هو لما تسرق الحرامى حلال ولا حرام؟
عرض للطباعة
هو لما تسرق الحرامى حلال ولا حرام؟
كان ناقص إن واحد يقول إن الموضوع دة أمر مستحب ويثقل ميزان حسناتك لأنك ساعدت الموظف الغلبان إنه يفك أزمته ويحسن دخله من غير ما يرتكب جريمة وأنك لو تقدر تعمل كدة ولم تفعل أصبحت من أعداء الإسلام وجب تطبيق حد الحرابه عليك ...
وبما إن الموضوع دة حلال فمن حقك تزبط أي حاجة بالرشوة وهو دة الأصل في ألدين ، وكمان تحاول تسرق أي حاجة تبع الحكومة عينك تيجي عليها أو أضعف الإيمان اتلافها ....
يا حلاوتكم يا بتوع الحلال والحرام ، يا صاحب الموضوع استحي من نفسك فاتح موضوع تسأل فيه هل النصب والتزوير حلال ولا لأ وكمان بتشجع الناس علي القصة دي ...
إذا بليتم فاستتروا لكن للأسف إن لم تستح فافعل ما شئت ....
فعلا انا بقرا التعليقات وانا مزبهل هية الناس بقت ممكن تاكل المال العام وتستحله كمان بالمنظر دة ازاي !!!!
قتل الناس..ومصادرة اموالهم...لتعجيزهم سياسيا...حلال.
الافراج عن الحرامية واللي مصو دم البلد وهربو المليارات حلال.
نهب اموال الجمعيات الخيرية..اللي بترعى الاارمل واليتامى حلال.
افتتاح الاندية للترفيه عن اسر فئة من الشعب هما وعيالهم واسرهم من دم الشعب حلال.
رئيس مجلس ادارة الشركة المصرية للاتصالات ياخد اكتر من 2000000مليون جنية في الشهر حلال.
لما يتعين في نفس الشركة كام عيل ماكملوش 30 سنة من اولاد الاكابر مستشارين في ادارة الشركة المختلفة وااقل واحد فيهم ياخد راتب 25000جنية حلال.
ولما واحد ضاقت بيه الحال في بلدة وسافر يطفح الدم في الخليج ويدفع ضرائب ورسوم اد كدة..ولما يحاول يجيب عربية وينفد من الجبايةالمسماه بالجمارك الهلامية يبقى حرامممممممم.
ايه كمية الشيزوفرينيا دي.
هو مسرقش حد هو بيحاول يمنع انو يتسرق بالقانون.
والقانون ده مش قران.
بالعكس نصوص القانون في فيها لو دورت ما يخالف نصوص القران.
استقيمو يرحمكم الله
مهو هو دة التعليق اللي أنا كنت مستنيه عشان الليلة تكمل ....
يلا يأخوانا الأخ mhmoudysf جبهالكو مقشرة ....
اللي مش هيسرق ومش هيرشي عنده شيزوفرنيا ....
لأ وفي أخر الحوار كاتب " استقيموا يرحمكم الله "
أقولك أنا حاجة أحلي "إتعالجو يشفيكم الله "....