الموضوع: باسات p7 تفحت سيفيك ( العربيتين ستوك ) :)

المشاركة الأصلية كتبت بواسطة hany63

كنت راكب باسات Tsi و دوختني السبع دوخات لدرجة اني في سنه و نص رحت التوكيل فوق ال ٢٠ مره بلا مبالغه و غيرت الفتيس مرتين بالكامل و اخر مره دخلت الصيانه و قريت بنفسي من الجهاز انه انتاج مايو ٢٠١٠ يعني ممكن تلقى اخوه كان راكب في موديل ٢٠١١ و ده رد ان الشركه صلحت العيب في ٢٠١٠
و طبعا الاداء كان غير مقنع لما الفتيس يسخن في الزحمه بعتها و خسرت فيها حوالي ٧٠ الف في سنه و ٨ شهور استعمال
وياما اتعرفت على ناس كتير من ضحايا الفتيس و لغاية دلوقت على فكره واحد زميلي في الشغل معاه ٢٠١٣ غير طقم الدبرياج و لقاها ما رجعتش زي الاول راح بايعها و الكلام ده من شهرين

2013 وغير طقم الدبرياج !!!! طيب ماشي دي..مع ان علي مستوي العالم بالكامل مفيش ولا عربية 2013-2014 سجلت شكوي من dsg للشركة الأم .. بس كل شئ وارد.وطبعاً مش بشكك في كلام حضرتك بس مستغرب مش أكتر..طيب يعني ايه مرجعتش زي الأول !!! وحصلت معاه علي كام كيلو متر ؟

وأخيراً..نمط القيادة هو الفيصل..في بعض الدول بيسموا الفتيس ده brainless tranny يعني فتيس مبيفكرش معندوش مخ عشان كده بيخلي العربية تطلع علي التاني لو علي وضع الأوتوماتيك..واللي بيقصر عمر الكلاتش.

المشاركة الأصلية كتبت بواسطة hany63

اتغير على ٢٤ الف ياباشا و لما اتكلم مع بتوع التوكيل قالوا انه ملوش رانج معين يعني وارد يتغير من اول ٧ تلاف لغاية ٩٠ الف على حسب نوعية الطرق
و بالمناسبه دي عدد الكيلومترات تقريبا في كل الحالات بتاعة الناس اللي اعرفها و راكبه باسات و جيتا ٢٠١٠ فما فوق و لحد دلوقت مغيرين الفتيس بالكامل في مره و بعدها بسنه اتغير ميكاترونيك في عربيه و طقم كلاتشات في عربيه تانيه و ممكن ابعت لك ارقام تليفوناتهم على الخاص لو مش مصدقني
وبالنسبه لل ٢٠١٣ الطلعه بتاعتها مبقتش زي الاول من ناحية السلاسه و فضل وراهم حوالي شهر و هما مصممين ان دي اوهام راح بايعها و خصوصا لما عرف موضوع سواقة المانوال قال انه مش شاري عربيه اتوماتيك عشان ايده تفضل على عصاية الفتيس باستمرار و خصوصا ان الفتيس ٧ نقلات فرانج النقله قليل
و اسمح لي ان دي اخر مشاركه عشان انا مش عايز اتكلم اكتر من كده و خصوصا انك معاك نفس العربيه و ربنا يبارك لك فيها
و عقبال ما تعمل معاك المليون بدون مشاكل

لا يا باشا أنا مصدق حضرتك مقدرش أكذبك وأنا قولتلك مش بشكك في كلامك.
بالنسبة للـ 2013..صدقني أول ما تظهر عندي حاجة لا قدر الله هكون ناقل اللي حصل تفصيلياً هنا لتوعية الناس..بالنسبة لموضوع ايده متفضلش علي عصاية الفتيس..أولاً في اختيارين..اما ان في الزحمة بتخلي الفتيس علي الـ s وده بيخليها تطلع أولاني عادي بدون مشاكل ويشبع الغيار ولما الطريق يفتح تنقلها علي الـ d أو انك تعملها علي المنوال وتغير من الشيفتات في الدريكسيون بمنتهي السهولة بدون مجهود أو ملل.

في مثل بقا كويس ممكن نقتضي به..( الغاوي ينقط بطاقيته ) يعني العربية عجباك ومقتنع بيها يبقي تسوقها بالطريقة الصحيحة من غير ما تقول ده ملل وده وجع دماغ ومش عارف ايه.مش أد وجع الدماغ ده..يبقا خلينا في الفتيس التقليدي اللي مفيهوش أي ابداعات وكبر دماغك.

ودي بردو آخر مشاركة ليا لأن أعتقد رديت بما يكفي علي كل شئ ممكن.