الموضوع: لو معاك 100 الف جنية وعايز تفتح مشروع

صح
مينفعش تروح تفتح مشروع خاص بيك فى بدايه حياتك الا ولو مثلا الحاجه دى اللى انت ناوى تشتغل فيها عيلتك تكون بتشتغل فيها من زمان و تكون انت كمان اشتغلت فيها وعارف ناس فيها
غير كدا
لازم تاخد خبر 4-5 سنين قبل اما تدير مشروعك الخاص
اما بلنسبه للمشروع بصراحه يعنى هو افضل ان الواحد يدخل مع شريك مثلا تانى عشان تتوزع اعباء الاداره على اكتر من واحد :)
بس مش عارف بصراحه ايه اللى ممكن يتعمل :)
اراضى و عقارات مثلا مينفعش الا مع كذا شريك لان 100 الف متبنيش عماره ولا تشترى ارض

ايه يا عم ده
100 ألف دول ولا حاجه دلوقتي
لو عايز تعمل مشروع
مش أقل من 7 او 8 مليون يورو

انت احسن حاجه تديهملي اكمل تمن العربيه اللي في بالي وبعد كده ارجعهملك على 4 سنين
وطبعا حضرتك هاتيدهملي من غير فوايد ومن غير ضامن ومن غير وصل امانه ومن غير شيكات ولا كمبيالات
احنا يا راجل ولاد منتدى واحد برضه:confused2:
ويا سيدي كله في ميزان حسناتك
قلت ايه؟

برافو عليك
خلاص انا جايلك في الطريق جهزهملي

كل سنه وانت طيب

طيب ندخل في الجد بأه

الاول لازم نعرف:
انت مؤهلاتك ايه
بتحب ايه
بتفهم في ايه

وبعدين نبتدي نتكلم

انا عندي بعض الخبرات في المشاريع و هاقوللك اللي طلعت بيه :
1 -مبدأ الشراكة بسبب قلة الماليات هو مبدأ فاشل فسرعان ما يقوى المشروع و تتحسن ماليات كل من الشريكين فيحاول الاستقلال (هناك استثناءات بالطبع)

2 - الشراكة لابد و أن تقوم على التكامل يعني واحد فني و التاني اداري وهكذا

3 - لا تشارك في مجال لا تعرفه جيدا الا ان كانت الشراكة وسيلة للتعلم

4 - أفضل المشاريع ..هو ما تتقن عمله مهما كان صغيرا و غير مربح كفاية

5 - لا تنظر للمنافس و نجاحه و نقاط قوته فقط ...ركز أكثر على نقاط ضعفه للتفوق عليه و لا تنس التعلم من نقاط قوته

6 - لا تستعجل الربح أبدا ..بل خصص جزءا من رأس المال كخسائر متوقعة في خطتك في بداية المشروع

7 - لا تترك خط رجعة ...اكسب كل شيء أو اخسر كل شيء -تابع للنهاية-

8 - ماترسمه في خيالك من خطط للنجاح هو قارب لا رياح ..و اعلم ان الريح السيئة قد تهب أولا -لا تيأس-


ربنا معاك