عرض للطباعة
السلام عليكم و رحمة الله و بركاتة
كان ليا سؤال لمالكي ال 146 و هو .. مؤشر الحرارة المفروض مكانة الطبيعي بين فين و فين تحديدا ؟؟
و كان في ناس بتعمل تعديل و بتركب ترموستات اتنين رجل بدل التلاتة
السؤال هنا قبل التعديل المفروض بيكون فين بالظبط ؟؟
و بعد التعديل المفروض يكون فين بالظبط ؟؟
انا غيرت طلمبة المياه بواحدة زيرو
وغيرت كوعة المياه بواحدة مخروطة وركبت ترموستات جديد وفكيت الراديتير ونظفته عند واحد متخصص وكمان وصلت مروحة التكييف لتعمل مع المروحة العادية للتبريد
والحمد لله انتهت المشكلة.
وعملت دا عند خالد ألفا في فيصل ووصلت المروحة عند كهربائي شاطر.
تمام .. طب و عداد الحرارة دلوقتي مكانة فين بالظبط .. بين كام و كام ؟؟ و هل بتوصل للتسعين او بتعديها ؟
العداد مبيوصلشي ٩٠ والحمد لله.
اولا تستبدل ساعة الحرارة من تجار الفيات الى ساعة تعمل من درجة 68 الى 82 او ساعة تعمل من درجة حرارة 80 الى 90 درجة وتكون سرعة واحدة يركب عليها عدد 2 ترمل ويختار الكهربائى توصيلهم على نقطتين السرعة العالية للمروحة وذلك فى الصيف اما فى الشتاء تحول الوضع الى السرعة البطيئة للمروحة على نفس درجات الحرارة السابقة
ولانى اعمل بمهنة الكهرباء من عشرين سنة عدلت عربيتى ال146 تانى يوم ما اشتريتها الى درجة 68 --- 82 والعربية ظلت معى 5 سنين كانها عربية يابانى
والحمد لله والساعة اللى هتعدلها ثمنها 15 جنيه ونفس السن الفيات عند اى حد وانسى انك عطشان
متشكر جدا .. طب و انت برضو شيلت ترموستات الكوعة و لا سيبتها ؟؟اقتباس:
المشاركة الأصلية كتبت بواسطة asd asd
فكيت الكوعة بنفسى وشلت منها يعنى من داخلها منظم الحرارة الاوتوماتيكى و اغلقتها بلحام المونيوم فاصبحت دورة المياة تعمل من اقل درجة حرارة
ارجو قراءة هذا الموضوع بخصوص ترمستات الكوعه http://www.nilemotors.net/Nile/328708-a.html:shine[1]:
حل مشكلة السخونه في ال146 تفك الردياتير وتنضفه من الداخل يعني تفك العلب وتسلك الردياتير من جوه عند حد كويس وبعدين تشوف ترمستات الكوعه وطبعا الكوعه عندنا مقفوله تفتحها عند حد وتشوف الترمستات اللي جوه بيفتح ويقفل ولا لا وتالت حاجه تتاكد من ترمستات المراوح الللي راكب في الردياتير ولازم يبقي 3 طرف عشان يبقي سرعه بطئيه وسريعه ويظبط معاك في التكييف وبكده انسي الحراره تاني اللي بقولهالك ده بعد لف ودوران وفلوس ووقت كتير اه والله:shyy:
انا عملت كل الكلام دة تقريبا بإستثناء اني افتح الكوعة .. بس السؤال هنا .. لما افتح اشوف ترموستات الكوعة اشيلها و لا اسيبها لو سليمة و لا اشيلها و اعمل لحام المونيوم ؟؟ .. و سؤال كمان المفروض و الطبيعي العداد بيكون بين فين و فين بالظبط ؟؟
ملاحظة : المروحة عندي حاليا شغالة علي السرعة العالية بس
والله هو الصح يفضل ان يبقي في ترمستات كوعه بس انت بعد ماتفكها هتعرف ازاي انها شغاله اختبرها في حوض مياه علي النار المفروض تفتح عند درجه حراره معينه ويكون معاك ترمومتر وحوار انا شخصيا لغيتها
بالنسبه لدرجة الحراره فالطبيعي 92 بس انت عندك مرحلتين واده 85 والتانيه السريعه 92 ودي بتشتغل كمان مع التكييف ترمستات 3 طرف لو غير كده عندك غيروا