نكمل الحيرة
لو الواحد قرر عشان يحل الازمة يطلع بالفلوس شوية
الهدف : اعلى قدر ممكن من الراحة و الثبات و الفرامل
المنافسة الاولى :
turanza GR90
VS
MY-02
الاتنين نفس المقاس
او التورانزا 16-205 و الMY-02 مقاس 15-205
هل لو قلنا ادرينالين , مقاس 15 , مع عرض 195 مثلا
يبقى حققنا المعادلة ؟
ولا هايبقى انشف من الاتنين ؟
ولا اقل في الثبات لأنه اقل في العرض و اعلى في البروفايل ؟
قبل كل شئ:
- ما هو أسلوب قيادتك للسيارة ؟
- و ما هي سيارتك ؟ (عشان نعرف عفشتها ناشفة و لا طرية)
- هل يفرق معاك استهلاك البنزين ولا لأ ؟
- فين بتقود سيارتك ؟ يعني جوه المدينة ؟ أم على الطرق السريعة (سفر) ؟ أم خليط بين الإتنين ؟
إجابتك على الأسئلة اللي فاتت ديه هتحدد إيه المناسب ليك أكتر و بكده تروح الحيرة إن شاء الله .
نلتقي مرة أخرى بعد الإجابة على الأسئلة إن كان في العمر بقية . :coming-soon[1]:
متابع
وابعد عن b250 عشان مقلب
انا عموما حددت الخلاصةاقتباس:
المشاركة الأصلية كتبت بواسطة yahia_zakareya
ثبات و فرامل و راحة , عايز كله
مش في اختياراتي خالصاقتباس:
المشاركة الأصلية كتبت بواسطة م.احمد زكريا
MY-02 او turanza , و احتمال ضعيف ادرينالين , خصوصا لو هو اطرى من الMY-02
الهند بلد مفيدة جدا لينا يا مصريين لأن الطرق فيها تشبه الطرق عندنا ، بس هم سابقينا في منتدياتهم الخاصة بالسيارات حبتين و عندهم معلومات ممتازة ، و أنا متعود على منتدى هندي للسيارات بتعلم منه حاجات كتيرة بصراحة ، و أهم حاجة رائعة في المنتدى ده إن اللغة فيه هي الإنجليزية السليمة بدون إدخال كلمات هندية مكتوبة بحروف لاتينية .
و نفس سؤال حضرتك (المحير بصراحة) سأله كام واحد هناك و كانت المشاركات كتيرة و مفيدة جدا .
أنا بستأذن إدارة المنتدى إنها تسمحلي أضع الرابط الخاص بنفس سؤال الزميل لكي نستفيد من تجارب غيرنا خارج بلدنا .
لو ما كانش ابعتهولي عالخاص , و لو اني ماظنش الادارة هاترفض لأنه مش منتدى منافس
مش لدرجة الهنود يعني :)))
تم إرسال الرابط على الخاص لـ أ. تامر
لو سمحت الإدارة سأضعه على العام لتعم الفائدة (إن وجدت) .
الراحة في الإطارات ليها شقين :اقتباس:
المشاركة الأصلية كتبت بواسطة تامر.محمد
الأول : النعومة (الطراوة) و ديه مهمة في حالة الطرق بتاعتنا.
الثاني : هدوء الصوت الصادر من دوران الإطار على سطح الطريق .
اللي فاهمة عن مصطلح السواقة العنيفة إنها سواقة على سرعات عالية مصحوبة بغرز و منحنيات و استخدام الفرامل بقسوة و أحيانا بيكون فيه تخميس و دراج .
السواقة العنيفة عايزة إطار Performance أو Ultra Performance أو Max Performance ،اللي بيحدد هو درجة العنف في السواقة مع نسبتها لإجمالي السواقة بالسيارة على نفس الإطار .
و دائما يا أ. تامر الإطار اللي هيحقق ثبات أعلى بيكون جوانبه أنشف ، و السرعات العالية عايزة مطاط قاسي (غير طري) عشان يستحمل الحرارة العالية و البري اللي هيتعرض له ، و النتيجة بتكون أداء أفضل و راحة أقل و استهلاك بنزين أعلى و معدل تآكل منخفض إلى حد ما (حسب نسبة السواقة العنيفة إلى إجمالي السواقة) و مش شرط مسافة فرملة أقل ممكن تكون متعادلة مع إطارات التجول Touring Tire .
