الموضوع: الرجوع بقرارى فى شراء فلوانس ونصيحه لكل مقبل لشراء رينو الابتعاد عنها

المشاركة الأصلية كتبت بواسطة meggieboy

طبعاً بنشكر حضرتك على تحذيرك و قرارك حضرتك حر طبعاً فيه و لكن مش شايف حضرتك أنك تحكم على توكيل أنه زفت و تحظر الناس منه و تحذرهم من شراء الرينو عامة بدون أن تجرب التوكيل شخصياً فيه شىء من التجنى و الحكم المسبق على الأمور
حضرتك بصيت للدكتور أحمد عثمان اللى أتنقلت عربيته لأسيوط بطريقة خاطئة و عنده مشكلة فيها على انه العموم و تجاهلت باقى أعضاء قسم رينو اللى معندهمش مشكلة مع التوكيل او مع العربية

السؤال هنا، طيب حضرتك تنصحنا بأنه عربية و أنه توكيل يكون أفضل من رينو؟
العضو المحترم hugan نصح بالسيراتو بس توكيل كيا و رينو نفس الشركة و فى نفس المكان، يبقى برده بلاش منه
حضرتك نازل من جيتا، نروح لفولكس بس أتوموتيف توكيل فى البلالا و الفتيس ال dsg ايدك و القبر
اوكتافيا نفس الفتيس و توكيل رايح
غبور لا تعليق
تويوتا العضو الوشاحى مقدم شكوى فيه
مين توكيل محترم فى مصر علشان كلنا نروحله اذا كان رينو زفت؟ نرجو الأفادة

شكرا لرد حضرتك وعلى فكره ومن كلام حضرتك عن العربيه وانت الاستاذ رامى خلانى افكر فيها رغم انها ما كانت فى حسبانى لانى ليا مشاكل مع الفرنساوى قبل كدا فا دا خلانى ابعد عن الفرنساوى وافضل الالمانى

بالنسبه للجيتا الى معايا والحمد لله خليجى موديل 2010 الفتيس القديم والحمد لله عمرها ما شافت توكيل فولكس الى سمعته سابقاه دايما

بالنسبه لموضوع الفولكس الدى اس جى اى حد يسالنى عن فولكس الجديد اقوله لا ما عادت تنفع العربيه دى بسبب الفتيس وانا فى حيره اصلا بسبب الحكايه دى ان مرسيدس وبى ام دبليو فى السما وقولكس عربياتها كلها دى اس جى فا انا بقيت محتار لانى بطبيعه تفكيرى بدور على وسائل الامان العاليه مع الاداء وبعد كدا الكماليات

ما للاسف ان كل توكيلات مصر كلها زى الزفت انا شارى كيا ريو 2013 خليجى وسيراتو 2011 بردو خليجى لان التوكيلات فى مصر كلها زى الزفت وغير كدا انا ليا واحد قريبى فاتح مركز صيانه بيجو ورينو وسيتروين لما كنت بردوح عنده كنت الاقى عربيات التوكيل باعتهالو عشان يصلحها بزمتكم دا مش كلام يحزن انا عجبتنى الفلوانس عن كلامكم بس لاسف انا تاريخى اسود مع الفرنساوى فا دى نقطه مقلقانى منه

فى حاجه تانيه انى بصيت على السيراتو الخليجى العربيه جميله جدا وعمليه بس للاسف لما جربتها ما ارتاحتش فيها فا شلتها من حساباتى لانى فى حيره من امرى ولو فضلت على الحال دا انا افضل انى اخلى الجيتا معايا سنه كمان او اتنين على ما السوق يتظبط وتظهر فيه حاجه جديده

وعلى فكره انا مش داخل عشان اشتم فى العربيه او انى من قسم تانى جاى احرق دم الناس لسمح الله انا بس لما قابلتنى بعض مواقف التوكيل وشكوى الناس فى عربيات الرينو دا خلانى قلقت ورجعت عن فكره الشراء نظرا للماضى الاسود مع بيجو 206 و 406 رغم من مميزات الفرنساوى فى الثبات والفرامل والمناورات الفجائيه والشكل الشيك والصالون الى اريح من اجدع انتاريه فى بيوت مصر

المشاركة الأصلية كتبت بواسطة meggieboy

يا باشا نورتنا فى القسم و اختلاف الرأى لا يفسد للود قضية و سعدنا جداً بالمناقشة مع حضرتك و توضيح وجهات النظر المختلفة
نصحتى لحضرتك الجيتا ال 2010 اللى معاك هى احسن اختيار متاح حالياً...لو العربية مريحاك و مفهاش مشاكل يبقى نصيحة من أخ ليك متفرطش فى العربية دى....أنا دايماً أقول عليها أخر الرجال المحترمين من عائلة فولكس.....
و بالتوفيق دائماً......

شكرا ليك ولكلامك الرائع وفعلا هي آخر العربيات المحترمه في فولكس وهي معايا من اكتر من 4 سنين ومطلع عنيها ولو نطقت لقالت اول كلمه الله يسامحك علي الي انت عامله فيا والحمد لله عمرها ما زعلتني في يوم وعربية أصيله والله بمعني الكلمه وانا عارف اني لو بعتها ممكن معرفش اعوض حاجه تانيه زيها لأن العربيه دي ليها قصه عشق جوايا يعني العربيه دي تالت عربيه ليا ومحبته أي عربيه قبلها زيها فا لو كدا انا هوضبها وإليها معايا شويه كمان