انا خلاص اتخنقت من الترلات و العربيات النقل الكبيرة

**dr_abooody** · 02-10-2008 01:52 AM

كل سنة و انتم طيبين

انا فتحت الموضوع دة عشان خلاص زهقت
بقت حاجة عادية جداا دلوقتي اننا كل شوية نسمع ان فلان مات في حادثة عربية كل شئ مقدر و مكتوب و اللي بيموت بيكون ربنا مقدرلة كدا

نيجي نسأل اية اللي حصل يقولك عربية نقل كبيرة دخلت فية او يقولك المقطورة اتقلبت على العربية

النقل التقيل دة في بلدنا يشكل مشكلة كبيرة و انا شايف ان معظم حوادث الطرق بسببة و ذلك يرجع الى ان الطرق زبالة تلاقي العربية على الاتوستوراد و لا الدائري عمالة بتتنطط من كتر التعريجات اللي في الطريق و المطبات الصغيرة و الحفر و كمان عندنا المقطورات دة مصيبة كبيرة و احنا البلد الوحيدة اللي بنستعملها لحد دلوقتي
و كمان العربيات النقل دة تلاقيها معفنة و انواع قديمة متهالكة دة غير ان السواقين ما تعرفش بيضربوا اية و هما ماشيين بانجو و لا حشيش

و اكبر مثال على كدا حادث مطروح اللي مات فية العشرات من الأبرياء

انا لو عليا نفسي النقل دة يتلغي و لا يشوفة حاجة غيرة بس اية هيا محدش عارف

و ربنا يسترها علينا كلنا طول ما احنا على الطرق

اللهم استرنا فوق الارض و تحت الأرض و يوم العرض عليك

**Noha.M** · 02-10-2008 01:56 AM

فعلا النقل التقيل و التريللات و الcontainers الكبار دول سواء على الصحراوى ولا الدائري كاارثة متحركة على الطريق . تلاقي السواق ماشي بيطوح و شغال غرز و مش شايف قدامه فعلا انا استحاااالة افكر اطلع من نقل تقيل لان بجد مش مضمونيين ممكن يبقي مدييك سكة و فجأة يركن عليك لا قدر الله . مع انى اسمع انه على الدائري منعه حركة النقل التقيل غير بس بالليل و لحد 6 الصبح باين او حاجة كدة الله اعلم

ربنا يسترها معانا يا رب و يستر طريقنا

SS · 02-10-2008 02:26 AM

المشاركة الأصلية كتبت بواسطة Noha-M

مع انى اسمع انه على الدائري منعه حركة النقل التقيل غير بس بالليل و لحد 6 الصبح باين او حاجة كدة الله اعلم

ربنا يسترها معانا يا رب و يستر طريقنا

غريبة مع انى بشوفهم فى جميع الاوقات صبح ليل ظهر!!...و ابسط حاجة الزلط و الرمل اللى بيفضل يرزع ف العربية طول ما انا ماشى ع الدائرى!

**blazer** · 02-10-2008 02:47 AM

مش هما نزلوا قانون انهم هيلغوا المقطورات دول
يعنى الصيف اللى جاى مثلا مش هنشوف وشهم تانى
ولا ايه بقى
دول مصيبه متحركه حسبى الله ونعم الوكيل
المفروض يحطوا جهاز تحديد السرعه speed limiterو يكون الكترونى عشان محدش يلعب فيه
و تكون السرعه للمقطورات دول 50-60 بلعافيه

**waled369** · 02-10-2008 02:51 AM

طبعا مفيش حاجة اسمها يلغوا النقل
بس يقدروا يقننوا السير زي ما قلتوا من الساعة كذا للساعة كذا
عامة الكوارث دي بتحصل من النقل لأن 90 بالميه من سواقين النقل غير مؤهلين و الوسايط بتطلع لهم الرخص الله ينور غير المخدرات و الكيميكال اللي بيضربوه ليل نهار

