسأله اصلى؟ فيه يقوللى اه و فى يقوللى حاجة نضيفة و فى اللى يقوللى هاتجربها بنفسك.
المهم فكيت الموبايل و روحت اجربها لقيتها شغالة زى الفل بس انا حسيت ان مش هى دى الوان الشاشة الحقيقية معرفش ده احساس و لا بيتهيألى ولا ايه بس اصل الوان الشاشة اللى هى سوبر اموليد super amoled دى بتبقى مميزة قوى و انا شارى الموبايل اصلا عشانها . ده غير ان الشاشة طالعة من علبة مجهولة الهوية كده و مش مكتوب عليها سامسونج خالص ( العلبة) و حتى بقوله طب فين كلمة E7 راح موريلى الكلمة مكتوبة بقلم اسود . المهم مارتحتش . روحت جربت واحدة تانية عند حد تانى لقيتها نفس العلبة و المرادى الشاشة جابت خطوط و ماشتغلتش خالص . فالحمد لله قفلت الموبايل و خدته و مشيت و هوديه انهارده التوكيل ان شاء الله . احتمال بس اسأل الاول فى كذا توكيل يمكن فى فرق فى السعر . انا سألت فى راية و هاسأل فى سكاى و يونيون جروب . انا اعرف ناس اتعامليت مع شارع العطار و جابت منه تاتش فقط و كان سعره احسن من التوكيل بكتير و كانت كويسة و الله اعلم .
و شكرا مرة تانية على الرد.
معلش كتبت الرسالة مرتين و مش عارف امسحها فاضطريت اعدلها