طالما بتمشي على حفر و نقر يبقى لازم يكون فيه راحة .
أنا شايف إنك تجيب أعلى إطار Premium في فئة إطارات التجول Touring Tires و في بريدجستون الإطار ده موجود و هو اللي إنت ذكرته Turanza GR-90 .
لو فيه حد مركب تورانزا GR-90 و سواقته عنيفة ياريت يتفضل مشكور و يقول رأيه في أداء الإطار في كل نقطة ذكرناها .
انا قاعد اقرا صفحة المنتدى الهندي بس للأسف فعلا النوع التاني ده مش عندنااقتباس:
المشاركة الأصلية كتبت بواسطة yahia_zakareya
انا عارف طبعا اني طالب حاجتين متناقضتين
بس املي ان الارتفاع في الجودة في اي نوع منهم , يثبت عامل و يعلى بالتاني
يعني مثلا التورانزا اعلى في الفئة من الmy-02 , فاتمنى يكون فرامل و ثبات اقل من الادرينالين مثلا , لكنه في نفس الوقت مساوي للmy-02 اللي هو اقل اصلا من الادرينالين
و بالتالي ابقى حافظت على الراحة , او نقول النعومة , و حققت ثبات و فرامل
او العكس , يكون الادرينالين اقل من التورانزا في النعومة لكنه اعلى من الmy-02 , فابقى كده حققت الاداء , و كسبت شوية نعومة
انا سعيد بالمناقشة مع حضرتك و عاجبني جدا استفاضتك في المعلومات :)
جربت ال MY-01 ماليزى 40 ألف كيلو
حاليا GR-90 يابانى
الMy-01 ( حاليا بقى MY-02 ) أصبح له صوت خفيف أوى فى الفرامل و المنحيات بسرعة عالية بعد 20 ألف كيلو
ال GR-90 بقى له 13 ألف كيلو حتى الآن .. ممتاز
بص .. أنا سواقتى متنوعة .. أوقات هادى أوى ..و أوقات عنيفة أوى .. ال Gr-90 لحد دلوقتى مريحنى جدا .. و هو طرى و هادى و مش فارق عن ال MY-01 فى أى سرعات ...
فى فرق فى الفلوس أقل شوية من 100 جنيه فى الفردة .. لو الفلوس مش هاتقصر .. ريح دماغك و هات ال GR-90 .. لو هاتفرق ... حقيقى ال MY-01 كان كويس جدا
انا معايا حاليا my-01
بس على جنط 16
ممتاز في الادء , بس ناااااااااااااشف
نشف مع الاستعمال .. بس هو أصلا مش ناشف أوى لدرجة مزعجة .. خصوصا فى أول 20 ألف كيلو متر ..
إنت مشيت بيه كام كيلو فى زمن قد إيه ؟
طبعا الجنط ال 16 بيفرق بشكل واضح جدا فى النشوفية و الطراوة
حوالي 35-40 الف في اقل من سنتيناقتباس:
المشاركة الأصلية كتبت بواسطة chato_eg
أمس السبت جمعتني مكالمة هاتفية طويلة مع عمرو بدوي (صاحب مركز عمرو بدوي لضبط الزوايا و بيع الإطارات في الحي السابع بمدينة نصر) .اقتباس:
المشاركة الأصلية كتبت بواسطة تامر.محمد
من ضمن اللي قاله و يهم حضرتك يا أ. تامر إنه رشحلي الـ Bridgestone MY-02 و قالي إنه مختلف عن Bridgestone MY-01 كتيير من ناحية النشوفية و كمان الصوت.
