ربنا يفتح عليك ....
عرض للطباعة
اعتقد انت كنت مستني تعليق اخر
لاني لا قولت لحد يرشي ولا يسرق
وكون انك بتبص لكاتب المشاركة ومبتبصش للمشاركة نفسها دي مشكلتك انت.
والحمد لله المشاركة موجودة هاتلي فيها الجملة اللي اللي مش هيسرق ولا يرشي عندو شيزوفرينا.
وكون انك مفهمتش المشاركة دي مشكلتك.
اما بخصوص اخر جملة انت كتبتها لا تعليق لاني بحاول اعود نفسي مردش على اساءة الادب معي
اكيد كل واحد هيتحاسب على اعماله.
انا عايز اعرف هي فين السرقة اساسا...هو انا لما امنع جباية وعارف انها بتتاخد بدون وجه حق تبقى سرقة...وكمان بتتصرف في سفه.
المشكلة اني مش بسرق من حرامي....لا خلط المفاهيم هو اللي عامل مشكلة الفكرة انا بمنع فلوسي عن الحرامي تبقى دي سرقة.
يا ريت حضرتك تكلمنا عن العدل في مصر اللي مغرق الدنيا.اصل العدل ده بقى مطاط اوي اليومين دول.
هل اللى هتاخده بوجه حق ولا لأ ؟؟ ... يعنى هل الفلوس اللى هتدفعها مقابل انك تاخد بيها حقك ولا لأ ؟؟ومتقوليش اصل الجباية والسرقة والجمارك والكلام ده
المبررات مفيش اسهل منها بس زى لما بتبرر لنفسك برر لغيرك .. وبغض النظر عن العدل مغرق مصر ولا مش مغرق مصر فى النهاية هتتحاسب على افعالك انت , مصر مش هتفيدك ساعتها بحاجة
أنا هاسيبني من كل الجدل اللى فات ده وهارد على جزئية صغيرة جدا في المشاركة اللى أنا مقتبسها دي ... ومش هارد تاني في الموضوع ده لأني لا أحب الجدال
عشان أمنع مالي عن الحرامي زي ما المشاركة بتقول وبالتطبيق على المسألة اللى صاحب الموضوع بيسأل فيها هاعمل عدة خطوات وبعض الجرائم الجنائية التي يحاسب عليها القانون والمخالفة للشرع كذلك
أولأ : هادفع رشوة للمختص في السعودية عشان يظبطلي الورق بتاع العربية من هناك وعلى حسب ما فهمت إن المسئول ده أكتر من شخص .. شخص هايختم الفاتورة وشخص آخر هايصدر خطاب أو ما شابه للجمارك ببيانات السيارة وبأني المالك الأولعلى خلاف الحقيقة ...
... ياترى الرشوة دي حرام ولا حلال ... وياترى وفقا للقانون الكافر الشرير ولا وفقا للشرع
طيب أنا هافترض إن المصريين كلهم كفرة وحرامية ومن حقنا نرشيهم زي ما احنا عايزين عشان نمنع إن الحرامي ياخد فلوسنا على حسب الوصف في المشاركة السابقة وعشان ناخد خقنا اللى احنا بندعيه ... ياترى الحكومة السعودية برضه حرامية ومن حقنا نرشيهم عشان نمنع إنهم ياخدوا فلوسنا اللى تعبنا فيها ... طيب لو هم كمان حرامية
ياترى لو أنا في ألمانيا مثلا ... وأتيح لي إني أعمل نفس الموضوع ده وأقدم رشوة للموظف الألماني ياترى هنا هايبقى حلال ولا حرام
ثانيا : ارتكبت جريمة التزوير في محررات رسمية واضحة وضريحة تحت طائلة القانونين المصري والسعودي ... ياترى القوانين دي حرام مثلا ولا مخالفة للشرع ... عشان أبقى فخور وأنا بخالفها
ثالثا : أقل حاجة في الموضوع : وهي ليست بقليل ... ياترى لما أغير الحقيقة في المستند اللى أنا دفعت رشوة عشان أحصل عليه بطريق غير قانوني وأروح أقول للناس كلها إني أنا المالك الأول للسيارة على خلاف الحقيقة هو مش أنا كدة برضه ... كذاب ...
ياترى الكذب حلال ولا حرام ... ولا عادي ونقول ما هي الناس كلها بتكذب ودي كذبة بيضة وهدفها حلال (اللى هو إني أمنع الحرامي إنه ياخد فلوسي) ده لو سلمنا إن خلاص الحرامي هو اللى هياخد فلوسي أساساً ... لو عادي ... أحب أفكر نفسي إني ربنا هايسألني في يوم من الأيام ليه كذبت ... وأحب أتخيل نفسي وأنا ببجح وأقله عادي ما هي الناسي كلها في الزمن ده كانت بتكذب ودي كذبة بيضاء
ياترى الكذب حاجة بسيطة
.....
