تم أختبار خاصية ال Electronic Stability Control في كورولا 2014 علي سرعة 100كم/س
السلام عليكم جميعا
بصفتي متعود علي السوقة بسرعة وأخد غرز كتيييييير ،وناوي أن شاء الله أني ابطل السواقة بالشكل ده حفاظا علي حياتي وحياة الآخرين والعربية.
النهاردة حبيت اجرب خاصية ال Electronic Stability Control في كورولا 2014 علي سرعة 100كم/س في الطريق اللي مابين طريق توكيل تويوتا التجمع و الطريق الدائري والموازي لهم، وفعلا بدأت التجربة بأني أكسر يمين جامد ثم فجاه شمال علي سرعة 60 ثم 80 ثم 100 كم/س ولقيت أن العربية بدون تدخل مني بتفرمل العجل( Electronic Stability Control) وتخفض قوة الموتور( engine braking) وتخلي العربية ترجع لأتزانها في ثواني بدون متعوم مني ولكن قلت سرعتها لدرجة كبيرة .
اسف أن مفيش فيديو لأني كنت لوحدي.
ملحوظة هامة جدا: الاوبشن ده لو استخدمته وانت بتاخد غرز حادة يمين في شمال هيفرم العجل ويقلل سرعة الموتور لدرجة تخلي اللي أنت خدت من قدامه الغرزة يلبس فيك ومن هنا وجب التحزير اذا كنت ناوي تسابق وتغرز زي أي عربية مفيهاش Electronic Stability Control أقفل الخاصية دي بانك تدوس دوسة طويلة علي الزرار الخاص بهذه الخاصية حتي يظهرلك شكل الخاصية دي علي عدادات العربية وطبعا هيفصل معاه Traction control.
وجب التنبيه حرصا علي حياة مالكي العربية كورولا 2014
أتمني الموضوع يكون مفيد ليكم زي ما أنا استفدت كتييييييير من موضوعتكم الرائعة والسلام ختام
تم أختبار خاصية ال Electronic Stability Control في كورولا 2014 علي سرعة 100كم/س
اقتباس:
المشاركة الأصلية كتبت بواسطة محمد ابراهيم 1
لا أظن أنها فرمله عجل وأظن أنها فرملة محرك
أتفرج يا أفندم علي الفيديو ده اللي بيشرح اللي Electronic Stability Control و اللي مسمي في تويوتا بـ Vehicle Stability Control أو VSC.
الفيديو بيقول أنه بيفرمل بشكل اساسي العجل الخارجي أثناء الملف بالاضافه انه بيقلل سرعة الموتور.
مع خالص تحياتي
http://www.youtube.com/watch?v=wZ8pNpM9wZc