انا خلاص اتخنقت من الترلات و العربيات النقل الكبيرة

كل سنة و انتم طيبين

انا فتحت الموضوع دة عشان خلاص زهقت
بقت حاجة عادية جداا دلوقتي اننا كل شوية نسمع ان فلان مات في حادثة عربية كل شئ مقدر و مكتوب و اللي بيموت بيكون ربنا مقدرلة كدا

نيجي نسأل اية اللي حصل يقولك عربية نقل كبيرة دخلت فية او يقولك المقطورة اتقلبت على العربية

النقل التقيل دة في بلدنا يشكل مشكلة كبيرة و انا شايف ان معظم حوادث الطرق بسببة و ذلك يرجع الى ان الطرق زبالة تلاقي العربية على الاتوستوراد و لا الدائري عمالة بتتنطط من كتر التعريجات اللي في الطريق و المطبات الصغيرة و الحفر و كمان عندنا المقطورات دة مصيبة كبيرة و احنا البلد الوحيدة اللي بنستعملها لحد دلوقتي
و كمان العربيات النقل دة تلاقيها معفنة و انواع قديمة متهالكة دة غير ان السواقين ما تعرفش بيضربوا اية و هما ماشيين بانجو و لا حشيش

و اكبر مثال على كدا حادث مطروح اللي مات فية العشرات من الأبرياء

انا لو عليا نفسي النقل دة يتلغي و لا يشوفة حاجة غيرة بس اية هيا محدش عارف

و ربنا يسترها علينا كلنا طول ما احنا على الطرق

اللهم استرنا فوق الارض و تحت الأرض و يوم العرض عليك

فعلا النقل التقيل و التريللات و الcontainers الكبار دول سواء على الصحراوى ولا الدائري كاارثة متحركة على الطريق . تلاقي السواق ماشي بيطوح و شغال غرز و مش شايف قدامه فعلا انا استحاااالة افكر اطلع من نقل تقيل لان بجد مش مضمونيين ممكن يبقي مدييك سكة و فجأة يركن عليك لا قدر الله . مع انى اسمع انه على الدائري منعه حركة النقل التقيل غير بس بالليل و لحد 6 الصبح باين او حاجة كدة الله اعلم

ربنا يسترها معانا يا رب و يستر طريقنا

اقتباس:

---

المشاركة الأصلية كتبت بواسطة Noha-M

مع انى اسمع انه على الدائري منعه حركة النقل التقيل غير بس بالليل و لحد 6 الصبح باين او حاجة كدة الله اعلم

ربنا يسترها معانا يا رب و يستر طريقنا

---

غريبة مع انى بشوفهم فى جميع الاوقات صبح ليل ظهر!!...و ابسط حاجة الزلط و الرمل اللى بيفضل يرزع ف العربية طول ما انا ماشى ع الدائرى!

مش هما نزلوا قانون انهم هيلغوا المقطورات دول
يعنى الصيف اللى جاى مثلا مش هنشوف وشهم تانى
ولا ايه بقى
دول مصيبه متحركه حسبى الله ونعم الوكيل
المفروض يحطوا جهاز تحديد السرعه speed limiterو يكون الكترونى عشان محدش يلعب فيه
و تكون السرعه للمقطورات دول 50-60 بلعافيه

طبعا مفيش حاجة اسمها يلغوا النقل
بس يقدروا يقننوا السير زي ما قلتوا من الساعة كذا للساعة كذا
عامة الكوارث دي بتحصل من النقل لأن 90 بالميه من سواقين النقل غير مؤهلين و الوسايط بتطلع لهم الرخص الله ينور غير المخدرات و الكيميكال اللي بيضربوه ليل نهار

lموقف انا شفته شخصيا و انا مسافر على طريق مصر اسكندرية الصحراوي شفت حادثة ماتريكس دخلت في عربية نقل
و حادثة تانية ميجان مع عربية نص نقل ( خفيفة شوبة جت في الاكصدام و الفوانيس و الكابوت )

و عربية نقل مقلوبة في اول الطريق (يوم تاني)

