تركيب ساوند سيستم للانسر شارك؟
صباح الفل عليكم يا جماعة،
أنا للأسف جديد و مبتدئ جدا في موضوع الصوتيات و تركيب أنظمة الصوت في العربيات و بتمنى منكم المساعدة يا أهل الخبرة:
للأسف الشارك معادتش زي زمان و مش بتنزل بالصب ولا بالنظام ال rockford fosgate اللي كان بيساهم في أفضل نظام صوت في الفئة دي، إنما اتشال و استبدل بسماعات و تويترات عادية خالص على نفس الكاسيت التاتش اللي كان بينزل فيها قبل كده.
يا ريت لو تفيدوني في إيه أفضل نظام صوت و سماعات و صب ممكن تركيبهم في العربية دي (على الكاسيت الستوك طبعا)؟ و منين ممكن أشتري الكلام ده، و أركبه عند مين يكون اشتغل في صوتيات للشارك قبل كده و فاهمها كويس؟ أنا عايز أغير سماعات الأبواب الأربعة و التويترات و أضيف صب في الشنطة - لكن طبعا زي ما وضحت..كله على الكاسيت التاتش بتاعها الستوك.
آسف عالإطالة و بشكركم جدا مقدما