المشاركة الأصلية كتبت بواسطة hany63
برضه واخد الموضوع بطريقه شخصيه (إطلاقاً يا باشا) و احب افكرك للمره التانيه و الاخيره بان الخلاف للرائي لا يفسد للود قضيه (أكيد طبعاً)
اولا كلامك عن الياباني و الموزمبيفي على راسي و راءيك يحترم بس برضه من حقي اقول رائيي عشان هوا ده هدف المنتدى تبادل الخبرات و مساعدة الاعضاء لبعض عند حصول اي مشكله(لا يحق لي أن أحجر علي رأي أحد في المنتدي وده أنا عارفه كويس ودائماً بحب أفيد الغير ولو بالمعلومة وأظن تاريخ العبد الفقير إلي الله في المنتدي يؤيد كلامي :) )
ارد بقى على كل نقطه في كلامك
بالنسبه ان الباسات اقوى كصاج فعلا عندك حق الباسات صاجها محمل بعكس السيفيك اللي صاجها ضعيف و اي عربيه ليها نقاط قوه و نقاط ضعف و ربنا يبعد الحوادث عن الكل بس على العموم السيفيك مش ضعيفه لدرجة ان صاجها بيموج من مجرد ركنة الشارع و ده موجود في عربيات ياباني تانيه ماعلينا ( تمام وربنا يبعد عنك وعن الجميع أذي الطريق ويحفظك ويحفظ عربيتك )
بالنسبه لحمولة السيراميك اللي بتخلي السيفيك تزحف احب اقولك ان الباسات اوطى من السيفيك ٢٠١٠ و ده عن تجربه لنفس المطب بنفس الحموله عشان ما تقولش اني بفتي بس مجربتش موضوع السيراميك الصراحه ( لا سمح الله مجبتش سيرة فتي..نقطة تحسب للباسات لما يكون خلوصها 13 سم والسيفيك خلوصها 15 سم وتكون الباسات في أقصي حمولة لها 11.8 سم وتكون السيفيك 10 سم...وأقصي حمولة للسيفيك 385 كجم في حين إن الباسات أقصي حمولة لها 510 كجم !!!!! يبين الفرق بين العربيتين من قوة تحمل المساعد وقدرة العربية علي الحمولة إلخ إلخ إلخ. )
نيجي لنقطة ان الباسات فحتت السيفيك هتلقى ان الفيديو اللي سيادتك منزله فيه مرتين من ٤ مرات السيفيك هيا اللي فحتتها على حد تعبيرك و الباسات عدى لما السيفيك داس فرمله يعني بعد ما خلصوا
و عشان برضه اكون واقعي و موضوعي الباسات اقوى بصوره ملحوظه من السيفيك في بداية التسارع اصل مش عشان معايا سيفيك اعيش في عالم افتراضي و اقول اي كلام و لو كنت شفت موضوعي الاخير عن اختبار قيادة ال f30 قلت حرفيا ان البي ام مفيهاش السحبه الغبيه بتاعة الباسات تربو
انما لما نييجي نقارن مقارنه كامله و شامله لموضوع متعة القياده بين الباسات و السيفيك في الطرق المصريه تحديدا الباسات تاخد ٩ من عشره و السيفيك ٧ من عشره بس ده لما يكون الطريق ماشي اما بقى في الزحمه الباسات تاخد ٣ وده مع الراءفه و السيفيك تاخد ٩ من عشره مع التسليم بان اللي سايق الباسات بيعرف يسوقها مش واحد زيي على حد تعبيرك و هرد على النقطه دي لاحقا ( لا تعليق )
يبقى كمجمل السيفيك تفحت الباسات و لامؤاخذه كمتعة قياده كاجمالي خصوصا ان سواقتنا كلها زحمه و احقاقا برضه للحق بسبب الزحمه بتاعة شوارعنا ( لا تعليق سوي إن عمري ما اشتكيت من موضوع الزحمة ده مع الباسات ولا عملت معايا أي نقص )
نييجي بقى لنقطة الفتيس بتاع الباسات اولا كلمة اني مش عارف اسوق العربيه او استعمل الفتيس اعتقد ان خانك التعبير فيها بس مش مشكله هفترض ان مش قصدك ( ده مش ذم في حضرتك علي فكرة لا سمح الله !! عادي جداً إن حضرتك متكونش عارف اسلوب التعامل مع أداه معينة وده لا ينتقص من قدرك عشان تقولي كده ! الدليل علي كلامي حضرتك الفتيس بدأ يزعلك عند كيلو متر قليل جداً في حين ان الحمد لله رب العالمين معايا مفيهاش أي مشكلة وعملت الـ 15000 كم والله هو الحافظ )
