عاوز أتاجر فى الاجهزة الالكترونية .. أبدء أزاى ...؟

**jackson_75** · 12-03-2014 05:29 PM

السلام عليكم ورحمة الله وبركاته
الموضوع باختصار هو ان عندى هواية وحب شديد جدا للاجهزة الالكترونية زى الاب توب وأجهزة التليفونات الذكية والتابلت وماشابه ذلك من أشياء
وكنت عاوز اتاجر فى هذه الاشياء ، بس مش عارف أجيبها أزاى وأبدء منين
يعنى عندى شوية أسئلة ويارب الأقى أجابتها عندكم :
- لو فى وكيل فى مصر لماركة موبيلات فهل هينفع أجيبها من الشركة الام المصنعة بسعر رخيص ولا لازم يبقى عن طريق الوكيل ؟
وكمان عاوز اعرف
هل الاسواق الحرة فى الامارات بيتوفر فيها نفس المنتجات من الاجهزة المحمولة زى السمارت فون والتابلت زى الصين وبنفس السعر ولا الصين بتبقى أرخص وأحسن ؟

عاوز أعرف كمان أزاى اعرف التعريفة الجمركية على كل شىء بيتم استيراده عشان أعرف أحسبها صح وأشوف المنتج ده هيكون مربح ولا بخسارة ؟

**jackson_75** · 13-03-2014 09:17 PM

يار ب حد يرد عليا

**Somsom** · 14-03-2014 12:25 AM

ياباشا الكلام ده مش سهل ابدا
لازم تكون فاهم جدا ومفتح لان الحكاية مش سهلة وكلها نصب وغش وخداع وللاسف معدش حد عندو ضمير

انا جربت الموضوع ده بس 0المستعمل) لان مكسبه اعلي من الجديد بيامه

**Secret-Man** · 14-03-2014 02:15 PM

طبعا لو هتشتغل فى حاجه فيها وكلاء فى مصر فالموضوع مقفول من كل حته جمرك وشركه بره

لو المنتج شغل صينى يعنى بدون هويه او وكيل معتمد فالسوق مفتوح وابتدى ركز على توسيقك وشغلك

**jackson_75** · 14-03-2014 06:50 PM

شاكر لردود حضراتكم
طب أنا كنت عاوز أعرف هى الجمارك على الاجهزة اللوحية بتبقى كام ؟

**Somsom** · 16-03-2014 12:04 AM

المشاركة الأصلية كتبت بواسطة jackson_75

شاكر لردود حضراتكم
طب أنا كنت عاوز أعرف هى الجمارك على الاجهزة اللوحية بتبقى كام ؟

حوالي ٣٠٪ وحضرتك هتشتريهم منين

**jackson_75** · 27-03-2014 11:15 AM

المشاركة الأصلية كتبت بواسطة somsom

حوالي ٣٠٪ وحضرتك هتشتريهم منين

شاكر على الرد واسف على التاخير ، أنا كنت ناوى اشترى من الصين ومن مواقع اوربية وامريكية على حسب ماركة المنتج ، هل سعر الجمرك بيختلف حسب بلد المنشأ وهل ممكن اللى انت متفق عليه عن طريق النت يوصل حاجة تانية اقل فى المواصفات وأواى اقدر اتاكد ان المواقع دى مش نصباية وانها مواقع صادقة فى عرض منتجها