الموقف اللي جاي حصلنا شخصيا

كنا كلنا في العربية ماشيين جنب ترعة النصر( متفرع من مصر اسكندلاية الصحراوي) بنهدي علشان ناخد مطب بالراحة و هوب عربية نقل خبطتنا من الجنب اليمين طبعا العربية راحت نزلة عن الطريق و لولا ان الوالد متمكن في السواقة (اول ما ساق ساق لاند روفر في الجبل قبل ما يطلع رخصة) لحق العربية قبل ما تقع في الترعة كان في العرية 7 اخاص و العربية كيا رايد 2000 سيدان جات في اكصدام و فانوس و شوية سمكرة و دوكو على حساب الراجل (الموقف دةكان سنة 2005)

اليوم دة عمري ما هنساه و كل ما افتكره بلعن سواقين النقل

اقتباس:

---

فعلا النقل التقيل و التريللات و الcontainers الكبار دول سواء على الصحراوى ولا الدائري كاارثة متحركة على الطريق . تلاقي السواق ماشي بيطوح و شغال غرز و مش شايف قدامه فعلا انا استحاااالة افكر اطلع من نقل تقيل لان بجد مش مضمونيين ممكن يبقي مدييك سكة و فجأة يركن عليك لا قدر الله . مع انى اسمع انه على الدائري منعه حركة النقل التقيل غير بس بالليل و لحد 6 الصبح باين او حاجة كدة الله اعلم

ربنا يسترها معانا يا رب و يستر طريقنا

---

معاكي حق يا نهي
بس لما تيجي تعدي من نقل زي دا
خدي بالك كويس اوووووووووي
و شوفي الطريق فاضي قدامك و لا لاء
و لما تبدأي تعدي عدي باقصي سرعه تقدري عليها مش بسرعتك الطبيعيه.
يعني تدوسي الدواسه للاخر و تحرقي لحد ما تعدي

في رمضان كنت كل يوم تقريباً اشوف حادثة واحدة على الاقل على

الدائري ويكون احد اطرافها نقل بمقطورة.


هانت، ربنا يخلصنا منهم.

اقتباس:

---

المشاركة الأصلية كتبت بواسطة Noha-M

فعلا النقل التقيل و التريللات و الcontainers الكبار دول سواء على الصحراوى ولا الدائري كاارثة متحركة على الطريق . تلاقي السواق ماشي بيطوح و شغال غرز و مش شايف قدامه فعلا انا استحاااالة افكر اطلع من نقل تقيل لان بجد مش مضمونيين ممكن يبقي مدييك سكة و فجأة يركن عليك لا قدر الله . مع انى اسمع انه على الدائري منعه حركة النقل التقيل غير بس بالليل و لحد 6 الصبح باين او حاجة كدة الله اعلم

ربنا يسترها معانا يا رب و يستر طريقنا

---

مين قال الكلام دة؟!!

موجودين بيبلطجوا على الدائري وبيتسابقوا كمان!!

موضوع العربيات النقل دا لازم ينتهى انا بسميه بكابوس الطرق السريعة
انا ابن خالتى (الله يرحمو) توفى فى حادثة عربية يوم 30/7/2007
وكان عمرو 21 سنة لسة متخرج من كلية تجارة انجليزى
والسبب عربية نقل جاية طايرة من على شمالو وريحت فجأه عليه عشان كان صاحب العربية عايز ينزل يقعد على قهوة ولما لقى انو خبط ابن خالتى جرى وموقفش
الكلام ده السنة اللى فاتت على الطريق الزراعى (القاهرة_اسكندرية) اللى هوا من اسوء طرق مصر واكثرها ازدحاما
الله يرحمك يا محمد واسألكم الفاتحة