سألته إن كان ساق عربيات بالإطار الجديد ، أخبرني إنه ساق على القديم كتير و يعرف كويس أد إيه هو ناشف و صوته عالي و إنه لما ساق على الجديد وجد تحسن كبير في النقطتين دول بالذات و إنه عرف إن بريدجستون اشتغلت جامد على تحسين الإطار بخصوص النشوفية و الصوت العالي بدون الإخلال بأداء الإطار الرياضي ، و النتيجة إن MY-02 مختلف كتير عن MY-01 فهو أحسن أداء و أقل في الصوت و ميعتبرش ناشف قوي ، و أخبرني إنه وصل عنده الإطار ده بمقاسات متعددة و إن المقاس بتاعي موجود عنده و إنتاجه حديث جدا آخر 2013 و هيحسبهولي على 495 جنيه . (في التوكيل 536 جنيه قبل خصم نايل موتورز 5% يعني هيبقى 509 جنيه بعد الخصم).
فروحت المركز بتاعه و شوفت الإطار MY-02 مقاس 14-60-185 و كان إنتاج الأسبوع 44 من عام 2013 يعني أول نوفمبر 2013 (لسه طازة) و مصنوع في تايلاند (فيه مقاسات مصنوعة في إندونيسيا شوفتها بعيني) ، بس محبتش أنفذ علطول كده إلا لما أفكر لأني كنت مستبعده من حساباتي ، و خصوصا إنه إطار Rotation ، فهل حضرتك شايف إن ده يعيبه و لا لأ ؟
و عرفت من الإنترنت إن الـ Bridgestone MY-01 كان الـ Traction B مثل الإطار الجديد .
و هنا يأتي السؤال : أخبار MY-01 اللي معاك إيه من حيث الآتي:
1- ثباته على الطرق الطوالي ؟
2- تعامله مع سطح الطريق: بيمسك في خط مستقيم و لا بيعمل حدفة مثلا ؟
3- أداؤه مع الفرامل من حيث المسافة ؟
3- استجابة عجلة القيادة ؟ ( أقصد مدى دقة التوجيه)
4- تحريك عجلة القيادة ؟ ( لما ركبته حسيت بالطارة تقلت شوية و لا خفت و لا محصلش تغير عن الإطار اللي قبليه)
5- أداؤه في أي مشوار بعد السير عليه مسافة بيتحسن و لا لأ ؟ و لو بيتحسن بيبقى بعد وقت أو مسافة أد إيه تقريبا ؟
إجابة حضرتك على الأسئلة اللي فاتت ديه هتدي للي مجربوش تصور جيد عن قدرات الإطار الجديد MY-02 تسليما بصحة كلام أ. عمرو بدوي و هو إن أداء الجديد أحسن مع نشوفية أقل و صوت مزعج أقل .
و تقبل تحياتي.
إيه يا جدعان موضوع نشوفية ال MY-01 دى .. إنتوا ما جربتوش ميشلان و لا كونتينينتال قبل كدة !!
ال MY-01 مش ناشف خالص و هو جديد .. بعد ال 20 ألف كيلو متر بيبقى أنشف .. لكن مش طوبة .. الكاوتش قام معايا بالواجب بكل إخلاص لغاية نهاية عمره .. يعنى ما اتخرمش خالص مثلا إلا فى الآخر بقى بيتخرم كتير و هنا أدركت إن وجب التغيير بعد 40 ألف كيلو فى 3 سنوات
بالمناسبة ال GR-90 رائع الآن بعد 13 ألف كيلو و جربته فى نزول من المقطم ( طريق ملىء بالمنحيات القاسية ) .. سواءا فى زيادة السرعة على الملف أو الفرملة القاسية على الملف .. رائع جدا .. مافيش أى صوت و لا أى stepping off line .. و لا أى هزة .. رائع فعلا
و تامر تحديدا عارف الميجان شكلها إيه فى المنطقة دى لإنه ركب معايا قبل ما يشترى عربيته
و بلاش .. حد يسأل " أيوة يعنى بسرعة قد إيه " .. لأ بسرعة و الساعة بعد 12 منتصف الليل .. لإنى كنت بأجرب علبة الدركسيون و المقصات الجديدة بصراحة :) .. و تانى .. تامر عارف التجربة شكلها إيه
اقتباس:
المشاركة الأصلية كتبت بواسطة chato_eg
اقتباس:
المشاركة الأصلية كتبت بواسطة chato_eg
