ايه رايكم فى حظر استيراد الموتوسيكلات ؟

**yascro** · 13-03-2014 01:58 PM

ايه رايك ف قرار حظر استيراد الموتوسيكلات لمده سنه

**MohssenRashed** · 13-03-2014 02:47 PM

غير موافق تماما.

لأن المشكله مش في الليك المشكله في اللي راكبة و بعدين ده يعتبر حل مؤقت, و قرار زي ده ادى لزياده الاسعار بطريقة مبالغ فيها.

انا شايف الحل السيطرة و ليس المنع, يعني مينفعش معرض يبيع بيك او اسكوتر (من 1,000 الي 500,000 جنية) غير لما يترخص زي ما بيحصل مع العربيات الزيرو, و المعرض مسئول عن توريد صور الرخص للداخلية.

**MaZaGAngeE** · 13-03-2014 08:59 PM

مع اني بكره جدا التكتك و الموتوسيكلات الاجرة .....
لكن دي مصدر دخل لعائلات كتيرة جدا و موفرة فرص عمل للصنايعية و بتوع الكماليات و ورش الصيانة و المستوردين و بتوع الفرش ......

منعهم مش لاسباب اجتماعية او اجرامية او انسانية ... ابسلوتلي منعهم سببه سياسي بس ..
هل دي طريقة ادارة الدول ؟ هل دي اساليب وضع القوانين ؟ هل دي اساليب الحكم ؟

صحيح فيه حرامية و تجار مخدرات بيستعملوا التكتك و البايك .... لكن لو طبقنا النظرية السيساوية دي يبقى هنمنع العربيات و المراكب و الطيارات كمان ...

ده تفكير ابو 50% ..................نعمل ايه بقى !!

**amirosagan** · 14-03-2014 07:31 AM

قرار خاطئ طبعا لان الحظر مش هايحل مشكلة بل هايزود المشكلة وان التجار هاتستغل الحظر لصالحهم فى رفع السعر واحنا الضحية فى الاخر

**alfath8** · 14-03-2014 07:40 AM

الحل المفروض يكون امنى
مش منع الاستيراد

**amedhat2015** · 14-03-2014 02:45 PM

ربنا ينتقم منهم اللي اصدروا القرار دا .. انا دايخ على سكوتر سيمفوني بقالي اسبوع و مش لاقي
كل الناس ما عندهاش و لما تسألهم سعره في حدود كام يقولوا مش محدد علشان طبعا هيغلوها :\