طب يا جماعه انا بشوف فى ايام الدراسه يوميا ما لا يقل عن 3 حوادث
واكثرهم بتكون حالات وفاه ...
طريق جامعتى (مصر / اسماعيليه ) الكيلو 35 ...
ازبل طريق فى العالم باجمعه الطريق ده بتحصل عليه حوادث فى الاسبوع مثلا لا تقل عن 50 واكتر من 5 بيتوفوا فى الاسبوع :thumbsup:وبشوف بعينى وكمان اكثرهم طلاب جامعات لان الطريق ده مليان جامعات ...
عربيات النقل على الطريق اكتر من الملاكى.. ابتداء من موقف العاشر (السلام )...تلاقى 300 عربيه نقل قدامك وكلهم مقطورات كمان وكلو طاير ومرة واحده تبص تلاقى واحد كان ماشي جبمك على الطريق مرمى على يمين الطريق هو واللى راكبين معاه علشان سواق مقطوره حدف عليه ...
حـــــــرام بـــــــــــــــجد ...:sad:

اقتباس:

---

المشاركة الأصلية كتبت بواسطة mahmoudzaied

موضوع العربيات النقل دا لازم ينتهى انا بسميه بكابوس الطرق السريعة
انا ابن خالتى (الله يرحمو) توفى فى حادثة عربية يوم 30/7/2007
وكان عمرو 21 سنة لسة متخرج من كلية تجارة انجليزى
والسبب عربية نقل جاية طايرة من على شمالو وريحت فجأه عليه عشان كان صاحب العربية عايز ينزل يقعد على قهوة ولما لقى انو خبط ابن خالتى جرى وموقفش
الكلام ده السنة اللى فاتت على الطريق الزراعى (القاهرة_اسكندرية) اللى هوا من اسوء طرق مصر واكثرها ازدحاما
الله يرحمك يا محمد واسألكم الفاتحة

---

الله يرحمه و يصبر أهله يا رب.

طيب ما مسكوش البني آدم ده؟

طب يا جماعه انا بشوف ايام الدراسة يوميا ما لا يقل عن 3 حوادث واغلبيتها وفاه جماعيه ..
طريق جامعتى ( مصر / اسماعيليه ) الكيلو 35 ...
طريق زبـــــــــــاااالة بمعنى الكلمه ...
عربيات النقل والمقطورات على الطريق اكثر من الملاكى ..
بعد موقف العاشر تلاقى اكتر من 200 عربيه فى وشك وفجاة تبص تلاقى واحد كان ماشي جمبك على الطريق مرمى على اليمين هو واللى معاه علشان سواق مقطوره حدف عليه ..
وللاسف اكتر الحوادث كلها بتبقي طلاب لان الطريق ده مليان جامعات ..:sad:

طب يا جماعه انا بشوف ايام الدراسة يوميا ما لا يقل عن 3 حوادث واغلبيتها وفاه جماعيه ..
طريق جامعتى ( مصر / اسماعيليه ) الكيلو 35 ...
طريق زبـــــــــــاااالة بمعنى الكلمه ...
عربيات النقل والمقطورات على الطريق اكثر من الملاكى ..
بعد موقف العاشر تلاقى اكتر من 200 عربيه فى وشك وفجاة تبص تلاقى واحد كان ماشي جمبك على الطريق مرمى على اليمين هو واللى معاه علشان سواق مقطوره حدف عليه ..
وللاسف اكتر الحوادث كلها بتبقي طلاب لان الطريق ده مليان جامعات ..:sad:

النقل و التريلات ما هي إلا حلقة من حلقات الفساد و الإنفلات المروري في ج ع ع
و التي لا تسترعى إنتباه إي أحد في الحكومة أو مسئولي المرور