**MoDyBeNz2008** · 02-10-2008 02:52 AM

lموقف انا شفته شخصيا و انا مسافر على طريق مصر اسكندرية الصحراوي شفت حادثة ماتريكس دخلت في عربية نقل
و حادثة تانية ميجان مع عربية نص نقل ( خفيفة شوبة جت في الاكصدام و الفوانيس و الكابوت )

و عربية نقل مقلوبة في اول الطريق (يوم تاني)

الموقف اللي جاي حصلنا شخصيا

كنا كلنا في العربية ماشيين جنب ترعة النصر( متفرع من مصر اسكندلاية الصحراوي) بنهدي علشان ناخد مطب بالراحة و هوب عربية نقل خبطتنا من الجنب اليمين طبعا العربية راحت نزلة عن الطريق و لولا ان الوالد متمكن في السواقة (اول ما ساق ساق لاند روفر في الجبل قبل ما يطلع رخصة) لحق العربية قبل ما تقع في الترعة كان في العرية 7 اخاص و العربية كيا رايد 2000 سيدان جات في اكصدام و فانوس و شوية سمكرة و دوكو على حساب الراجل (الموقف دةكان سنة 2005)

اليوم دة عمري ما هنساه و كل ما افتكره بلعن سواقين النقل

**hazem_khidr** · 02-10-2008 05:13 AM

فعلا النقل التقيل و التريللات و الcontainers الكبار دول سواء على الصحراوى ولا الدائري كاارثة متحركة على الطريق . تلاقي السواق ماشي بيطوح و شغال غرز و مش شايف قدامه فعلا انا استحاااالة افكر اطلع من نقل تقيل لان بجد مش مضمونيين ممكن يبقي مدييك سكة و فجأة يركن عليك لا قدر الله . مع انى اسمع انه على الدائري منعه حركة النقل التقيل غير بس بالليل و لحد 6 الصبح باين او حاجة كدة الله اعلم

ربنا يسترها معانا يا رب و يستر طريقنا

معاكي حق يا نهي
بس لما تيجي تعدي من نقل زي دا
خدي بالك كويس اوووووووووي
و شوفي الطريق فاضي قدامك و لا لاء
و لما تبدأي تعدي عدي باقصي سرعه تقدري عليها مش بسرعتك الطبيعيه.
يعني تدوسي الدواسه للاخر و تحرقي لحد ما تعدي

**Nader** · 02-10-2008 05:19 AM

في رمضان كنت كل يوم تقريباً اشوف حادثة واحدة على الاقل على

الدائري ويكون احد اطرافها نقل بمقطورة.

هانت، ربنا يخلصنا منهم.

**Nader** · 02-10-2008 05:21 AM

المشاركة الأصلية كتبت بواسطة Noha-M

فعلا النقل التقيل و التريللات و الcontainers الكبار دول سواء على الصحراوى ولا الدائري كاارثة متحركة على الطريق . تلاقي السواق ماشي بيطوح و شغال غرز و مش شايف قدامه فعلا انا استحاااالة افكر اطلع من نقل تقيل لان بجد مش مضمونيين ممكن يبقي مدييك سكة و فجأة يركن عليك لا قدر الله . مع انى اسمع انه على الدائري منعه حركة النقل التقيل غير بس بالليل و لحد 6 الصبح باين او حاجة كدة الله اعلم

ربنا يسترها معانا يا رب و يستر طريقنا

مين قال الكلام دة؟!!

موجودين بيبلطجوا على الدائري وبيتسابقوا كمان!!

الموضوع: انا خلاص اتخنقت من الترلات و العربيات النقل الكبيرة

LinkBack

أدوات الموضوع

عرض

-

-

-

-

-

المواضيع المتشابهه

مشكله جديد اتخنقت خلاص

خلاص اتخنقت !

خلاص اتخنقت ومش عارف اعمل ايه ؟

خلاص اتخنقت

انا خلاص اتخنقت من الاشارات و العساكر

الكلمات الدلالية لهذا الموضوع

المفضلات

المفضلات

ضوابط المشاركة