سيراتو 2014 فئات كتيير ... مش عارف اختار

**said.d.y** · 12-03-2014 07:01 PM

المشاركة الأصلية كتبت بواسطة esam_ayad

انا أرشحلك الخليجي ياباشا واشتري ضمان AAA
كان في موضوع هنا عن طريقة الكشف عن مواصفات العربيه عن طريق رقم الـVin بتاع العربيه.
وفعلا دخلت علي الموقع ودخلت الvin بتاع عربيتي
ولقيتها ان العربيه نازله "مواصفات مناخ استوائي" مكتوبه كده في المواصفات Tropical weather
ودي طبعا معناها ان في تعديل في العربيه علشان تتحمل درجات الحراراه العاليه وأعتقد ان الميزه دي مش موجوده غير في الخليجي فقط.
لكن لازم حضرتك تتأكد انها خليجيعن طريق الرقم بتاعها ومافيش حاجه اسمها أردني يبقي خليجي دي نصبايه.

ياباشا الاردنى والعراقى الvinبتاعهم مكتوب فى مواصفاتة Tropical weather

**said.d.y** · 12-03-2014 07:06 PM

المشاركة الأصلية كتبت بواسطة shifoo68

الخليجى فئات كتيرة جدا وضحك على الدقون لانى انا بلف عليها بقالى مدة بس قلت انتظر المعرض كلة حيقولك خليجى ولكن هى اردنى والاردن ليست من دول الخليج وفئة الجنط ال17 حيقولك كويتى ولكن هى عراقى وبرضة مش خليجى ولو قارنت الوكيل بل الخليجى حتلاقى فروق هايفة قوى مش اوبشن كتير فى الخليجى وتقريبا الوكيل فئاتة احسن فى اجنط 16 او 17 بس هو اغلى علشان الضمان ,,,,سوال هل ضمان الخليجى زى الوكيل يعنى يشيل ويحط الجديد ولا بيحدد العيب فين وتغيرة على حسابك لانى بقول مش ممكن يبقى فى 2 توكيل للعربية كان كلة راح اشترى الخليجى ووفر فى الفلوس اسال فى الموضوع دة

ضمان شركةaaa بيضمن عيوب الصناعة ، وبيغير قطعة الغيار لو فيها عيب على حسابة زى التوكيل، ودى عن تجربة لواحد صاحبى فى السيراتو الخليجى احتاجت حاجة فى الفتيس تكلفتها 4200جم عملوها لة فى مركز الخدمة بتاعهم ال فى المعادى من غير مشاكل .

**Khaled_Zakaria** · 13-03-2014 04:21 AM

الف شكر للجميع على الردود الرائعة والمفيدة .. لمن عندي سؤال تاني لكل ملاك العربية بشكل عام بقى .. ثبات العربية عامل ايه والزوايا ايه نظامها .. ومشكلة البلالين اللي كانت في كاوتش الشكل القديم لسة موجوجة ولا لا ؟!

**said.d.y** · 13-03-2014 05:04 PM

انا موش هقدر أكد قوى على حاجة لان استخدامى فى حدود 800كيلو فقط، لاكن انطباعى خلال الفترة دى مع تجربة العربية (الطرق المفتوحة / محملة 5افراد + طفل/التكييف/ الاضاءة/ الاوبشن) بتقول انها ممتازة وتستحق التجربة والاوبش بتاعها وخصوصاً السى دى والبلوتوث فارقين معايا اوى ، علماً بانى غيرت عربيات كتير اخرها كانت تويوتا 2007 (يعنى العربية النموذجية).
وكمان مشفتش حد من الجربها فى المنتدى بيشتكى منها فى حاجة، بالعكس انا شايف الشكر فيها جامد جدى وبالامانة دى الشجعنى على شرائها.

**Khaled_Zakaria** · 13-03-2014 07:25 PM

المشاركة الأصلية كتبت بواسطة afrikano

انا عن نفسى برشح الخليجى

وسالت عن فئة قريب فى الخليجى
فتحة سقف - abs - طارة ملتى - بلتوث - ايرباج - مفتاح ريموت - مثبت سرعه - فوج لايت - جنوط 16

سعرها 158 الف ..

اعتقد ان الفئة دى مناسبة جدا , ينقصها فقط سينسور
بس هى كدة اعتقد كويسة

--
وبالنسبة للتوكيل : فى ناس كتير بتشكر فى ضمان aaa
للسيارات الخليجى

طيب ممكن يافندم بعد اذنك حضرتك تقولي موجودة عند انهي موزع بالسعر ده ؟! .. ولو حبيت انا اركب لها سنسور امامي وكاميرا من ورا وفرش جلد هيبقى تكلفتهم كام تقريبا ؟!!

**afrikano** · 13-03-2014 07:33 PM

المشاركة الأصلية كتبت بواسطة khaled_zakaria

طيب ممكن يافندم بعد اذنك حضرتك تقولي موجودة عند انهي موزع بالسعر ده ؟! .. ولو حبيت انا اركب لها سنسور امامي وكاميرا من ورا وفرش جلد هيبقى تكلفتهم كام تقريبا ؟!!

والله ياباشا ماعرفش التكلفة كام

هى موجوده فى معرض الملك
رقمهم : 19296