سؤال لكل مالكي الالفا 146 .. بخصوص الحرارة

**M_a_h_M** · 13-03-2014 06:48 PM

السلام عليكم و رحمة الله و بركاتة

كان ليا سؤال لمالكي ال 146 و هو .. مؤشر الحرارة المفروض مكانة الطبيعي بين فين و فين تحديدا ؟؟

و كان في ناس بتعمل تعديل و بتركب ترموستات اتنين رجل بدل التلاتة

السؤال هنا قبل التعديل المفروض بيكون فين بالظبط ؟؟
و بعد التعديل المفروض يكون فين بالظبط ؟؟

**Ayman_Amer** · 13-03-2014 10:44 PM

انا غيرت طلمبة المياه بواحدة زيرو
وغيرت كوعة المياه بواحدة مخروطة وركبت ترموستات جديد وفكيت الراديتير ونظفته عند واحد متخصص وكمان وصلت مروحة التكييف لتعمل مع المروحة العادية للتبريد
والحمد لله انتهت المشكلة.
وعملت دا عند خالد ألفا في فيصل ووصلت المروحة عند كهربائي شاطر.

**M_a_h_M** · 14-03-2014 11:17 AM

تمام .. طب و عداد الحرارة دلوقتي مكانة فين بالظبط .. بين كام و كام ؟؟ و هل بتوصل للتسعين او بتعديها ؟

**Ayman_Amer** · 14-03-2014 01:54 PM

العداد مبيوصلشي ٩٠ والحمد لله.

**asd asd** · 15-03-2014 11:28 PM

اولا تستبدل ساعة الحرارة من تجار الفيات الى ساعة تعمل من درجة 68 الى 82 او ساعة تعمل من درجة حرارة 80 الى 90 درجة وتكون سرعة واحدة يركب عليها عدد 2 ترمل ويختار الكهربائى توصيلهم على نقطتين السرعة العالية للمروحة وذلك فى الصيف اما فى الشتاء تحول الوضع الى السرعة البطيئة للمروحة على نفس درجات الحرارة السابقة
ولانى اعمل بمهنة الكهرباء من عشرين سنة عدلت عربيتى ال146 تانى يوم ما اشتريتها الى درجة 68 --- 82 والعربية ظلت معى 5 سنين كانها عربية يابانى
والحمد لله والساعة اللى هتعدلها ثمنها 15 جنيه ونفس السن الفيات عند اى حد وانسى انك عطشان

**M_a_h_M** · 16-03-2014 01:31 PM

المشاركة الأصلية كتبت بواسطة asd asd

اولا تستبدل ساعة الحرارة من تجار الفيات الى ساعة تعمل من درجة 68 الى 82 او ساعة تعمل من درجة حرارة 80 الى 90 درجة وتكون سرعة واحدة يركب عليها عدد 2 ترمل ويختار الكهربائى توصيلهم على نقطتين السرعة العالية للمروحة وذلك فى الصيف اما فى الشتاء تحول الوضع الى السرعة البطيئة للمروحة على نفس درجات الحرارة السابقة
ولانى اعمل بمهنة الكهرباء من عشرين سنة عدلت عربيتى ال146 تانى يوم ما اشتريتها الى درجة 68 --- 82 والعربية ظلت معى 5 سنين كانها عربية يابانى
والحمد لله والساعة اللى هتعدلها ثمنها 15 جنيه ونفس السن الفيات عند اى حد وانسى انك عطشان

متشكر جدا .. طب و انت برضو شيلت ترموستات الكوعة و لا سيبتها ؟؟

**asd asd** · 22-03-2014 12:02 PM

فكيت الكوعة بنفسى وشلت منها يعنى من داخلها منظم الحرارة الاوتوماتيكى و اغلقتها بلحام المونيوم فاصبحت دورة المياة تعمل من اقل درجة حرارة

**usama_usmm** · 09-04-2014 07:07 PM

ارجو قراءة هذا الموضوع بخصوص ترمستات الكوعه http://www.nilemotors.net/Nile/328708-a.html:shine[1]:

**usama_usmm** · 09-04-2014 07:14 PM

حل مشكلة السخونه في ال146 تفك الردياتير وتنضفه من الداخل يعني تفك العلب وتسلك الردياتير من جوه عند حد كويس وبعدين تشوف ترمستات الكوعه وطبعا الكوعه عندنا مقفوله تفتحها عند حد وتشوف الترمستات اللي جوه بيفتح ويقفل ولا لا وتالت حاجه تتاكد من ترمستات المراوح الللي راكب في الردياتير ولازم يبقي 3 طرف عشان يبقي سرعه بطئيه وسريعه ويظبط معاك في التكييف وبكده انسي الحراره تاني اللي بقولهالك ده بعد لف ودوران وفلوس ووقت كتير اه والله

**M_a_h_M** · 10-04-2014 04:41 PM

انا عملت كل الكلام دة تقريبا بإستثناء اني افتح الكوعة .. بس السؤال هنا .. لما افتح اشوف ترموستات الكوعة اشيلها و لا اسيبها لو سليمة و لا اشيلها و اعمل لحام المونيوم ؟؟ .. و سؤال كمان المفروض و الطبيعي العداد بيكون بين فين و فين بالظبط ؟؟

ملاحظة : المروحة عندي حاليا شغالة علي السرعة العالية بس