الموضوع: تركيب ساوند سيستم للانسر شارك؟

اولا الف مبروك على العربية ولو على السوند سيستم بسيطه وحلولها كتير
معايا 2012 تالت فئه وعندي نفس مشكلتك ان الصوت مش عاجبني فاشتريت dvd gps touch screen وهركبها بعد اسبوعين ان شاء الله واشتريت سماعتين سوني اكسبلود 400 وات هركبهم ورا على جي ام سوني 1000 وات
الفكره ان باقي الصب ياما يركب وسط السماعات او بزوكه فى الشنطه ودي صوتها احلى بس شنطه الشارك اصلا ديقه
- نصيحه ماتغيرش سماعات الابواب لان الفروق بسيطه ركب سماعتين او 4 لو بتحب الصوت العالي وبزوكه سوني او بيونيير في الشنطه مع جي ام محترم هتسمع صوت احلى من السيستم اللى كان بينزل فيها
- اهم حاجه تكون السماعات اصليه ( فيتنام مش صيني فى السوني او البيونيير )
لو حابب تعرف اسعار
طقم السماعات من 280 ل 350 جنيه
البزوكه 700 جنيه
الجي ام السوني 1000 وات ب 820 وال500 وات ب 450 جنيه

المشاركة الأصلية كتبت بواسطة omar gamal

شكرا لرد حضرتك و اهتمامك، هل كلاريون هيوافقوا يغيروا سماعات الأبواب و التويترات و يركبوا الصب ووفر كل ده على الكاسيت الستوك من غير ما يغيروه؟ و هل كل الكلام ده هيحاتجني أشتريله جي إم؟ أنا كل اللي خايف منه إن شغلهم يبقى سيء و ميكونوش اشتغلوا في العربية قبل كده، و زي ما حضرتك عارف العملية فيها فك فرش الباب و قصة محتاجة خبرة و حرفنة.

التوكيل (دايموند موتورز) عرض عليا أجيبله كل الحاجة و يركبها هو بس أدفع أنا مصنعيات، هل حضرتك تقترح الحل ده؟ و الكلام ده كله ممكن يتكلف كام تقريبا؟

مشكور جدا لاهتمامك

هما مالهم يا باشا انت لو عايز تركب سوند سيستم علي غطا حلة محدش يقدر يقولك لا انت حر هما بياخدوا فلوس مقابل التركيب مش بيركب ببلاش

المشاركة الأصلية كتبت بواسطة omar gamal

طيب تنصحني إيه الأفضل: أخرم ورا و أركب سماعات ولا أفضلي أغير اللي في الأبواب مع التويترات؟ و لو هركب، أركبهم عند كلاريون ولا حد تاني؟

أشكرك

بص الاحسن طبعا انك تفتح ورا و تركب بيضاوي لان البيضاوي احسن بكتير من سماعات الابواب و احسن سماعات بيضاوي كينوود دبل بيز مقاسها ١٠*٧ ٦٠٠ وات من عند كلاريون ب ٩٠٠ و ٩٥٠ لو بالتركيب

المشاركة الأصلية كتبت بواسطة Omar Gamal

الله يبارك في حضرتك يا دكتور و متشكر جدا لنصيحة حضرتك

للأسف أنا مش فاهم الفرق بين وظيفة الجي إم ووظيفة البازوكا، كل واحد منهم بيعمل إيه و بالتحديد إيه الفرق بين الصب و البازوكا؟

ليه حضرتك تنصحني مغيرش السماعات اللي في الأبواب؟ أنا حاسس إن صوتها واطي شوية و ال bass بتاعها تعبان، فضلت أغيرها هي بدل ما أضطر أخرم ورا عشان أركب سماعات. لكن برده حل فرش الباب و تركيب سماعات فيه فيلم برده، تنصحني بإيه؟ و هل تفضل أروح للتوكيل أم عندك بديل آخر؟

متشكر ليك جدا

الجي ام (امبليفير amplifier )هو مضخم الصوت بتاخد وصلات من الشاشه ليه يقوم يضاعف الصوت اللى داخله حسب قدرته ويوزعها على السماعات
Sony Home & Consumer Electronics : Sony Kingdom of Saudi Arabia
الصب كل شغلته يطلعلك بيز
Sony Home & Consumer Electronics : Sony Kingdom of Saudi Arabia
البازوكا عباره عن صب راكب جوا تيوب (صندوق) عشان يدي صوت اقوى بس مشكلتها فى حجمها عشان هتاخد ربع الشنطه على الاقل انما الصب ممكن يركب على الكوبيسته ورا بين السماعات بس طبعا لازم تغير الكوبيسته برف خشب عشان الصوت يطلع مظبوط وهنا المشكله
الكويسته فى الشارك فيها دراع عشان تفتح الكنبه الخلفيه على الشنطه فمعرفش اذا ممكن حد يعمل الرف الخشب ويحافظ على التصميم ده ولا لأ والمشكله انا حاليا فى السعوديه والعربيه فى مصر فمش فاكر الشكل بالظبط بس ان شاء الله اجازتي اخر الشهر وهعمل الحوار ده اول ماوصل
فك الابواب مشكلته لو ماتقفلش كويس هيعمل صوت فى المطبات ده غير ان قدرة السماعات المدوره مهما كانت ضعيفه ده غير انك لو ركبت سماعات لازم توصلها خرج الصوت من الجي ام اللى هيكون راكب فى الشنطه عشان حجمه فكده هتغير كل التوصيلات
من الاخر سماعات العربية الاصليه خليها شغاله على الشاشه واشتري جي ام محترم يكون 4 channel يعنى له اربع مخارج صوت توصل اتنين منهم على السماعات البيضاوي اللى هتركبها ورا و2 هيتوصلوا bridge على الصب او البزوكه على حسب ماتختار والجي ام ده ممكن يشغلك 4 سماعات لو عاوز
اسف على الاطاله