السلام عليكم يا أ. chato_egاقتباس:
المشاركة الأصلية كتبت بواسطة chato_eg
أنا عندي نفس الحيرة بالضبط اللي عند أ. تامر و حاسس بيه جدا لأني طالب في طقم الإطارات الكامل اللي عايز أشتريه هذه الأيام نفس طلباته و هي:
الراحة 9/10
و الصوت 9/10
و أداء الفرامل 9.5/10
و الثبات 9/10
و دقة توجيه طارة الدركسيون 9/10
و سرعة استجابة الطارة 9/10
سواقتي هادية جدا جوة البلد و في السفر بلتزم بالسرعة القصوى 120 كم/س
سيارتي هاتشباك (الهاتشباك مشهور بالـ understeer) ، و الباور بتاعها زيت بمحرك كهربائي و هو ناعم جدا ، و مع الإطار الحالي مفيش ثقة خالص و أنا سايق على سرعة أعلى من 80 كم/س ؛ فأنا بعاني من الإطار الحالي من ناحية الثبات على الطرق المستقيمة خصوصا لما الهوا بيعاكس من قدام أو بيضرب من الجنب ساعتها بحس بتعويم شديد في مقدمة السيارة و كأنها مش على الأسفلت و لازم أكلبش بإيدي جامد على الطارة و إلا العربية تنقل حارة كاملة (مفيش مبالغة إطلاقا في كلامي) ، لدرجة إني فحصت في التوكيل و بره التوكيل نظام التعليق و علبة الدركسيون و الزوايا و كانت النتيجة في كل مرة مفيش حاجة غلط ( الحمد لله) ، و لما قرأت عن الإطارات كتير على الإنترنت اتعلمت و عرفت دورها الرهيب في ثبات السيارة من عدمه (لما العربية تبقى سليمة ميكانيكيا) .
لفيت كتير و عرفت كل اللي موجود في السوق تقريبا (حوالي 35 موديل) و ديه مشاركتي اللي حطيت فيها خلاصة جولة البحث http://www.nilemotors.net/Nile/23174...post3875466023
و انحصرت المفاضلة على الآتي:
Bridgestone Turanza GR-90 >>> made in Japan >>> 650.0 × 4 = 2600.00
Bridgestone MY-02 >>> made in Thailand >>> 495.0 × 4 = 1980.00
Continental ContiEcoContact 5 >>> made in Czech >>> 460.0 × 4 = 1840.00
Yokohama C.Drive >>> made in Japan >>> 450.0 × 4 = 1800.00
Nokian Line >>> made in Russia >>> 425.0 × 4 = 1700.00
"يوكوهاما سي درايف" : أعضاء هنا في المنتدى بيشكروا جدا فيه ، و نصحني بيه زميل معانا هنا في مشاركة له بموضوع آخر بس قاللي لو تقدر تجيب بريدجستون هاته و متترددش .
"الكونتينينتال إيكو 5" : جنابه طرية جدا جدا (زي الملبن) و نحيفة جدا ، لدرجة إني بقدر أتنيه بكل سهولة بإيدي و ده اللي خلى التجار (حتى اللي بيبيعه) يحذروني من طراوة جنابه المبالغ فيها جدا من وجهة نظرهم .
"MY-02" : لو هيبقى (حقيقي مش إحساس) جيد في الطراوة و الصوت [عبارتك : "إيه يا جدعان موضوع نشوفية ال MY-01 دى .. إنتوا ما جربتوش ميشلان و لا كونتينينتال قبل كدة !!" بتدي أمل إنه يبقى طري أو مش ناشف قوي] ، ساعتها يبقى الإختيار الأمثل لأن سعره في حدود الميزانية (هقولك هي كام بعد كام سطر) .
سيارتي عفشتها ناشفة و ده مخليني مش عايز أتنازل عن الراحة في الإطار الجديد .
و يمكن يا أ. chato_eg تكون عفشة الميجان مساعدة على إحساسك بإن الـ "MY-01" مش ناشف جدا زي ما الناس بتقول ، بس تخيله بقى في عربية سكودا إيه هيكون إحساس اللي راكب ساعتها ، فلو تعرف حد ركبه في سكودا و تعرف رأيه فيه ياريت تنقلنا تجربته .
