زى ماهو واضح فى العنوان كدة هل فى حد يقدر يعيش ويموت من غير جواز عادى كدة
عرض للطباعة
زى ماهو واضح فى العنوان كدة هل فى حد يقدر يعيش ويموت من غير جواز عادى كدة
ايه مواضيع الجواز اللى انتشرت فجأه دى يا جماعه
ع العموم اه طبعا ممكن و عادى جدا و هتبقى زى الفل
من غير جواز إزاي يعني
أكيد مش هقدر
إلا لو في حاجة تانية فحياتي مسيطرة على تفكيري و شغلاني عن الجواز
زي اﻹمام النووي مثلا
شغله طلب العلم عن الزواج
فلما سألوه لما لم تتزوج؟؟
قال: نسيت
لكن بالنسبة لغالبية الناس ده موضوع خيوي و أساسي و من غيره لا يستقيم النسل و لا الحياة
ده حتى الحيوانات يا أخي (و ده من باب المثال مش التشبيه)
لو حرمت التزاوج بتتعب نفسيا
فما بابك بالانسان و الموضوع ده بالنسبة له يتعدى الشهوة الحيوانية لعواطف
حب
صحبة
أنس
سكن
أبوة/أمومة
في رأيي دي حاجة مستحيلة
تحياتي
مشكلة الجواز انك مبتعرفش قرفه غير بعد متجربه
وبعد ما تجربه وتخلف مبيكونش قدامك غير حلين علشان تخلص منه
انك تطلق وده صعب جدا علشان خاطر الاولاد وميتشردوش غير الخسارة المالية الفادحة من مؤخر وقايمة ونفقة والشقة اذا كانت حاضنه
يا اما تقتل مراتك وعيالك وده حل طبعا دموى لا انسانى غير انه هينتهى بيك لحبل المشنقة
كدة مش فاضل غير انك تصبر وتحتسب عند الله
وده الى ببعمله معظم الرجال
لكن جمال حياة العزوبية لا نظير له
لدرجة ان زوجتى وابنتى سافروا عند حمايا المقيم فى دولة خليجية لمدة شهر
مش عاوز اقول أن الشهر ده عدى بسرعه البرق
فعلا الاوقات السعيدة تمر بسرعه لا تتخيلها
معلش الناس اللي بتشتكي من الجواز و قرفة طب ايه رايك لو اقولك تبعد عن بنتك و مراتك لمده سنه مثلا أو اتنين بس من غير اتصالات و لا اي حاجة.
قولي هتقدر تعيش و تستحمل اد ايه؟
كون انك شايف ان الوقت عدي بسرعه دا بطبيعة الحال البني ادم ملول و بيحب التغير و كمان ارتحت من المسؤولية شويه مش اكتر لكن هتشتاق ليهم و هتتمني يرجعولك في أسرع وقت ﻻن الواحد مبيعرفش قيمة اللي معاه إلا لما يضيع
ربنا يحميهوملك و يخليهوملك يارب
منور يا ابو هند سبت قسم بيجو ولا ايه
الجواز زي الحمام .. اللي برا مش قادر يستني .. و اللي جوا مش طايق الريحة :d
من لم يشكر النعمة ...حرمها (بضم الحاء و كسر الراء)
اللي بيشتكي من الزواج...محدش ضربك على إيدك
محدش إخترلك....إنت اللي إخترت
و لو إخترت غلط..تبقى برضه غلطتك
يقول النبي صلى الله عليه و سلم
خير متاع الدنيا الزوجة الصالحة
طبيعة شغلي بتستوجب السفر بصفة مستمرة من فترة للتانية
مقدرش أوصفلكم اﻷيام بتعدي إزاي بعيد عن زوجتي و بنتي و بيتي
عزوبية ايه يا جدعان..دي كانت جحيم
اللهم لك الحمد على نعمة الزوجة و الولد..اللهم أدمها علي نعمة و أحفظها من الزوال
تحياتي
والله الجواز دة حاجة تحير ... انا اتجوزت بعد ما اتخرجت بسنة بالظبط وبقالى 8 سنين ولله الحمد متجوز وعندى 3 اطفال 7 سنين وسنة ونص و شهر على الترتيب
