مشكلة غرية فى العربية 127 سوبر فيورا

**magdy_31** · 11-03-2014 08:46 PM

السلام عليكم ورحمة الله وبركاتة
عندى مشكلة غريبة صرفت عليها فلوس كتير ومش لاقى حل ليها فاضل اخر توقع منى مش عارف بقى صح ولا لا
المهم المشكلة هى ان عندى العربية فيها رجة بتظهر من التسعين لحد 100 ما كمان ان لما ادوس فرامل احس ان العربية على الجنب الشمال فى رجة انا عملت زاويا للعربية ورصصت الكاوتشات الاربيعة كلها وعملت خراطة للطنابير وعلى فكرا انا عملت اكتر من تلات مرات خراطة طنابير + انى غيرت الصرة وغيرت البيض المهم انا لاقيت عندى بوش فى علبة الدركسيون يعنى لما الف الدركسيون اسمع طقطقة فى حتة معينة بسمع الطقطقة دى والعربية واقفة هل ممكن البوش دا يعمل هزة العربية على سرعة معينة هو دا السوال اسف انى طولت بس انا قلت كل اللى عندى وشكرا ليكم

**hugan** · 11-03-2014 09:09 PM

احتمال كبير ان في كوبلن من الكبالن ملووح وفيه رفه

**J A G U A R** · 11-03-2014 09:18 PM

يبقى كوبلن عايز يتغير

**aw2100** · 11-03-2014 09:49 PM

احتمال يكون عيب فى الرولمان بلى او الأكس اللى ماسك الكوبلن معووج لكن الكوبلن مايعملش غربلة وممكن يكون فية عيب فى الصلايب كل ده يعمل غربلة مش ترصيص العجل بس !!

**ahmedfouad** · 12-03-2014 08:47 AM

ممكن تكون اسطوانة الدبرياج مقفعة ولا حاجة ..ممكن يكون كوبلن داخلى
ممكن يكون من احدى القواعد للموتور او الفتيس محتاجة تتغير .. ممكن يكون جنط مش موفق مع الكاوتش عالى مع عالى او الجنط ملوح من مطب .. وممكن يكون الجنط سليم والكاوتش بايظ (ملوح) حتى لو جديد
للاسف فى مليون سبب هى محتاجة واحد حابب انه يفكر فيها (ميكانيكى اقصد) ودول نادرين بصراحة