و في الآخر طبعا الميزانية هي اللي بتحكمك وهي في حالتي 2000 جنيه حد أقصى للطقم (لكن يا سلام لو أقدر أنزل عن كده) ، و مين فينا ميحبش يجيب أحسن حاجة ، بس الأمور بتمشي إنك بتدور على أحسن حاجة في حدود ميزانيتك و قريبة من رقم 1 مش بعيدة عنه بكتير (خصوصا لما رقم 1 ده بيكون سعره مغالى فيه جدا) .
تفتكر يا أ. chato_eg و يا أ. تامر لو إنت مكاني و ده أسلوبك في القيادة و ديه كانت عربيتك و ديه كانت ميزانيتك هتختار إيه من المعروض عليك في السوق .
آسف يا أ. تامر لأني خرجت عن موضوعك الأساسي و هو الإطار المناسب لعربيتك بس أنا قولت أحط حيرتي على حيرتك و يبقى موضوع واحد و نستفيد سوا من خبرات الزملاء الأعضاء و في نفس الوقت ميبقاش فيه تشتيت ليهم بين المواضيع المتشابهة .
تقبلوا تحياتي
مبدئيا انا ممكن يكون حكمي قاصر شوية لأني ما جربتش قبل الMY-01 غير : مرة الهانكوك , و بصراحة السما من العما لصالح الMY-01اقتباس:
المشاركة الأصلية كتبت بواسطة yahia_zakareya
و مرة البريدجستون , مش فاكر B390 ولا B391 ,و برده فيه فرق لصالح الMY-01
بس ممكن اقول
ثباته طوالي حلو جدا , و بيمسك و مش بيحدف
الطارة بيه اتقل شوية , بس للأمانة في المرتين اللي غيرت فيه له كنت مغير من كاوتش عرضه اقل 10 ملي متر
فالطارة اتقل شوية
و لكن فرق كلبشة العربية في الارض سواء في الملفات او الفرامل ملحوظ جدا , و حتى لما طلعت من الهانكوك الناس اللي بتركب معايا لاحظت فرق كلبشة العربية في الارض من غير ما اقول
بالنسبة لنقطة 3 و 5 مش قادر احدد بصراحة
صوته ما كانش مضايقني خالص في الاول لكن لما قدم بدأ يبقى ملحوظ
ولا ضايقتني خالص نقطة انه له اتجاه دوران , الا ان الفردة لازم يكون مكانها فردة زيها و لما فردة تتعب لازم ترجعها ورا مثلا في نفس الجنب
خد بالك يا هاني اني مركبه على جنط 16-55 فالنشوفية اسألني انا عنها :))))اقتباس:
ال MY-01 مش ناشف خالص و هو جديد .. بعد ال 20 ألف كيلو متر بيبقى أنشف .. لكن مش طوبة .. الكاوتش قام معايا بالواجب بكل إخلاص لغاية نهاية عمره .. يعنى ما اتخرمش خالص مثلا إلا فى الآخر بقى بيتخرم كتير و هنا أدركت إن وجب التغيير بعد 40 ألف كيلو فى 3 سنوات
معايا الحمد لله لحد دلوقت مش بيتخرم خالص تقريبا بعد اقل شوية من 40 الف كيلو و اقل شوية من سنتين
دي التجربة اللي بعدها قررت اشتري ميجان :)))))))))))))))اقتباس:
بالمناسبة ال GR-90 رائع الآن بعد 13 ألف كيلو و جربته فى نزول من المقطم ( طريق ملىء بالمنحيات القاسية ) .. سواءا فى زيادة السرعة على الملف أو الفرملة القاسية على الملف .. رائع جدا .. مافيش أى صوت و لا أى stepping off line .. و لا أى هزة .. رائع فعلا
و تامر تحديدا عارف الميجان شكلها إيه فى المنطقة دى لإنه ركب معايا قبل ما يشترى عربيته
