تسقيط موتور للابيزا 1998

**Karim Ibiza** · 17-03-2014 10:09 PM

المشاركة الأصلية كتبت بواسطة sadangel_6306

انا متشكر جدا على ذوقك يا باشا
ومن الواضح ان الاختيار مابين موتورين
الاول 101 حصان والكود بتاعه aft
والتانى الموتور الغلس ههههههه
انا ارجح الاول
واخر حاجة يا باشا اجيبة عادة ولا اوتوماتيك من وجة نظرك الشخصية ؟
والتكلفة لو عادة او اوتوماتيك
ولك جزيل الشكر وتقبل تحياتى

للأسف مفيش موتور من اللى انت اختارتهم بينزل اوتوماتيك
لو عايز اوتوماتيك يبقى ادخل على الجيل اللى بعده بتاع الجولف 4 والبورا والتوليدو و الاوكتافيا وهات الموتور 1.6 101 حصان والكود بتاعه akl او 1.6 105 حصان 16 صباب الكود بتاعه azd

بالنسبة للتكلفة لو aft هيعمل حوالى 4500 بالفتيس
لو akl او azd يبقى هتحتاج تجيب نص وتفضيه عندك وفى الحالة دى ممكن توصل ل 9000

**nesr6060** · 18-03-2014 02:23 PM

اعتقد يا باشا ان قواعد مواتير الجولف 4 فيها قاعده مختلفه فمش هيركب عنده مظبوط ولازم يعدل فى القواعد وده لو المرور عرفه مش هيرخصله

**Karim Ibiza** · 18-03-2014 02:52 PM

قواعد الجولف 4 نفس قواعد عربيتك بدليل انك ممكن تركب 1.4 2 كامة بتاع الجولف 4 على عربيتك

**Karim Ibiza** · 19-03-2014 07:12 AM

المشاركة الأصلية كتبت بواسطة sadangel_6306

الى الاستاذ الفاضل
karim ibiza
والى الاستاذ الفاضل
nesr6060
انا متشكر على الردود الرائعة ودى قمة الاحترام لانى معرفش بصراحة اى من المواتير تركب
انا محتار بجد وكمبداء فلوس انا عامل حسابى سواء نص او موتور او خلافة فاستاذنكوا بما انكوا خبراء وفاهميين عنى ودة مش عيب انى اقول انى معرفش
ممكن ترشحولى موتور محترم من ناحية كل حاجة انوا اتوماتيك وسعرة تقريبا والكود بتاعة لانى معرفش غير الجيل الثالت بتاع الجولف اما الرابع دة معنديش علم بية
ولو عادة يكون اية ؟
لان انتوا عارفين ومدركين انى هشترى موتور او نص وافضية فعاوز حاجة محترمة بس ياريت بالتفصيل الممل
لانى مش عاوز البس ف الحيط
ومتشكر ليكوا بجد يا اجدع رجالة

طالما عامل حسابك على الفلوس يبقى انزل عند بتوع الاستيراد وشوف اى نص يكون 1.6 واوتوماتيك
مبدأيا هتقدر تميز سعة الموتور من خلال الغطاء الفيبر اللى على الموتور بيكون مكتوب عليه 1.4 او 1.6 او 1.8 او 2.0
شوف نص جولف 4 او بورا او اوكتافيا او توليدو وتكون موديلاتهم من 2000 الى 2004
اكواد المواتير الـ 1.6 كالأتى:
1.6 8صباب: Akl / aeh / apf / avu/bfq
1.6 16 صباب: Aus / azd / atn / bcb

هتجيب النص كاااامل بكل حاجة ماعدا الصاج والفوانيس والاكصدامات وتجيب الشكمان كامل والعفشة الخلفية عشان الفرامل وطرمبة البنزين

الكلام ده ممكن يدخل فى حوالى من 10 الى 14 ألف جنيه

ولو لو عندك استفسار تانى اسأل

**Karim Ibiza** · 20-03-2014 05:21 PM

المشاركة الأصلية كتبت بواسطة sadangel_6306

بصراحة كلامك مغرى جدا وبيدل انك فاهم وانا عاجبنى دة جدا وبجد ربنا يباركلك فى ضميرك وكلمتك
انا عاوزك ترشحلى موتور من اللى انت قولت عليهم اوتوماتيك ويكون هو هو مانيوال
ويكون محترم فى الاداء وقطع الغيار ويكون 1600 او 1800 والافضل منهم فى وضع الشاسية لان العربية دى اساسا فى العيلة عندى وعربية بيتى جدا جدا العداد بتاعها 70000ك.م
بس الموتور 1000 وراكب علية تكيف ف التوكيل والموتور شبة قرب يخلص
وانا عارف انى هجيب النص زى كلامك وبالعفشة بس انت لو مكانى تختار اية ف المواتير وبجد ربنا يباركلك فى كل كلمة بتقولها
واسف على تعبك معايا

طبعا افضل موتور هيكون الـ 1.6 16صباب بتاع الجولف والبورا

**Mahmoudelsayed** · 19-03-2014 12:38 AM

اهم حاجة تركز فى اللى هيتغير مع كل موتور عشان تعرف راسك من رجلك
ضفيرة وكنترول و فرن و عفشة .... الخ وربنا يوفقك

-

الموضوع: تسقيط موتور للابيزا 1998

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

المواضيع المتشابهه

ايمهما افضل تسقيط موتور 1300 انجكشن ولا موتور 1600؟؟؟؟؟ شاركونى بارائكم

تسقيط ماتور 2000 cc لفيكترا 1998 بدل من 1600

موتور للابيزا 2000

الشيفرولية بليزر s10 موديل 1997 6 سلندر هل يمكن تسقيط موتور مرسيدس أو أي موتور أخر

تسقيط موتور للابيزا 94

الكلمات الدلالية لهذا الموضوع

المفضلات

المفضلات

ضوابط المشاركة