بتنتابنى حالات متفاوتة .. ساعات المسؤولية بتضايقك وتبقى تعبان من قلة النوم ومش عارف تخرج و و و وتلاقى نفسك عمال تبص لصحابك اللى لسة متجوزوش وبيدوروا على عروسة تقول يا بختهم مع انهم هم نفسهم بيشتكوا من قلة الاهتمام واتعدام الهدف
وساعات اما بسافر بحس ان مراتى وولادى واحشنى جداااااااا وابقى نفسى ارجع البيت عشان اشوفهم خصوصا اما بيبقى حد منهم تعبان او حاجة لا قدر الله .. يمكن عشان ربنا قدر للواحد زوجة صالحة بعد قصة حب فالكلية عشان كدة مش حاسس بالندم والكلام دة خصوصا أنى أشهد الله انها عمرها ما قصرت معايا او مع البيت او الاولاد بأى شئ ممكن افتكره او افتعلت نكد او زعل او جو كئيب فالبيت
فالنهاية بلاقى نفسى بقول الحمد لله على النعمة اللى ادهالى وبسيب صحابى عالقهوة وانا بهشك النونة ههههههههههه
جواز ايه بس والله مفيش أحسن من العزوبيه بتبقى عايش كده مع نفسك مش ناعى هم حد وعلى فكره انا مش متجوز ولا عايز اتجوز ابداااااااااا والعيشه زى الفل ..
اكيد فيه طبعا
بس بيضحي بحاجات كتير مقابل حاجات تانيه هوه عايزها
يعني بيضحي باهتمام زوجه بيه / اولاد يربيهم / عائله و جو اسري / رؤيه اولاده لما يكبروا و يبقوا حاجه تشرف
و مليون حاجه تانيه اكيد اللي اتجوزوا عارفينها
مقابل ايه بقى
انك تبقى عايش براحتك من غير مسئوليات و مش شايل هم حاجه غير نفسك تعمل اللي انت عايزه في اي وقت من غير ما حد يقوللك حاجه
بصراحه انا مش شايف انه فيه سبب من دول يخليني اتخلى عن فكره الزواج
الجواز من عدمه متوقف على الانسان اللي هيكمل معاك بقية عمرك...
يعني لو كان ولا بد يبقا عمرك انتهى بمجرد ارتباطك بيه
ولو العكس يبقا عمرك ابتدى من الحظه اللي شفته فيها
وانت وبختك يا صاحبي
واحد صاحب والدي كان مُضرب عن الجواز لسن ال ٥٥ سنه بصرف النظر عن السبب
المهم اخوه توفي وهو مُضطراً اتجوز مراته
بقاله قرابة الخمس سنين متجوز ومبسوط جداً
وبيندم انه متجوزش في سن صغير وبيسعى بكل الطرق انه يخلف في السن ده
هو موضوع معقد
ناس كتير بعد ما اتجوزت ندمت بجد اخر ندم
و هو في الاول و في الاخر نصيب
اهم حاجه انه يتجوز واحده يكون فعلا بيحبها و مستريح نفسيا معاها و متفاهمين
بس عادي جدا ان ناس ماتتجوزش
اعرف كذا حد بس مش معرفه شخصيه عندهم حوالي 45 سنه او اكثر و مش متجوزين و مش بيفكروا في الجواز
واضح ان محدش مرتاح للحلين
لو رجع بيا الزمن مش حتجوز
كل اصدقائي متزوجين والواحد ماماشافهم بيفكر يخلع من موضوع الجواز دا بس المشكله في الاهل
سبحان الله فعلا طبيعة البني ادم لا يرضى بحاله اللي متجوز نفسه يبقى اعزب والاعزب نفسه يتجوز
انا بحاول والله اعزف عن الجواز نهااااااااائي بس المشكله في حاجتين
1-الاهل
2-الهرموناااات هاهاها
ربنا يقوينا ونقدر نستمر على هذا القرار الا وهو العزوف عن الزواج
انا بشوف حال المتزوجين بقول الحمد لله على حالي وفعلا كم هي نعمه حياة العزوبيه