وبعدين حضرتك جاي تقول اني مكنتش بنفذ تعليمات التوكيل طب لعلمك اساسا التوكيل مكنش يعرف ان العربيه فيها دي اس جي اصلا ولا بيشتغل ازاي ما تستغربش ( لا أستغرب طبعاً مش للدرجة دي ) اصلي كنت اول واحد في مصر يركب باسات تربو ( ده اللي هو ازاي حضرتك أول واحد في مصر ؟؟ ) و كنت مقتنع بيها زيك و قريت عن الفتيس كتير قبل ما اشتري لدرجة اني انا كنت بشرح لهم المشاكل جايه منين ( لو حضرتك فعلاً أول واحد وقريت كتير وشرحت كتير للناس..سبب أدعي إن حضرتك لست علي دراية بما تم تعديله علي مكونات الفتيس من الـ subcontractors ليصبح أقل في المشاكل بشكل ملحوظ علي موديلات ما بعد 2010-2011 واللي علي أساسها نصحوا الناس بأسلوب قيادة معين لتفادي أي إحتمالية حدوث مشكلة )
و الاكتر من كده بعد ما مشيت بيها ٢٠٠٠ كمو ابتديت احس انها بترعش في الزحمه جبت طاره بشيفتات عشان اسوقها مانيوال بالكامل محافظة على الفتيس يعني قبل الوكيل ما يوصل للموضوع ده بسنتين حضرتك فمش معقول هتقول لي اني مبعرفش اسوق (( 2000 كم ده رقم قليل جدي .. وده يؤيد كلامي ان بعد التعديلات اللي اتعملت في الميكاترونيك والكلاتشات الموضوع مبقاش كده إطلاقاً )) ويا ريت تقولي كنت بتجيبها علي شيفتات تسوقها ازاي هل كنت بتشبع الغيار الأول ولا كنت بتنقل علي rpm واطي ولا إيه بالظبط ؟ )
طب و الطابور اليومي اللي كان في التوكيل اللي مخصصينه للفتيس ده كان ايه تهيؤات مثلا و كل الناس اللي بتلطم من الفتيس دي برضه ما بتعرفش تسوق ( كلهم نفس ظروف حضرتك السالفة الذكر )
حضرتك مكيف سواقتك و طبيعة مشواريك معاه دي حاجه كويسه و ربنا يديمها عليك و بقولها بجد مش مجامله انما اجمالا ده فتيس فاشل ( أنا ساكن في أزحم مكان في مصر "الهرم" وشغلي في المعادي .. يعني بتلب زحمة الهرم زي الباشا والجيزة والمنيب والدائري الزفت لحد الأوتوستراد اللي يجيب شلل في نزلته ويا سلام بقا وأنا راجع :) ) بالمناسبة..مع أخ فاضل هنا في المنتدي معاه العربية موديل 2010 وعدت الـ90 ألف كم..وهو مغير ليها طقم الكلاتش مرة تقريباً وهي لسه جديدة .. وبعدها بسم الله ما شاء الله ماشية معاه زي الفل..وده يرجع للتعديلات زي ما قولت لحضرتك وثانياً لأسلوب القيادة الصحيح :)
و على حد تعبيرك انا الباسات بالفتيس ده مفكرش اشتريها ولا بخمسين الف و كلامي على فكره عن قناعه مش ردا على كلامك بالمناسبه ( رأي حضرتك حر فيه طبعاً حتي لو شايفها متسواش 2 جنيه ونص ,, زي بالظبط ما السيفيك أو 200 ألف جنيه دي مدفعش فيها نص تمنها مش سُبة فيها..لا .. مدفعش المبلغ ده في عربية شرق آسيوي لو بتمشي علي الحيطة
اخر حاجه لما تحب تهاجم عربيه ابقى اكتب ممنوع دخول ملاكها و ده تعليقا على تعبير شلة الانس اللي برضه شايفه مش في محله و احب افكرك من سنتين لما حصل سوء فهم مع زميل من قسم الهوندا و اشتكيت من اسلوبه الغير لائق ( هو حضرتك شايف شلة الأنس دي عيب وشتيمة ؟؟ طيب حضرتك خدتها علي نفسك ليه ؟؟ أنا مضمتش حضرتك في شلة الأنس اللي حضرتك شايفها سُبة.. وعموماً الله أعلم مني ومنك بالنوايا :) وعلي كلٍ تعبير شلة الأنس ده زي ولا أبو اسماعيل كده اللي كان مطلعه العضو الكريم أ/ محمد عبد الحميد lanos2004 ولعلم حضرتك الخاص أنا مش شريك هنا في المنتدي أو من مؤسسيه..يعني لو غلطت هاخد جزائي زيي زي أي عضو هنا مع التسليم بإن الجزاءات بتطبق علي مجلس الإدارة نفسه :) كل ما في الأمر إني عارف كويس أنا بتكلم ازاي وبأنهي أسلوب وعارف اللائق من غير اللائق..وأرجو مراجعة موضوعاتي لو عندك وقت وبالمرة راجع الردود كلها هنا بتاعتي لو عند وقت..قبل ما تحكم علي أسلوبي لمجرد انه مجاش علي هوي حضرتك في سياق الموضوع :) ولو لقيتني غلطت في حد بحق وهعتذر له أمام الجميع..تحياتي لك..ولكل المشاركين في الموضوع..ودي آخر مشاركة ليا في الموضوع..شكراً.