ميكروباصات بتعمل غرز و شقلبظات على كل الطرق و بكل السرعات
شباب سيس بيس عايز حرقه ....... و بيسوق بنفس طريقه سواقين الميكروباصات اللي عايزين الإعدام في ميدان عام
ناس تسيب عربياتها لأولادهم الصغيرين و تلاقي العيل من دول مش مكمل 16 سنة و سايق عربية بابي و طاير بيها في الشوارع يخبط و يرزع في ممتلكات الناس و بتنتهي المأساة بقتل واحد من المشاة و يتم تهريب العيل المايص عن طريق أبوه اللي عايز حرقه في محرقة نازية و ينتهي الموضوع
ستات تخرج للشوارع علشان تسوق عربيات و هي أساسا معندهاش ألف باء قيادة و لا بيعرفوا يركنوا و لا يسوقوا و كمان لسانهم أطول منهم ( و عذرا للأخوات الزميلات في المنتدى ) الأغلبية و ليس الكل
زيارة سريعة إلى وحدة مرورية لإستخراج رخصة قيادة
من أسهل البلاد في العالم لإستخراج رخصة قيادة سيارة بل من أسهل البلاد في العالم لإستخراج رخصة لأي شئ
و يخرج هؤلاء من دفعوا ا لمعلوم لإستخراج رخصة قيادتهم إلى الشوارع و تبدأ رحلة معاناة جديدة لهم و لمن سبقهم في إستخراج هذه الرخصة السهلة جدا و تزداد معاناة هذا الشعب يوما على يوم و حسرة على حسرة و يزداد التخلف و تزداد الفوضى يوما عن يوم
و هكذا أخواني و أعزائي و زملائي و أصدقائي ....... أعضاء نايل موتورز ....... يكون حال مصر دائما و أبدا هو
التخلف و الفوضى و الهمجية نظرا لإنعدام القانون و أنفلات الشارع المصري العظيم
و تكون النتيجة
أن الشعب يتسبب في مقتل أبنائه فردا فردا
و يتسبب في ضياع كميات من البترول الذي يحترق في الهواء نظرا لتوقف الطرق و الشوارع بسبب الفهلوة و الحداقة المصرية المعهودة
و يتسبب أيضا هذا الشعب في ضياع كميات من العملات الصعبة لإستيراد قطع غيار لسيارتهم التي يجب أن تكون مخدوشة و مكسرة و فيها كام فانوس مكسور و رفرف مكسر و طبعا كل هذه الأشياء هي علامة الجودة للشوارع المصرية و تأخذها بختم النسر على سيارتك بمجرد حصولك على رخصة قيادة مصرية سلسلة من أخ زميل لك في الشارع عامل ناصح و لقى خرم أبرة ما بينك و بين سيارة بجانبك أو أمامك و صمم يحشر نفسه بينك و بين من هو أمامك أو جانبك

و تحيا ج ع ع
و كان هذا يا أخواني الكرام تعليق بسيط على حالة الهرجلة و التخلف و الفوضى التي نعيشها كل يوم نظرا لإنفلات النظام اللي أساسا مش موجود
و أرتككم مع بعض الصورة المعبرة لبعض الحوادث التي أشتركت فيها تريلات نظرا لإحساسي بفرضية المشاركة الإيجابية في هذا الموضوع و مشاركة أخي Dr Abdoo
مأساته اليومية و إحساسه المرير من هؤلاء الناس الذين مغصوا علينا حياتنا و أسلوب قيادتنا

http://i34.tinypic.com/2194bw7.jpg

http://i33.tinypic.com/i75ttz.jpg

http://i37.tinypic.com/33m7de1.jpg

http://i38.tinypic.com/ipp0zo.jpg

http://i35.tinypic.com/2553k8m.jpg

http://i33.tinypic.com/263iydf.jpg

http://i35.tinypic.com/1pcmf5.jpg


مع تحياتي الحارة لمواطني ج ع ع من مواطن زميل من ج ع ع
و أشوفكم بخير إن شاء الله
أخوكم المقهور من ج ع ع

اقتباس:

---

المشاركة الأصلية كتبت بواسطة tutankhamoun

ناس تسيب عربياتها لأولادهم الصغيرين و تلاقي العيل من دول مش مكمل 16 سنة و سايق عربية بابي و طاير بيها في الشوارع يخبط و يرزع في ممتلكات الناس و بتنتهي المأساة بقتل واحد من المشاة
ستات تخرج للشوارع علشان تسوق عربيات و هي أساسا معندهاش ألف باء قيادة و لا بيعرفوا يركنوا و لا يسوقوا و كمان لسانهم أطول منهم زيارة سريعة إلى وحدة مرورية لإستخراج رخصة قيادة

---

+(100000) ... كلام مظبوط

اقتباس:

