صوت فى لانسر شارك 2008

**drsherif01** · 11-03-2014 05:07 PM

السلام عليكم و رحمه الله
اولا انا احب اشكر كل من ساهم فى انى اشترى لانسر شارك من على المنتدى لانى بصراحه كنت محتار بينها و بين البومه و الالنترا الشكل القديم و بفضل الى قريته من على الموقع استقريت و الحمد لله جبت القرش و العربيه جميله جدا و ممتعه فى السواقه
بس انا كان عندى استفساران
اولا - انا بسمع صوت من علبه الدريكسيون و انا ماشى بالراحه لو الطريق مش مرصوف بسمع صوت تخبيط او كأن فى حاجه مفكوكه و محتار الصوت ده ايه او يتصلح فين
ثانيا - استهلاك البنزين العربيه بتستهلك حوالى 500 كيلو فى التفويله بس مش عارف هيا كدا كويسه ولا بتستهلك بنزين
و شكرا و ارجو الرد من اعضاء المنتدى الكرام

**Dr_Smart** · 11-03-2014 05:37 PM

وعليكم السلام ورحمة الله وبركاته

مبروك عالعربية وربنا يديك خيرها ويكفيك شرها

المشكلة الاولى غالبا علبة دريكسيون .. وممكن مقصات او جلب مقصات .. كان لازم تجربها الاول كويس عشان لو علبة دريكسيون لا قدر الله هتبقى غالية

بالنسبة لاستهلاك البنزين حضرتك ممكن تحسبه بدقة اكتر انك تفول التنك وتعمل مشوار طويل وبعدين تفول تاني وتشوف خدت كام لتر في الكيلومترات اللي عملتها .. وهل كنت في طريق سريع ولا جوه البلد في الزحمة .. بالتكييف ولا من غير .. ومعدل السرعة .. وطريقة السواقة حرق ولا سواقه هادية ..

وان شاء الله حد من ملاكها يفيدك اكتر

**drsherif01** · 11-03-2014 05:40 PM

شكرا على الرد بس انا مش عارف علبه الدريكسيون تبع انهى صنيعى و بالنسبه للبنزين هيا تقريبا بتستهلك 10 لتر كل 100 كيلو وده جوه البلد مش على طريق سريع

**Ahmed_Mega** · 13-03-2014 09:42 PM

بالنسبة للصوت اللي عندك هو موجود ف كل العلب الكهربا وسالت عليها ﻻن احنا عندنا الطرق منعرفش حاجة اسمها اسفلت وهي كدا متقلقش منها وبرده روح لبتاع عفشة يبص على بارات الدريكسيون
اما اﻻستهﻻك انا عندي نفسك كدا وبموت مش عارف ازاي ومش ﻻقي حل ظبطا هو وغيرت زيت نضفت رشاشات وغيرت فلتر وغيرت بوجيهات ومفيش فايدة وكلو اصلي

**drsherif01** · 15-03-2014 04:22 PM

المشاركة الأصلية كتبت بواسطة Ahmed_Mega

بالنسبة للصوت اللي عندك هو موجود ف كل العلب الكهربا وسالت عليها ﻻن احنا عندنا الطرق منعرفش حاجة اسمها اسفلت وهي كدا متقلقش منها وبرده روح لبتاع عفشة يبص على بارات الدريكسيون
اما اﻻستهﻻك انا عندي نفسك كدا وبموت مش عارف ازاي ومش ﻻقي حل ظبطا هو وغيرت زيت نضفت رشاشات وغيرت فلتر وغيرت بوجيهات ومفيش فايدة وكلو اصلي

شكرا يا ستاذ احمد احمد على الرد