في النهاية الأمر بالضبط زي الناس اللى بتمشي عكس اتجاه السير في وسط نهر الطريق ولما الطريق وقف بسبب الفوضى اللى حصلت وسألت واحد من اللى بيعكسوا ليه داخل عكس اتجاه وعملت الفوضى دي ... رده كان "هو أنا داخل لوحدي ما هي كل الناس بتعكس أهه" ...
ياريت بقى لما يقف قدام ربنا ويسأله يقوله ليه دخلت في الاتجاه المعاكس وخدت حاجة مش من حقك تاخدها وسرقت حق ناس تانية بإنك اختصرت مسافة كبيرة ووقت كبيرة بدخولك في الاتجاه المعاكس .. في حين إن الناس التانية اتعطلت بسببك أو عملت حوادث بسببك أو حتى اتخضت واتفزعت بسببك عشان الناس التانية بس تمشي وتروح تلف من اللفة البعيدة اللى الحكومة الشريرة المصرية عملتها بعيد عشان تعكنن علينا وتقرفنا
كل الكلام اللي فوق ده...مبني على فرض ان حد هيقبل الكذب او هيحلله استشهدا بغيرة...وهو فرض خاطيئ..
طيب الخلاصة في الموضوع....بما اني موافق ان الراجل يعمل ورقة تثبت ان المالك الاول للسيارة..
وبما ان حضرتك اوردت الكثير من الشبهات حول هذه الورقة...فانا بوافق حضرتك انو يبعد عن اي شبهة حرام...ويدفع الجمارك كاملة..تمام كدة..
وفي نفس الوقت بما ان القائمون على البلد...يهدرون هذه الاموال في الفساد والسفه....وبناء السجون ليلقو بالطلاب والسياسيين فيها بدل التنمية...فانا شايف ان حضرتك تنزل وتعترض على كل فعل تشوفه فيه اهدار للمال العام...لان الساكت على الحق شيطان اخرس.
السؤال الصح مكانش مفروض يتسأل كده
السؤال الصح
هوا لما تاخد من الحرامى نفس المال اللى سرقه منك ده حلال ولا حرام؟؟؟؟؟؟؟
الاجابه بتاعتى انا
حلاااااااااااااااااااااال
لانك بتاخد مالك اللى مسروق فقط لا غير
امال سرقه الحرامى لانه سرق ناس غيرك ( مش منهم انت ) وانت عاوز تجيب حقهم فدى قصه تانيه خاااااالص واللى يقوم بيها ولى الامر مش انت ومينفعش تنفذها انت
الفاتورة تضربها ماشى بس لازم غرفه تجاريه بنفس تاريخها تضربه ازاى ؟؟؟ ولازم قنصليه تضربه ازاى ؟؟؟
شهادة المرور مالك اول تضربها ازاى ؟؟؟
شهادة اعادة تصدير من الغرفه بتاريخها تضربه ازاى ؟؟
شغل مخك فى حاجه تنفع نفسك وبلدك وسيبك من الغلط حتى لاتلبس فى الحيطه وتضيع فلوسك :khd:
الموضوع علشان تفهمه صح وتفهم وجهه النظر اللى انا اقصدها بالظبط محتاجه كلام كتير بس ححاول ابسطهالك على قد ما اقدر
المبدأ اللى انا مقتنع بيه وده انا سمعته من علماء كبار ان فى حاله ان شخص اغتصب حقك او مالك ومفيش طريقه ترجعه بيها قانونى لو تعرف ترجع حقك فقط ولا زياده مليم وااحد بطريقه غير قانونيه بغير الاضرار بشخص تانى اعملها
ده اللى انا اقصده
وده مش مبدأ ميكافيلى ولا حاجه ان الغايه تبرر الوسيله
ده مبدأ ربانى وحقولك ازاى
لو فرضنا اننا انا والراجل ده اللى سرقنى جينا قصاد ربنا
ربنا حيسأله انت سرقت فلان الفلانى ليه
ايه حيكون رده؟؟؟؟؟؟؟؟؟
مفيش طبعا
حيجى للشخص التانى المسروق اولا
انت سرقت فلان الفلانى ليه
رده حيكون يا رب انا حاولت اخد حقى منه بالدوله معرفتش فخدت حقى او فلوسى منه اللى سرقها منى قبل كده بالظبط ولا زياده ولا نقصان
وده مبدأ العين بالعين والسن بالسن
بس المبدأ ده المفروض ان ولى الامر او الدوله تطبقه
معرفتش بقى تطبقه طبقه انت
معرفتش انت ولا الدوله تطبقه يبقى استنى يوم الحساب وربنا عزوجل حيجيبلك حقك
اما بالمناسبه للرشاوى او المحسوبيه اللى بتدفع علشان الاجرائات فانا معرفش عنها حاجه بصراحه وايه حكمها لكن سمعت مره وغير متأكد ان مثلا مثلا لو بتقضى معامله حكوميه زى بطاقه او باسبور ومثلا الموظف رخم جدا وانت كل اوراقك صح بس مش حتمشى الا برشوه ومش حتضر حد ولا تاخد مكان حد انه ينفع فى الحاله دى تعملها
ده والله اعلم