---

المشاركة الأصلية كتبت بواسطة tutankhamoun

ناس تسيب عربياتها لأولادهم الصغيرين و تلاقي العيل من دول مش مكمل 16 سنة و سايق عربية بابي و طاير بيها في الشوارع يخبط و يرزع في ممتلكات الناس و بتنتهي المأساة بقتل واحد من المشاة

ستات تخرج للشوارع علشان تسوق عربيات و هي أساسا معندهاش ألف باء قيادة و لا بيعرفوا يركنوا و لا يسوقوا و كمان لسانهم أطول منهم زيارة سريعة إلى وحدة مرورية لإستخراج رخصة قيادة

---

+(100000) ... كلام مظبوط

اقتباس:

---

المشاركة الأصلية كتبت بواسطة the_terrible

+(100000) ... كلام مظبوط

---

معلش انا عايزة أفهم حاجة.. يعني أخونا توت الله يكرمه قايل اللي في نفسه عن أغلبية الستات اللي بيسوقوا و من ذوقه معقب بالجملة دي:( و عذرا للأخوات الزميلات في المنتدى ) الأغلبية و ليس الكل

مش فاهمة ليه حضرتك اقتبست كلامه و أمنت عليه بس من غير جملة الإعتذار دي.. يعني اللي قبل الجملة دي موجود و اللي بعدها موجود؟!! انا باستفسر بس مش أكتر.

اقتباس:

---

المشاركة الأصلية كتبت بواسطة Nader

مين قال الكلام دة؟!!

موجودين بيبلطجوا على الدائري وبيتسابقوا كمان!!

---

هههههههههههههههههههههه
حلوة بيتسابقوا دة

انا معاك يا أخ توت في الكلام اللي انت قلتة ان البترول بيتحرق كتير على الفاضي بسبب الوقوف الكتير بسبب الزحمة او بسبب حادثة حصلت في طريق رئيسي زي الدائري مثلا

في شهر 7 الصيف دة كنت على الدائري رايح اتجاه كارفور كدا بعد دخلة المطار الطريق وقف وقفة غريبة لمدة ساعة و نصف
المهم الناس بطلت عربياتها و اللي عايز ينام ينام و اللي عايز يروح الحمامو اللي يفرش في الشارع و يعد المهم الدائري بأه عامل زي السوق كدا
و بعد نصف ساعة من الوقوف الغريب لقينا الاتجاه المعاكس مفيش و لا عربية
عرفنا ان في اوناش هناك و اسعاف و كدا
المهم بعد كدا الطريق بدأ يتحرك لحد موصلت لمكان الحادثة لقيت عربية نقل كبيرة من اللي بتشد الترلات دة مفيهاش عجلات و عربية نقل مش كبيرة اوي من الجامبو دة معمولة كفتة و طبعا في كذا ملاكي اتخبطوا بردة

المهم شوف ان حادثة زي دة توقف و تعطل كام الف واحد رايحين مصالحهم و شوف كام واحد كان مسافر و فاتتة الطيارة بتاعتة
و شوف هدر الفلوس و الخساير اللي بتحصل بسسب الحاجات دة
و للأسف و لا في ادارة لأزمات الطوارئ و لا في اسعاف طائر ألا اذا كان واحد مهم بس او سواح و باقي الشعب دة ملوش لزمة

و ربنا يعوض علينا :ANSmile05:

اقتباس:

---

المشاركة الأصلية كتبت بواسطة dr_abooody

هههههههههههههههههههههه
حلوة بيتسابقوا دة

---

ايوة فعلا انت بتقول فيها انا بشوف سواقين نقل بيتسابقوا كتيييير و نهايتها:funny34d:
يلا ربنا يكفيني و اياكم شر الحوادث

اقتباس:

---

المشاركة الأصلية كتبت بواسطة SS

غريبة مع انى بشوفهم فى جميع الاوقات صبح ليل ظهر!!...و ابسط حاجة الزلط و الرمل اللى بيفضل يرزع ف العربية طول ما انا ماشى ع الدائرى!

