الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة prisoner

ايوة حصل فعلا وتم تجربته لاكتر من مرة ومع ناس صحابى الحمد لله مريحنى على الاخر ومظبط صوت المكنة بس الافضل للموديلات من اول 1996 يبقى الماجنيتك ولو ابتداء من 2005 يبقى الايدج ولو عربيات سبق ومواتير حامية يبقى ايدج سبورت بالتوفيق

طب ان سمعت عن زيت visco3000 ايه رئيك فيه انا سمعت ناس بتقول كويس وناس تانيه تقول ده بتاع عربيات غاز وبصراحه اتحيرت

المشاركة الأصلية كتبت بواسطة megamoudy

طيب ايه رأيكو انا روحت معرض عندنا هنا ف الزقازيق ..... وشوفت العربية

موديل 2000 اوتوماتيك 1300 سي سي ............. الراجل بيقول فبريكا بره وجوه صراحة اول مره اشوف عربية لانسر نضيفه من بره وجوه بذات جوه فرشها والطابلوه زي ماتكون زيرو

بس الراجل طالب فيها مبلغ كبير اوي 60 ألف جنيه وبيقولي صاحب العربية مكانش بيركبها .. بس برده دي مش خليجي عشان يرفع سعرها اوي كده ولا انتو ايه رأيكو

صباح الجمال يا ريس ..... دى حسب هواك انت لو انت بتتكلم ان العربية فبريكة برة وجوة ومفهاش شغل خالص والعداد قليل ...... ولو انت حابب تركب وحابب الموديل جبها ..... بس لازم تخلى واحد متخصص يشوفهالك كويس او انت لو بتعرف فيهم .... انا معايا واحدة نفس المواصفات مفهاش الا رفرف اليمين ورا دة كان اتخبط منى اما بقيت العربية فبريكة برة وجوة ..... ونصيحة لو انت اول عربية بلاش تجيب فبريكة .......... دى ترجعلك انت وانا شايف ان 60 عالية عليها . بس انا ما شوفتش ........ وبلاش 1300 اسمع كلامى .... هتحس بالفرق بعد كدة مع التكيف العربية بتهبط جامد

المشاركة الأصلية كتبت بواسطة smsmawy

صباح الجمال يا ريس ..... دى حسب هواك انت لو انت بتتكلم ان العربية فبريكة برة وجوة ومفهاش شغل خالص والعداد قليل ...... ولو انت حابب تركب وحابب الموديل جبها ..... بس لازم تخلى واحد متخصص يشوفهالك كويس او انت لو بتعرف فيهم .... انا معايا واحدة نفس المواصفات مفهاش الا رفرف اليمين ورا دة كان اتخبط منى اما بقيت العربية فبريكة برة وجوة ..... ونصيحة لو انت اول عربية بلاش تجيب فبريكة .......... دى ترجعلك انت وانا شايف ان 60 عالية عليها . بس انا ما شوفتش ........ وبلاش 1300 اسمع كلامى .... هتحس بالفرق بعد كدة مع التكيف العربية بتهبط جامد

معلش استفسار صغير خطرتك بتقوله بلاش 1300 هو اصلا الشكل ده نزل منه 1600 اول مره اعرف المعلومه ده
اما بالنسبه للسعر فانا شايفه عالي جدا
لسه واحد صاحبي جايب لانسر 2008 1300 سي سي مانيوال عملت 67000 جنيه

المشاركة الأصلية كتبت بواسطة bonanza

اولا الف مبروك عليك العربية و ربنا ان شاء الله يديك خيرها و يبعد عنك شرها

موضوع زرار التكييف ده بقي غلس حبتين و ممكن يتصلح و ممكن لأ
ركز معايا عشان ممكن الشرح يبقي غريب و طويل شوية

اللي بيخلي الزرار لما تدوس عليه و تسيبة يرد تاني لبرة دي حتة بلاستيك صغيرة جدا اصغر من رأس عود الكبريت
عبارة عن بيت بيبات فيها شنكل بتاع الزرار بيمنعة انه يرد للخلف فا يفضل الزرار داخل لجوة لحد ما تدوس عليه تاني و الزرار يخرج لبرة ( نفس فكرة مثلا الاقلام الجاف اللي بزرار من فوق . دوسة تطلع السن و دوسة تانية تدخل السن )
الحتة البلاستيك دي بقي ضعيفة جدا و تلاقيها اتكسرت عندك
ليه بقي بقولك ممكت تتصلح و ممكن لأ
المفروض ان الحتة البلاستيك دي لما تفتح الزرار من جوة تلاقيها موجوده
لو موجوده يبقي تحاول تلزقها بأمير او اي لزق قوي ( و خد بالك انك لازم تحطها في مكنها بالظبط عشان الشنكل يتحرك حركتة الطبيعية )
لو مش موجوده يبقي ماظنش هاتعرف تصحل الزرار ده تاني و هاتضطر انك تجيب غيرة بقي

بص انا حصل عندي الموضوع ده بردو في زرار التكييف ( بفضل دايس عليه بأيدي عشان يفضل شغال ) لحد ما فتحت الزرار و عرفت اللي شرحتهولك ده

الحل بقي لو الحتة البلاستيك دي مش موجوده
انك تبدل الزرار بتاع التكييف بالزرار بتاع الزجاج الحراري اللي فوقية ( لان زرار الزجاج الحراري ده نادرا جدا لما هاتستخدمة )
طبعا تغير الجزء اللي فيه الحتة البلاستيك دي فقط

حاول بقي بعد ده كلة انك تخلي الزرار ده دايما لجوة
عشان كتر الدوس علية بيكسر البلاستيكة دي

شوف الموضوع ده ممكن يفيدك
فيه طريقة فك زرار الانتظار و فيه في الصفحة الثانية طريقة فك زرار التكييف
http://www.nilemotors.net/nile/217374-a.html

يارب اكون افدتك

انا بستخدم زيت شيل الاصفر
و في ناس بتشكر في الكاسترول اوي

الله يبارك فيك وانا متشكر جدا على اهتمامك
انا فعلا جربت افكه النهارده وفكيت الوش بس حاولت اطلع الزرار بس كان ماسك اوى فمرضيش ادوس جامد عليه من وره فلو ممكن تقولى لو ليه طريقه معينه اخرجه بيها
الحاجه التانيه لو فيه منه جديد ممكن اشتريه بس الئيه فيين وبكام
وعلى فكره انا عربييتى لانسر 98 جي ال بيتهيئلي زي عربييك بالظبط