الموضوع: استفسار عن سعر فكترا b1

سعرها باذن الله من ٤٠ - ٤٥ الف حسب الحاله وعشان التكييف مش شغال عالطول بنخصم ٣٠٠٠ جنيه لانه مكلف على مابيتصلح وعموما العربيات دى ممتازة لكن حاول تاخد معاك حد فاهم اوى فيها يكشفلك عليها كويس وترفعها تبص على البرومه كويس وتبص حوالين الزجاج الامامى والخلفى من جوه الشنطه لان الحتت دى بتلم برومه وعموما خدها قاعده اى عربيه اوبل فيكترا هتشتريها لازم تعملها ميزانيه مصاريف بتاع ٥٠٠٠ جنيه عشان تظبطها اوى انها تخدمك وتعدلها فى نفس الوقت لان اللى معاه عربيه من دى مستحيل يبيعها لو سليمه اوى ومريحاه لانها احسن من قيمتها ماديا عربيات محترمه ممتازة عمليه جدا فوق ماتتخيل بس مالهاش نصيب كالعاده فى السوق المصرى وعموما اتفرج وعرفنا هتعمل ايه واحنا معاك تشرحلنا ايه اللى تم بالتفصيل الممل وباذن الله نفيدك فى كل حاجه ..... هذا وبالله التوفيق