---

اه والله انا الزلط دة ما شاء الله عامل معايا الواجب و زيادة و كل شوية اخد زلطة و الازاز يتشرخ و حاجة تقرف :pissedoff:

اقتباس:

---

المشاركة الأصلية كتبت بواسطة hazem_khidr

معاكي حق يا نهي
بس لما تيجي تعدي من نقل زي دا
خدي بالك كويس اوووووووووي
و شوفي الطريق فاضي قدامك و لا لاء
و لما تبدأي تعدي عدي باقصي سرعه تقدري عليها مش بسرعتك الطبيعيه.
يعني تدوسي الدواسه للاخر و تحرقي لحد ما تعدي

---

انا كنت بعمل كدة الاول و اعمل الكيك داون عشان اعدي بس دلوقتى خلاص بسيبهم يعملو اللى هم عاوزينه و مش بعدى منهم لانهم بجد مجانين و انا مش هخاطر بحياتى و احطها تحت رحمة واحد الله اعلم مبرشم ولا محشش ولا شارب و ممكن يركن عليا يضيعني :funny34d:قبطلت انى اطلع منهم كمان

اقتباس:

---

المشاركة الأصلية كتبت بواسطة Nader

مين قال الكلام دة؟!!

موجودين بيبلطجوا على الدائري وبيتسابقوا كمان!!

---

هههههههههههههههههههه

يا شيخ ؟ : و بيتسابقو كمان؟؟؟cute::D

اقتباس:

---

المشاركة الأصلية كتبت بواسطة mahmoudzaied

موضوع العربيات النقل دا لازم ينتهى انا بسميه بكابوس الطرق السريعة
انا ابن خالتى (الله يرحمو) توفى فى حادثة عربية يوم 30/7/2007
وكان عمرو 21 سنة لسة متخرج من كلية تجارة انجليزى
والسبب عربية نقل جاية طايرة من على شمالو وريحت فجأه عليه عشان كان صاحب العربية عايز ينزل يقعد على قهوة ولما لقى انو خبط ابن خالتى جرى وموقفش
الكلام ده السنة اللى فاتت على الطريق الزراعى (القاهرة_اسكندرية) اللى هوا من اسوء طرق مصر واكثرها ازدحاما
الله يرحمك يا محمد واسألكم الفاتحة

---

لا اله الا الله :( انا لله و انا اليه راجعون

ربنا يرحمه و يغفرله ذنبه و يجعل الجنة مئواه

اقتباس:

---

المشاركة الأصلية كتبت بواسطة OlaOsman

معلش انا عايزة أفهم
( و عذرا للأخوات الزميلات في المنتدى ) الأغلبية و ليس الكل

مش فاهمة ليه حضرتك اقتبست كلامه

---

حضرتك انا ماشفتش سواقه الستات او البنات اللى فى المنتدى علشان احكم عليهم - وكمان هو بيتكلم بشكل عام على سواقه الستات وانا بؤيد كلامه .....
لكن هو ماقلش كل ستات الدنيا مبيعرفوش يسوقوا ... فى الكويس وفى الوحش وهو قاصد الجزء الاكبر الا وهو ( الوحش )...
ولو حضرتك بتعرفى تسوقى و باحتراف كمان . متهتميش بالجزء اللى هو اتكلم عليه لانك مش منهم ....

...DARSH...

اقتباس:

---

المشاركة الأصلية كتبت بواسطة the_terrible

حضرتك انا ماشفتش سواقه الستات او البنات اللى فى المنتدى علشان احكم عليهم - وكمان هو بيتكلم بشكل عام على سواقه الستات وانا بؤيد كلامه .....
لكن هو ماقلش كل ستات الدنيا مبيعرفوش يسوقوا ... فى الكويس وفى الوحش وهو قاصد الجزء الاكبر الا وهو ( الوحش )...
ولو حضرتك بتعرفى تسوقى و باحتراف كمان . متهتميش بالجزء اللى هو اتكلم عليه لانك مش منهم ....

...DARSH...

---

طيب، كده يبقى سؤالي ما وصلش لحضرتك صح، بس الظاهر ان فيه مشكلة في الاقتباس.