و بلاش .. حد يسأل " أيوة يعنى بسرعة قد إيه " .. لأ بسرعة و الساعة بعد 12 منتصف الليل .. لإنى كنت بأجرب علبة الدركسيون و المقصات الجديدة بصراحة :) .. و تانى .. تامر عارف التجربة شكلها إيه
و الله يا هاني تجربتك بالنسبة لي تقريبا الاهم لأن انت اللي جربت الاتنين و بتسوق في اوقات بعنف زيي , مع الفرق اني مع السرعة باطلع اكتر من كده و ماباقولش لأ لو سايق لوحدي او معايا رجالة
بالنسبة لي انا سألت امبارح في بريدجستون تاني
اسعار ال15-205-60
تورانزا GR90 ب 970
MY-02 ب 735
و مافيش منه ادرينالين :( :( :( :( :( :(
اسعار ال16-205-55
الادرينالين ب870
التورانزا 825
هو اقترح عليا التورانزا ar20 و صناعة تايلاندي بس انا مش مقتنع
سؤال صغير ... هو اليوكوهاما بيتباع فين؟اقتباس:
المشاركة الأصلية كتبت بواسطة yahia_zakareya
تامر إنت جنطك 15 و لا 16 ... و ليه المقاسات الخاصة زى 15 - 205 -60 ؟
ما تخليك فى المقاسات المعروفة خصوصا إنها أرخص 150 جنيه فى الفردة .. التورانزا GR-90 15-195-65 ب 720 جنيه .. و حياة أمى التورانزا ثباته كويس جدا بالنسبة لإنك مش هاتاخد العربية فى track Day .. إخلص و وفر ال 600 جنيه مالهاش أى لازمة
أ. يحى زكريا
مبدئيا طلع الكونتينينتال خالص برة اللعبة .. الطراوة مش تخصص شركات الإطارات الأوروبى ..
ال My-02 لسة واحد زميلى مغيره فى عربيته الميجان و كان راكب عنده بريدجستون ( مش عارف موديله ) قبله ..
يبدو إن الفرق بين القديم و الجديد خرافى .. كل إللى بيركب معاه بيحلف بالكاوتش ال My-02 الجديد .
أعتقد إن ممكن تطمئن جدا من ناحية الراحة بالنسبة لل MY-02
عمره ما هايطلع أسوأ من ال MY-01 و اللى بدوره كان طرى جدا بالمقارنة بالميشلان
توكل على الله
اقتباس:
المشاركة الأصلية كتبت بواسطة chato_eg
كدا هيبقي فيه فرق 3.75 ملم أقل عن الأصلي في إرتفاع جانب الإطار
مقارنة بالأسعار المذكورة ... يوكوهاما يكسب
قبل الكلام ، شكرا جدا ليك يا أ. chato_eg على اهتمامك و اقتراحكاقتباس:
المشاركة الأصلية كتبت بواسطة chato_eg
أنا فكرت في كلامك كويس و سألت بعض الناس الأخرى و كان مجمل كلامهم إن فيه تحسن ملحوظ في My-02 بس لسه موصلش لمستوى الراحة المنشود و كان الإقتراح إني أمسك العصاية من النص و أجيب يوكوهاما سي درايف و خصوصا إن سعره مش عالي و أداؤه جيد و هادي نوعا ما و طري .
و عملت بنصيحتك و نصيحة معظم الناس و استبعدت الـ Continental ContiEcoContact 5
و بالفعل أمس الأربعاء 19-3-2014 العصر اشتريت طقم كامل (4 إطارات) Yokohama C.Drive من علي صبرة في شارع أحمد سعيد من غير تركيب بـ 450 جنيه للإطار الواحد ، و تاريخ الإنتاج الأسبوع 36 من عام 2013 ، و ركبته في تاير مانيا بمدينة نصر (ناس محترفين جدا و شغلهم فوق الممتاز و متفهمين جدا لمعايير الدقة بتاعتي و ريحوني و عملوا اللي طلبته منهم بابتسامة و من غير جدال أصلا ) .
