الموضوع: تجربتي ل Mercedes GLK 250 بالفيديو

المشاركة الأصلية كتبت بواسطة novo

السلام عليكم
العربية 211 حصان و عزم 350نيوتن و اللى جربتها البيزلين و سعرها 425الف
عجبني فيها
1)تسارعات رائعة جدا رغم ان العربية 4 سلندر لكن أداء التربو رائع و العزم رهيب فعلا
2)العربية شكلها جميل فى رأيي و مرسيدس نجحت فى تصميمها فعلا من غير أفورة
3)الفنيشنج فى العربية هايل جدا و من أكتر الحاجات اللى عجبتني الدركسيون مع التطريز اليدوي و فتحات التكييف على شكل علامة مرسيدس
4)عجبني جدا جدا الشيفتات اللى فى الطارة اللى بتديك القدرة على التدخل فى أي وقت و نقل السرعة سواء لأعلى أو لأسفل...الفتيس نفسه نقلاته سريعة جدا و هو سبع نقلات و فيه برنامجين...اختيار الeconomy أو الsport و النقل ما بينهم بيتم عن طريق زرار فى التابلوه
5) العزل الصوتي ممتاز و حتى سرعات عالية
6)راحة الركوب متميزة جدا جدا....متحسش بالنقر ولا الحفر و لو قررت تدخل لغاية البحر فى السخنة عادي جدا..نظام ال4matic جميل و بيديك حرية اللعب فى الرمل الناعم

ما عجبنيش
1)التجهيز سئ بالنسبة لعربية بسعر 400الف...الكراسي كهربا جزئيا زي الc class و التكييف مش الكتروني بالكامل و الجنوط 16 و مفيش فتحة سقف ولا رف خلفى
2)النظام الترفيهي اللى زي الidrive متأخر عن الidrive تقريبا 5 سنين...التعامل مع معظم انظمة العربية بيحتاج وقت مش زي البي ام خالص....برضه تحس ان الزراير متبعتره فى كل حتة
3)موضوع الفتيس اللى فى الدركسيون ده زي العربيات الأمريكي معجبنيش الصراحة....ملوش لازمة و بيدي العربية احساس عواجيزي شوية
4)المساحات جوه مش واسعة قوي...ممكن نقول ان زيها زي الx1 و مساحة التخزين أقل من الكارينز
5)الثبات فى الملفات معجبنيش خالص...ممكن علشان الجنط ال16 و العفشة اللى معمولة علشان الراحة...بس فى ملفات الزعفرانة محستش بالثقة اللى كنت متوقعها ,,,,البي ام بتتفوق فى النقطه و تماسك الx1 فى الملفات عجبني أكتر بكتير الصراحة
6)ما عجبنيش نظام stop start بشكل عام....بس ممكن تقوم بغلقه

الخلاصة: عربية سريعة جدا جدا بس تماسكها زعلنى منها شوية ....لو مش فارقة معاك السرعة هات bmw x1 و مش هتحس بفرق كبير...لو من هواة السرعة فالعربية دي هترضيك قوي...بس هدئ شويتين فى الملفات أو هاتها بالجنط ال19 الاختياري
youtube

أخبار التكييف اية ؟؟