عموما حصل خير :)

اقتباس:

---

المشاركة الأصلية كتبت بواسطة OlaOsman

عموما حصل خير :)

---

:cool(1): حصل خير ...

اقتباس:

---

المشاركة الأصلية كتبت بواسطة tutankhamoun

النقل و التريلات ما هي إلا حلقة من حلقات الفساد و الإنفلات المروري في ج ع ع
و التي لا تسترعى إنتباه إي أحد في الحكومة أو مسئولي المرور

ميكروباصات بتعمل غرز و شقلبظات على كل الطرق و بكل السرعات
شباب سيس بيس عايز حرقه ....... و بيسوق بنفس طريقه سواقين الميكروباصات اللي عايزين الإعدام في ميدان عام
ناس تسيب عربياتها لأولادهم الصغيرين و تلاقي العيل من دول مش مكمل 16 سنة و سايق عربية بابي و طاير بيها في الشوارع يخبط و يرزع في ممتلكات الناس و بتنتهي المأساة بقتل واحد من المشاة و يتم تهريب العيل المايص عن طريق أبوه اللي عايز حرقه في محرقة نازية و ينتهي الموضوع
ستات تخرج للشوارع علشان تسوق عربيات و هي أساسا معندهاش ألف باء قيادة و لا بيعرفوا يركنوا و لا يسوقوا و كمان لسانهم أطول منهم ( و عذرا للأخوات الزميلات في المنتدى ) الأغلبية و ليس الكل
زيارة سريعة إلى وحدة مرورية لإستخراج رخصة قيادة
من أسهل البلاد في العالم لإستخراج رخصة قيادة سيارة بل من أسهل البلاد في العالم لإستخراج رخصة لأي شئ
و يخرج هؤلاء من دفعوا ا لمعلوم لإستخراج رخصة قيادتهم إلى الشوارع و تبدأ رحلة معاناة جديدة لهم و لمن سبقهم في إستخراج هذه الرخصة السهلة جدا و تزداد معاناة هذا الشعب يوما على يوم و حسرة على حسرة و يزداد التخلف و تزداد الفوضى يوما عن يوم
و هكذا أخواني و أعزائي و زملائي و أصدقائي ....... أعضاء نايل موتورز ....... يكون حال مصر دائما و أبدا هو
التخلف و الفوضى و الهمجية نظرا لإنعدام القانون و أنفلات الشارع المصري العظيم
و تكون النتيجة
أن الشعب يتسبب في مقتل أبنائه فردا فردا
و يتسبب في ضياع كميات من البترول الذي يحترق في الهواء نظرا لتوقف الطرق و الشوارع بسبب الفهلوة و الحداقة المصرية المعهودة
و يتسبب أيضا هذا الشعب في ضياع كميات من العملات الصعبة لإستيراد قطع غيار لسيارتهم التي يجب أن تكون مخدوشة و مكسرة و فيها كام فانوس مكسور و رفرف مكسر و طبعا كل هذه الأشياء هي علامة الجودة للشوارع المصرية و تأخذها بختم النسر على سيارتك بمجرد حصولك على رخصة قيادة مصرية سلسلة من أخ زميل لك في الشارع عامل ناصح و لقى خرم أبرة ما بينك و بين سيارة بجانبك أو أمامك و صمم يحشر نفسه بينك و بين من هو أمامك أو جانبك

و تحيا ج ع ع
و كان هذا يا أخواني الكرام تعليق بسيط على حالة الهرجلة و التخلف و الفوضى التي نعيشها كل يوم نظرا لإنفلات النظام اللي أساسا مش موجود
و أرتككم مع بعض الصورة المعبرة لبعض الحوادث التي أشتركت فيها تريلات نظرا لإحساسي بفرضية المشاركة الإيجابية في هذا الموضوع و مشاركة أخي Dr Abdoo
مأساته اليومية و إحساسه المرير من هؤلاء الناس الذين مغصوا علينا حياتنا و أسلوب قيادتنا

---

مظبوووووووووووووووووووووو ووووووووووووووووووووووووو ووووووط كل كلامك
بس عندي سؤال : ج ع ع ؟ ايه ؟