و تفاصيل التركيب و سعر كل خدمة للطقم كالآتي :
-1- الفك و التركيب بـ 20 جـ (Fit & Fix بـ 40 جـ)
-2- الترصيص بـ 60 جـ (Fit & Fix بـ 40 جـ)
-3- شفط الهواء من الإطار ثم نفخه نيتروجين بـ 20 جـ (Fit & Fix بـ 40 جـ)
-4- بلوف كاتش ألماني بـ 40 جـ (نفس سعر Fit & Fix )
-5- أهم حاجة في الموضوع كله و هو إن العربية تترفع بالكوريك بتاعها علشان البهدلة اللي بتحصل للعربية من تحت بسبب الكفة بتاعة الكوريك التمساح و خصوصا إن عربيتي متصفحة من تحت و الشاسيه مش بيبان و لو رفع بالكوريك التمساح عند العتب هيبوظ الشفة اللي ماشية من قدام لورا بطول العربية (و ده أنا شوفته في أي عربية بتترفع بالكوريك المؤذي ده) ، ولو رفع من عند الشاسيه (بالتخمين كده لمكانه) يبقى هيضر التصفيح و يتنيه أو يكسره لأن نص وزن العربية هيتشال على الحافة المدورة بتاعة كفة الكوريك ، و أ. محمد يسري صاحب المحل وافق بس مقابل زيادة 20 جـ ( و أنا وافقت) لأن الأسطى اللي عنده هو اللي هيرفع عجلة عجلة و بكده عربيتي هتاخد وقت كتير و تعطل شغل العربيات التانية لغاية عربيتي متخلص و ده لأنه عنده عاملين إتنين بس و في المعتاد الشغل بيبقى كالآتي العامل المساعد بيرفع الجنب بالكوريك التمساح و يفك العجلتين و يدخلهم الورشة و هناك يستلمهم العامل الأسطى و يشوف شغله (فك القديم و تركيب الجديد و الترصيص) و ياخدهم العامل المساعد يركبهم في العربية و ينقل للجنب التاني و يكرر العملية (يعني كل واحد بيشوف شغله و بكده يقدر الإتنين يشتغلوا في عربيتين في نفس الوقت) .
إجمالي تكلفة الخدمات 160 جـ ( نفس سعر Fit & Fix بس ماكانوش هيوافقوا على رفع العربية بالكوريك بتاعها و ده ظني أنا و مش هيشفطوا الهواء من الإطار قبل نفخه بالنيتروجين و مش هيستحملوني بحسوكتي أبدا أبدا و الجو كان هيبقى متكهرب و احتمال الكروتة هيبقى كبير) .
و بكده تكون التكلفة النهائية للإطار الجديد 490 جـ للواحد ( 1960 جـ للطقم)
و ده دعاء عن رسول الله يقال عند شراء الجديد و عند الرزق الجديد :
" اللهم إني أسألك من خيره و خير ما صنع له ، و أعوذ بك من شره و شر ما صنع له "
" اللهم بارك لي فيه "
" اللهم أعطني خيره و اصرف عني شره "
" الحمد لله الذي رزقني هذا من غير حول مني و لا قوة "
آمين
قرأت أكتر من مرة إن الإطارات الجديدة بتحتاج مسافة 200 - 500 كم لإزاة الطبقة الخارجية الزلقة من مواد التصنيع و الشمع و خلافه و بعد المسافة ديه توصل لأدائها المعروف الخاص بالتماسك مع الأسفلت و الفرامل ، و قرأت في أكثر من موضع إن اليوكو سي درايف بيحتاج حوالي 1000 كم و بيبقى بعدها أحسن بكتير من الأول .
إنطباعي الأولي لأول 20 كم بعد السير عليه في طريق المطار :
- طري و حنين في الحفر و النقر (فرق كبيييييييييييييييييير عن الإطار القديم)
- صوته أعلى من الإطار القديم ( و ده خلاني أكتشف بعد مرور حوالي 4 سنوات و نص إن الإطار اللي كان راكب فيها إطار شبه صامت ).
- الطارة بقت أخف من الأول و أحسن في دقة التوجيه و أسرع في الأستجابة .
- التماسك على الأسفلت لسه لم يختبر .
- إنطلاق العربية من الثبات أنعم و أحسن .
- التسارع أحسن و أنعم في نفس الوقت (المحرك يبذل مجهود أقل) .
- لاحظت إن قراءة استهلاك البنزين قلت عن الأول و ده محتمل جدا و خصوصا لو مقاومة التدحرج بتاعة اليوكو قليلة عن الماتادور ، بس لسه بدري على الحكم و التسليم بإنه بيوفر في استهلاك البنزين (لما أشوف هيعمل إيه في الـ 2000 كم الأولى ) .
