الموضوع: أرجو المساعدة في شراء سيارة مستعملة

السلامة عليكم و رحمة الله.
أرجو المساعدة و النصيحة لشراء سيارة مستعملة في حدود ٩٠٠٠٠
أنا محتار بين الماليزي و الياباني
الاختيارات الي عارفها في حدود السعر ده هي البرسونا، النسيان سني و التيوتا ياريس.
بصراحة أن مش عارف أجيب إيه و محتاج نصيحتكم ، أنا يهمني في السيارة الآتي:
- قطع الغيار
- المتانة و تكون عربية بتستحمل (يعني مش بتفتحه بقها بسرعة)
- استهلاك البنزين
-الثبات
ممكن توضحولي الفروق بالنسبة للعربات ديه و لو في اختيارات تانية و افضل في حدود السعر ده يريت لو تنصحوني بيها

رينج السعر ده اصبح محير جدا جدا لأن الأسعار ولعت نار
كان زمان من سنتين كده ممكن تجيب حاجة كويسة بالسعر ده لكن دلوقت هتضطر تجيب حاجه مش برفكت

من ناحية الأختيارات لم تقل هل سعر اعادة البيع يلزمك قوى والا لأ

كمان هل بتمشى جوه البلد أكتر والا بره على الطرق السريعة - خد بالك الطرق السريعة يعنى اما الصحراوى اسكندرية الساحل - او العين السخنة -شرم - الغردقة

لو جوه البلد تبقى مش محتاج ثبات انت محتاج اقتصاديات وتكييف كويس
لو بره البلد تبقى محتاج عوامل امان وثبات وراحة

هل محتاج وسع ؟ يعنى شنطة وكنبة؟ والا انت لوحدك مفيش عائلة مثلا

العلو عن الأرض أخباره ايه معاك؟ عاوزها عالية؟ والا مش مشكلة طرقك الى حد ما كويسه

الأوبشنز بتهمك قوى والا الحد الأدنى منها بيكفى زى التوامتيك والسنتر والكاسيت والزجاج الكهربا

جاوب وانا أقولك تجيب ايه

سلام