للعلم فقط ، فالإطار القديم كان Matador MP 42 Elite 2 و بياناته Treadwear 240 Traction AA Temperature A و صنع في سلوفاكيا و تاريخ إنتاجه كان الأسبوع 21 من عام 2008 يعني عمره تقريبا 6 سنوات و ديه هي فترة الصلاحية لأي إطار .
سأقوم بكتابة نفس المشاركة في موضوع أنواع و أسعار الكاوتش في مصر لأنه موضوع عام و يفيد الكل .
تقبلوا تحياتي
شكرا على نقل تجربتك يا استاذ يحيى و في انتظار انطباعك بعد مرور اول الف كيلو
و مبروك الكاوتش :)
نصبحه
اليوكوهاما فرده محترمه جدا جدا وانا افضلها علي التورنزا عشان سعرها والفروق بينهم مش كبيره
وهي افضل بكتيييير عن الميشلان
مجربها في 3 عربيات مختلفه
معايا اليكوهاما a drive وجامدة جدا...ال c drive أكيد أحسن كمان
جربتها امبارح في المطر بارتفاع مياه 1-2 سم عن الاسفلت وكان تماسكها حلو وبتكلبش في الاسفلت وعلي الأسفلت الناشف بردو تماسك حلو جدا
سواقتي رياضية جدا تسارع وسرعات عالية وفرامل كتير
معايا عاملة 15 الف كم واكنها لسه جديدة
ما شاء الله لا قوة إلا باللهاقتباس:
المشاركة الأصلية كتبت بواسطة swimmer25
ربنا يعطيك خيرها و يصرف عنك شرها.
و فعلا مفيش حد اشتكى من ماركة يوكوهاما أيا كان الموديل و ده اللي شجعني و خلاني أشتريها و أركبها للفابيا و مبدئيا حتى الآن (حوالي 230 كم) الأداء بيتحسن يوم عن التاني ، بس أنا عارف كويس من منتديات برة و من تجارب الناس مع الإطارات إن اليوكوهاما سي درايف بيحتاج تقريبا من 800 - 1000 كم عشان يعطي الأداء المنتظر منه ،و لازم أثناء المسافة ديه تبقى القيادة بحذر.
حضرتك من الناس اللي قرأت لهم مشاركات عن اليوكوهاما و كانت مشجعة للغاية ، و من كلامك و كلام باقي الزملاء عملت بالنصيحة .اقتباس:
المشاركة الأصلية كتبت بواسطة abou-yahia
و أتفق معاك إن القيمة مقابل السعر هي اللي ساعدتني في إتخاذ القرار بشراء اليوكوهاما و تفضيله على البريدجستون .
- يوكوهاما سي درايف يأخذ درجة 9/10 و بسعر 1800 جنيه للأربعة
- بريدجستون تورانزا جي آر 90 يأخذ درجة 9.5/10 و بسعر 2600 جنيه للأربعة
و بالحسبة ديه قدرت أتغلب على حيرتي و أحسم أمر الكاوتش .
الله يبارك فيكاقتباس:
المشاركة الأصلية كتبت بواسطة تامر.محمد
بإذن الله هنقل إنطباعي عن الإطار بعد 1500 كم (مش 1000 كم) .
و حضرتك عملت إيه ، ركبت إطار جديد و لا لسه ؟ و هل لاقيت الإطار اللي بتبحث عنه ؟
احسن من الجي آر90 اوي كده؟اقتباس:
المشاركة الأصلية كتبت بواسطة yahia_zakareya
Sent from my GT-N7000 using Forum Runner
انا لسه ما اشتريتش
Sent from my GT-N7000 using Forum Runner
ربنا يباركلك فيهماقتباس:
المشاركة الأصلية كتبت بواسطة yahia_zakareya
وتحت امرك في اي وقت
اليوكوهاما اقدر اقول اني مجربه في اكتر من سياره بعضها استخدام شخصي مباشر
والاخر لاصدقاء محتك بيهم
اليوكوهاما cdrive تعتبر افضل اختيار في الفئه ديه
وكويس انه مالوش توكيل ذي البريدج عشان حيغلي سغره وخلاص
تحياتي